ང་ཚོ་སྐྱབས་བཅོལ་བ་ཚོ།(དང་པོ)

༼ ཇོས་མི་རིགས་ཀྱི་སྐྱབས་བཅོལ་བའི་རྩོམ་ཡིག་གཅེས་བཏུས་(གང་ཞིག་ཏུ། ང་ཚོ་མཉམ་དུ།)ཞེས་པ་ལས་ཚན་བཤུས།༽

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཧན་ནཱ- ཨ་རེན་རྡུ་ཁྲི།

ཐོག་མ་ཉིད་ནས་ང་ཚོ་སྐྱབས་བཅོལ་བ་ཞེས་པའི་བཏགས་མིང་དེར་གཏན་ནས་དགའ་བོ་མེད། དེར་བརྟེན། ནམ་རྒྱུན་ང་ཚོས་སོ་སོའི་ནང་ཁུལ་དུ་ཕན་ཚུན་ལ་གསར་འབྱོར་བའམ་ཡང་ན་གནས་སྤོར་མཁན་ཞེས་འབོད་བཞིན་ཡོད། སྐབས་དེའི་ང་ཚོའི་ཚགས་པར་ཁག་གི་ནང་དུ་ཡང་ཨ་རིའི་འཇར་མན་སྐད་ཡིག་སྐྱོན་མཁན་ཚོ་ཞེས་བཀོད་བཞིན་ཡོད་པ་ལས་ང་ཚོས་རང་ཉིད་ཀྱི་འབྱུང་ཁུངས་ཟུར་ཙམ་ཡང་སྟོན་མྱོང་མེད་པར་མ་ཟད། ཐ་ན་ངས་ཤེས་ཚུལ་ལ་ཧིས་ཏི་ལིར་(Hitler)གྱི་བཙན་གནོན་འོག་ཏུ་གདུག་རྩུབ་མནར་གཅོད་མྱོང་མཁན་དག་གིས་གསར་འཛུགས་བྱས་པའི་ཚོགས་པ་དང་སྡེ་ཁག་གང་གི་མིང་དུའང་ཁོ་ཚོ་རང་ཉིད་སྐྱབས་བཅོལ་བའི་རིགས་སུ་གཏོགས་ཚུལ་གྱི་མིང་ཟུར་ཙམ་ཡང་བཏགས་མྱོང་མེད། (more…)

མི་སྣང་བར་གྱུར་བ་དེ། (བཅུ་བ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

ལོ་དང་ཟླ་བ་ཡུན་གྱིས་འདས་དུས་ཉེན་རྟོག་པ་ཚོས་མཚམས་མཚམས་སུ་སྒྲིག་ལམ་བརྩི་སྲུང་མི་བྱེད་པར་ཁོང་ལ་རོགས་པ་བྱེད་ཐབས་བྱས་པ་རེད། ཉེན་རྟོག་པ་ཚོས་ཁོང་མི་མང་འདུ་སར་ཁྲིད་མི་ཆོག་པའི་སྐབས་སུ་གློག་བརྙན་བལྟ་བར་ཁྲིད་པ་དང་སྲང་ལམ་གྱི་གློག་འོད་ཤི་བའི་སྐབས་སུ་ཁོང་ཁྲིད་དེ་གློག་འོད་བསྐྱར་དུ་ཡོང་རག་བར་དུ་སྲང་ལམ་བརྒལ་གྱི་ཡོད། ཁོང་ཚོས་ཁོང་ཨ་ཕ་ཞིག་ཡིན་པའི་སྣང་བ་དེ་ཡོང་ཆེད་མཚམས་རེར་ཁོང་དང་ཁོང་གི་བུ་ཆུང་རྫ་སྤར་གཉིས་ཉེན་རྟོག་རུ་ཁག་གི་རྩེད་ཐང་དུ་ཁྲིད་དེ་འཆར་གཞི་མེད་པར་རྩེད་འགྲན་རུ་ཁག་བགོས་ནས་རྩེད་མོ་རྩེ་བ་དང་གུང་གསེང་སྐབས་སུ་ཁོང་ངོ་མཚར་ལྡན་པའི་སྐྱེད་མོས་ཚལ་དུའང་ཁྲིད་ཡོད། ཐེངས་ཤིག་ངོ་མཚར་ལྡན་པའི་སྐྱེད་མོས་ཚལ་ཞིག་དུ་རྫ་སྤར་གྱིས་རྩེད་ཆའི་མེ་མདའི་འགྲན་སྡུར་ཞིག་གི་སྟེང་དུ་བྱིས་པའི་རྩེད་ཆས་ཤིག་ཡོད་པ་ལེན་འདོད་སྐྱེས་བ་རེད།་མིང་ལ་རྗེ་ཁི་རྒྱག་པ་ཞེས་བའི་ཉེན་རྟོག་མི་སྣ་དེས་རྫ་སྤར་གྱི་སྐད་ཆ་གོ་སྐབས“ཁྱེད་ཀྱིས་རྩེད་ཆས་དེ་ལེན་འདོད་འདུག་གམ”རྫ་སྤར་ལ་དྲིས། དེ་ནས་ཁོང་སྟེགས་བུའི་སྟེང་དུ་སོང་ནས་སྒོར་མོ་བཞག་པ་དང་ཚོང་བདག་གིས་ཁོང་ལ་མེ་མདའ་འཁོར་མདའ་སྤྱིར་བཏང་བ་དེ་གཏད་ཞོར་དུ“ཡ་ཡ།འགྲིག་ག” ཁོང་གིས་བྷོམ་བྷོམ་བྷོམ་ཞེས་གཞུས་ཚེ་འབེན་དེ་ཚོ་གཅིག་གཅིག་གཉིས་གཉིས་བྱས་ནས་ཟགས་སོང་། ཚོང་བདག་གིས་ཁ་གདང་ཞིང་སོ་རྫུན་མ་དེ་ཕྱི་ལ་བསྟན་ནས་ཧད་དེ་ལུས་འདུག “འགྲིག་སོང་། ཡག་པོ་བྱུང་སོང་།”རྗེ་ཁི་རྒྱག་པའི་དེ་ལྟར་བཤད་ཞོར་མེ་མདའ་ས་ལ་བཞག་པ་དང་རྩེད་ཆས་འཇམ་པ་དེ་ལ་མཆུ་བཙུགས་ནས “ངེད་གཉིས་ལ་དེ་བདག་སོང་།བཀའ་དྲིན་ཆེ།”ཞེས་བཤད། (more…)

མི་སྣང་བར་གྱུར་བ་དེ། (དགུ་བ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

ཉེན་རྟོག་དམིགས་བསལ་རུ་ཁག་གི་བཀོད་འདོམས་པ་ཇོན་ཧོ་ལེ་ས་གནས་བེལ་དུ་ཁོང་ལ་བལྟ་བར་སླེབས་སོང་། ཉེན་རྟོག་བཀོད་འདོམས་པས་ཁོང་ལ་བཤད་རྒྱུར“གནས་ཚུལ་འདི་དག་ལ་བརྟག་ན་ཁྱེད་རང་དུས་ཡུན་ངེས་ཅན་ཞིག་ལ་ཉེན་ཁའི་ནང་དུ་ཚུད་རྒྱུ་ཡིན་པ་དེ་དམིགས་བསལ་ཉེན་རྟོག་རུ་ཁག་གིས་དེ་སྔོན་སེམས་པར་ཤར་པ་དང་ལྡོག་ཕྱོགས་ཆགས་སོང་།” ཉིན་ཁ་ཤས་ཤིག་ལ་ཡིབས་ནས་བསྡད་དེ་ཆབ་སྲིད་པ་ཚོར་དཀའ་རྙོག་དེ་སེལ་འཇུག་རྒྱུ་ཞིག་མ་རེད། ཁོང་གི་སྤྱིར་བཏང་གི་འཚོ་བ་ཞིག་སྔར་བཞིན་རོལ་ཐུབ་རྒྱུའི་རེ་བ་ཧ་ཅང་ཕྲ་མོ་རེད། ཁོང་ནང་ལ་ལོག་དེ་རང་གི་གོ་སྐབས་དམ་འཛིན་བྱེད་རྒྱུའི་ཐག་གཅོད་བྱེད་ཐབས་མེད་པ་ཞིག་རེད། (more…)

མི་སྣང་བར་གྱུར་བ་དེ། (བརྒྱད་པ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

གནད་འགག་ཅི་ཞིག་ཡིན་མིན་མ་ལྟོས་པར་ཅིག་བྲིས་ཏེ་ཞི་བདེ་ཡོང་ཐབས་བྱེད་པ་ནི་དཔེ་མི་སྲིད་པའི་ལས་འགན་ཞིག་རེད། ཁོང་གིས་བཤད་པའི་སྐད་ཆ་ནི་ཁོ་རང་ཆེས་ཞེན་པ་ལོག་ས་དེ་ཡིན།
“འདྲེའི་ཚིགས་སུ་བཅད་པ”ཡི་རྩོམ་པ་པོས་དཔེ་དེབ་འདི་དཔར་བའི་རྐྱེན་བྱས་ཏེ་འཛམ་གླིང་གི་ས་ཕྱོགས་མང་པོར་ཡོད་པའི་ཁ་ཆེ་བ་ཚོ་དངོས་སུ་བློ་ཕམ་བྱུང་འདུག ཁ་ཆེའི་ལྷག་བསམ་རྣམ་དག་གི་རྗེས་འཇུག་པ་ཚོར་བརྩམས་ཆོས་འདིས་བློ་ཕམ་བཟོས་བར་ངས་སེམས་གཏིང་ནས་དགོངས་དག་ཞུ་བཞིན་ཡོད། ཉམས་མྱོང་འདིས་ཆོས་ལུགས་ཀྱི་གྲུབ་མཐའ་འདྲ་མིན་ཡོད་པའི་འཛམ་གླིང་འདིའི་ནང་དུ་འཚོ་བའི་ང་ཚོར་གཞན་གྱི་ཚོར་ཤུགས་རྣོན་པོར་བསམ་ཤེས་བྱེད་དགོས་པའི་དྲན་གསོ་བྱས་པ་རེད། (more…)

མི་སྣང་བར་གྱུར་བ་དེ། (བདུན་པ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

ཕྱི་ཟླ་༢་བའིཚེས་༡༥་ཉིན་གྱི་ཞོགས་པར་ཁོང་ལ་ལྟ་རུ་ཡོང་མཁན་གྱི་དམིགས་བསལ་ཉེན་རྟོག་ཡན་ལག་སྡེ་ཁག་གི་ཉེན་རྟོག་པ་ནི་བེལ་སོན་དང་། གསང་བའི་ལས་ཁུངས་ཀྱི་ལས་བྱེད་ནི་བེལ་ཌོན་རེད། ཉིན་དེར་དགོད་བྲོ་བ་དང་སྤྲོ་སྣང་ཅན་ཞིག་མེད་ཀྱང་། ཁོང་གཉིས་ཆའི་མིང་དང་པོ་དེ་བེལ་གྱིས་འགོ་བཙུགས་ཡོད། བེལ་སོན་དང་བེལ་ཌོན་ནི་དབྱངས་ཀྱི་དགོད་གཏམ་ཞིག་དང་འདྲ། ཁོང་ལ་འཇིགས་སྐུལ་བྱས་བའི་གནད་དོན་ནི་ཧ་ཅང་ཛ་དྲག་ཡིན་པས་ཛ་དྲག་རིམ་པ་གཉིས་བ་རེད། དེས་ཅི་ཞིག་མཚོན་གྱི་ཡོད་ཅེ་ན། དབྱིན་ཇིའི་རྒྱལ་མོ་ཕུད་པའི་དབྱིན་ལན་རྒྱལ་ཡོངས་ཀྱི་ནང་དུ་ཁོང་ལས་ལྷག་པའི་ཛ་དྲག་གི་ཉེན་ཁའི་ནང་དུ་ལྷུང་བའི་མི་གཅིག་ཀྱང་མེད་པ་དེ་རེད། ཁོང་ལ་ཕྱི་ཕྱོགས་ཀྱི་དབང་ཆ་ཞིག་གིས་སྡིགས་ར་བསྐུལ་བ་ཡིན་པས། དབྱིན་ཇིའི་གཞུང་གིས་ཁོང་སྲུང་སྐྱོབ་བྱེད་རྒྱུ་ནི་འོས་འགན་ལྟ་བུ་ཆགས་ཡོད། གཞུང་ཕྱོགས་ནས་སྲུང་སྐྱོབ་བྱེད་རྒྱུའི་ངོས་ལེན་ཞུས་ཡོད། ཁོང་ལ་སྲུང་སྐྱོབ་བྱེད་མཁན་བདེ་སྲུང་ལས་བྱེད་གཉིས་དང་ཁ་ལོ་བ་གཉིས། རླངས་འཁོར་གཉིས་བཅས་བཀོད་སྒྲིག་བྱས་བ་རེད། རླངས་འཁོར་གཉིས་པ་ནི་རླངས་འཁོར་དང་པོ་དེ་སྐྱོན་ཤོར་བའི་སྐབས་སུ་བེད་སྤྱོད་བྱེད་ཆེད་རེད། ལས་འགན་གྱི་རང་བཞིན་གཞན་དང་མི་འདྲ་བ་མ་ཟད། ཚོད་དཔག་བྱེད་ཐབས་བྲལ་བའི་ཉེན་ཁ་ཡོད་པས། ཁོང་སྲུང་སྐྱོབ་བྱེད་མཁན་ཚང་མ་དང་བླངས་བ་རྐྱང་རྐྱང་རེད། (more…)

མི་སྣང་བར་གྱུར་བ་དེ། (དྲུག་པ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

ཕྱི་ལོ་༡༩༨༨ལོ།

དབྱིན་ལན་ནས་རྩོམ་སྒྲིག་བྱས་པའི་“འདྲེའི་ཚིགས་སུ་བཅད་པ”ཞེས་པའི་དེབ་དེ། ཕྱི་ལོ་༡༩༨༨ ལོའི་ཟླ་༩ བའི་ཚེས་༢༦ ཉིན་དངོས་སུ་ཀློག་པ་བོའི་མིག་མདུན་དུ་བཤམས་ཐུབ་པ་བྱུང་བ་རེད། ལོ་དེའི་སྟོན་ཀའི་དུས་ཡུན་ཐུང་ཐུང་ཞིག་གི་རིང་ལ་འདྲེའི་ཚིགས་སུ་བཅད་པ་དེས་རྩོམ་རིག་གི་བགྲོ་གླེང་ཁྲོད་དུ་གྲགས་འགུལ་མི་དམན་པ་ཞིག་བཟོས་སོང་། དེབ་དེ་དངོས་གནས་ཚད་ལྡན་ཞིག་རེད་དམ་ཞེས་པའི་བརྗོད་གཞིའི་སྐོར་ལ་བིས་ཁི་ཁྲོ་རས་ཡ་གྷི་ལན་ཌེན་ནེན་གྱིས་ལོན་ཌོན་དུས་བབ་སྟེང་གླེང་སློང་བྱུང་དོན་ལྟར་ན། (more…)

མི་སྣང་བར་གྱུར་བ་དེ། (ལྔ་པ)

(ཧྥ་ཏི་བ་ཞེས་པའི་ཐ་སྙད་དེ་ནི་ཁ་ཆེའི་ཆོས་ཁྲིམས་རིགས་ཤིག་གི་མིང་སྟེ། ཁྲིམས་ལུགས་དེས་རྩོམ་པ་བོ་ཞིག་གི་མི་ཚེ་ལ་འགྱུར་བ་བཏང་ཚུལ།)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

འདི་ལྟར་ཚིགས་བཅད་སྐྱོར་འདོན་བྱེད་པ་དེས་བདུད་ཀྱི་ངན་ཇུས་དག་གཞོམ་པར་བྱེད་པ་རེད། ཡིན་ནའང་གནད་དོན་ཞིག་ལྷག་པ་ནི། མོ་ཧ་མི་ཏིས་རྒྱུ་མཚན་ཅིའི་ཕྱིར་དང་ཐོག་མ་འོངས་ལུང་བསྟན་རྫུན་མ་དེ་དངོས་གནས་ཡིན་པའི་ཁས་ལེན་བྱས་པ་རེད། ད་དུང་མ་འོངས་ལུང་བསྟན་ཁྲོམ་བསྒྲགས་ཀྱི་སྐབས་སུ་འདྲེ་དང་མཁའ་འགྲོའི་ཚོགས་ལ་ཅི་ཞིག་བྱུང་པ་རེད། ཨེས་བྷིན་ཨེས་ཤ་ཁི་ཡིས་བྲིས་དོན་ལྟར་ན། མོ་ཧ་མ་ཏི་ཁོང་གིས་མི་སེམས་འགུག་ཐབས་ལ་ཕྱོགས་པ་དང་མེ་ཁའ་གྲོང་ཁྱེར་གྱི་མི་མང་གིས་ཁོང་གི་དབང་ཐོབ་ལ་ངོས་ལེན་ཐོབ་དགོས་པ་རེད། མེ་ཁ་མི་མང་གིས་ཁོང་གིས་ལྷ་རྣམ་གསུམ་གྱི་དབང་ཐོབ་ལ་ངོས་ལེན་ཐོབ་པ་གོ་རྗེས་དགའ་སྤྲོ་ཚད་མེད་སྐྱེས་པ་རེད། འོ་ན། ཅིའི་ཕི་རོ་ཧྥེ་ཐིས་ཡང་བསྐྱར་ངོས་ལེན་དེ་ཕྱིར་བསྡུ་བྱས་པ་རེད། ནུབ་ཕྱོགས་ཀྱི་ལོ་རྒྱུས་སྨྲ་བ་ཚོས(སི་ཁོ་ཌི་ཡི་ཁ་ཆེའི་ཆོས་ཀྱི་མཁས་དབང་ལྡ་བྷིལ་མོན་ཌི་གྷོ་མིར་རིས་བ་ཌི་དང་། ཧྥ་རན་སིའི་མར་ཁེ་སི་རིང་ལུགས་པ་མེ་ཁི་སི་མིས་རོ་ཏེན་སོན།)གོང་ཞུས་ཀྱི་དོན་རྐྱེན་དེ་ནི་སྲིད་དོན་གྱི་དམིགས་ཡུལ་ངེས་ཅན་ཞིག་ཡོད་པའི་སྡོམ་ཚིག་བཀོད་འདུག (more…)

མི་སྣང་བར་གྱུར་བ་དེ། (བཞི་པ)

(ཧྥ་ཏི་བ་ཞེས་པའི་ཐ་སྙད་དེ་ནི་ཁ་ཆེའི་ཆོས་ཁྲིམས་རིགས་ཤིག་གི་མིང་སྟེ། ཁྲིམས་ལུགས་དེས་རྩོམ་པ་བོ་ཞིག་གི་མི་ཚེ་ལ་འགྱུར་བ་བཏང་ཚུལ།)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

ཕྱི་ལོ ༡༩༩༦ ལོ།

ཁོང་གིས་“འདྲེའི་ཚིགས་སུ་བཅད་པ་”ཞེས་པ་ཐོག་མར་ཀློག་དུས་ནི་ཁོང་ཁམ་བྷི་རེས་ཇེས་གཙུག་ལག་སློབ་གྲྭའི་སློབ་ལོ་རིམ་གཉིས་པའི་ནང་དུ་ལོ་རྒྱུས་སྦྱོང་བཞིན་པའི་སྐབས་རེད། ཁོང་གིས་ལོ་རྒྱུས་ཀྱི་སློབ་གཞིའི་ཆ་ཤས་གཉིས་པའི་སློབ་ཚན་གསུམ་གྱི་གདམ་ག་མང་པོའི་ནང་ནས་སློབ་ཚན་དམིགས་བསལ་བ་གསུམ་སྦྱོང་དགོས་སྙམ་པ་རེད། ཁོང་གིས་རྒྱ་གར་གྱིས་དབྱིན་ཇིའི་ལག་ནས་རང་བཙན་འཐབ་རྩོད་བྱས་བའི་བརྒྱུད་རིམ་སྟེ་ཕྱི་ལོ་ ༡༨༥༧་ལོའི་ཡར་ལངས་ནས་༡༩༤༧་ལོའི་ཕྱི་ཟླ་༨་པའི་བར་གྱི་ལོ་རྒྱུས་དང་། ཨ་རིའི་ལོ་རྒྱུས་ཀྱི་ཐུན་མོང་མ་ཡིན་པའི་ལོ་ཟླ་སྟེ་རང་བཙན་བསྒྲགས་གཏམ་ནས་རྩ་ཁྲིམས་བསྐྱར་བཟོའི་ལོ་ཟླའི་དབར་བཅས་གཉིས་དང་། སློབ་ཚན་གསུམ་པར་ལོ་དེར་ཐོག་དང་པོར་སློབ་ཚན་གྱི་ནང་དུ་བཅུག་པའི་“མོ་ཧ་མ་ཏི། ཁ་ཆེའི་མངའ་ཐང་དང་ཀྲིས་ཀིར་ཡུལ་གྱི་རྒྱལ་པོའི་ལོ་རྒྱུས་ཀྱི་སྟོད་ཆ་”བཅས་རེད། ཁོང་གི་སློབ་སྦྱོང་ལ་ལྟ་རྟོག་དང་ལམ་སྟོན་བྱེད་མཁན་ནི་དུས་རབས་བར་མའི་ལོ་རྒྱུས་ཀྱི་མཁས་དབང་ཨར་ཐིར་ཧིས་བྷིར་ཌི་རེད། སློབ་གླིང་གི་བཤད་རྒྱུན་ཞིག་ལ་མཁས་དབང་དེའི་ཞིབ་འཇུག་ཡིག་རྒྱུགས་མཐའ་མ་སྤྲོད་སྐབས་ཁོང་ལ་རྒྱུས་མངའ་ཅུང་མེད་པའི་དྲི་བ་དག་ལ་ལན་འདེབས་སྔོན་ལ་བྱས་བ་དེས་དུས་ཚོད་ཚད་བཀག་གི་ནང་དུ་ལན་ཆ་ཚང་འདེབས་ཐུབ་ཡོད་པ་རེད། (more…)

མི་སྣང་བར་གྱུར་བ་དེ། (གསུམ་པ)

(ཧྥ་ཏི་བ་ཞེས་པའི་ཐ་སྙད་དེ་ནི་ཁ་ཆེའི་ཆོས་ཁྲིམས་རིགས་ཤིག་གི་མིང་སྟེ། ཁྲིམས་ལུགས་དེས་རྩོམ་པ་བོ་ཞིག་གི་མི་ཚེ་ལ་འགྱུར་བ་བཏང་ཚུལ།)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

དེའི་རྗེས་ནས་གནས་ཚུལ་ཅང་མ་བྱུང་བ་རེད། ཁོང་ཕྱིར་མོ་སི་སྲང་ལམ་གཞུང་དུ་ཐོན་སྐབས། གསར་འགོད་པ་རྣམས་ནི་ཕོ་སྦྲང་ཚོས་མོ་སྦྲང་འདེད་པའི་ངང་ཚུལ་དང་གཅིག་མཚུངས་རེད་ལ། པར་བ་ཁག་ཅིག་གིས་གཅིག་རྒྱབ་གཅིག་གིས་མནན་ནས་པར་ལེན་པའི་འཚང་ཁའི་གོམ་སྟབས་འཁྱར་འཁྱོར་བྱེད་པ་དེ་ནི་རི་ཆུང་ཆུང་ཞིག་གི་གྲུབ་གཟུགས་དང་གཉིས་སུ་མ་མཆིས་ལ། པར་བླངས་བའི་ཚག་སྒྲ་དང་གློག་འོད་ཁྲ་ལམ་ལམ་བྱེད་པའི་གནས་སྐབས་དེར་ཁོང་གིས་མིག་རྡེབ་ཙམ་ལའང་ཁ་ཕྱོགས་བརླག་འགྲོ། དེར་བརྟེན། རྨིད་གང་མང་གིས་རྒྱང་ཐག་ཡོད་པའི་མོ་ཌའི་ཕྱོགས་སུ་སླེབས་རྒྱུ་ནི་ཧ་ཅང་ཁག་ཆགས་འདུག། གང་ཡིན་ཟེར་ན་ཁོང་གཞུང་གི་སློབ་གྲྭ་འགྲིམས་མྱོང་མཁན་དང་གསར་ཁང་ཚོས་ཆེད་དུ་མངགས་པའི་གསར་འགོད་པ་ཁྱུ་གཅིག་གིས་རྗེས་འདེད་གཏོང་གིན་ཡོད་པས་རེད། འོན་ཀྱང་། སྐབས་དེར་ཏག་ཏག་ཁོང་གི་གྲོགས་པོ་གློག་བརྙན་ཕབ་སྐྲུན་མཁན་དང་། བྷེས་བྷེས་སེས་གསར་ཁང་གི་གསར་འགོད་པ་རྒན་པ་ཨ་ལན་ཡན་ཏོབ་ཀྱིས་ཁོང་གསར་འགོད་པ་ཚོའི་ལག་ནས་བསྐྱབས་བྱུང་། ཨ་ལན་ཡན་ཏོབ་ཀྱིས་བྷེས་བྷེས་སེས་གསར་ཁང་གི་མོ་ཌ་ལྷ་ཁང་སྒོ་འགྲམ་ལ་གཏད་དེ་ཁོང་ནང་དུ་ཁྱེར་ནས་བུད་སོང་། ཁོང་གཉིས་ལྷ་ཁང་སྒོ་འགྲམ་གྱི་གསར་འགོད་པ་དག་རང་རང་སར་ལོག་རག་བར་དུ་ནོ་ཌིན་རི་ཆུང་ལ་སྐོར་བ་ཐེངས་མང་རྒྱག་བཞིན་བསྡད། (more…)

བོད་ཀྱི་ཕོ་ཉ། འཇོར་རྗིས་པེ་ཊིར་སོན།(ཕྱི་མ)

སྐར་ཁུང་རྩོམ་སྒྱུར་ཚོགས་ཆུང་གིས།

མ་རྩོམ་ལ་གཟིགས་ན་འདི་རུ་བསྣུན།

༡༩༦༡ལོར་པེ་ཊིར་སོན་ཕྱིར་དབྱིན་ཡུལ་དུ་ལོག་ནས་བྷི་བྷི་སི་གསར་ཁང་གི་རླུང་འཕྲིན་ལེ་ཚན་ “ཨེ་ཤ་ཡའི་གནད་དོན”ཞེས་བ་ཞིག་གཙོ་སྐྱོང་བྱས་བ་དང་། གནད་དོན་གླེང་མོལ་བྱེད་མཁན། དེ་མིན་དཔེ་དེབ་བསྐྱར་ཞིབ་བྱེད་མཁན་བཅས་ཀྱི་འགན་ཁུར། སྐབས་དེར་ཁོང་(Edinburgh)ཨས་ཏེན་བྷིར་གི་ནུབ་མའི་འོས་ཐོབ་ས་ཁུངས་ཀྱི་གུ་ཡངས་ཚོགས་པའི་འོས་མི་ཆགས་ཀྱང་། འོས་བསྡུར་འགྲན་ཞུགས་མ་བྱས་པར་རྩ་དགོངས་ཞུས་ཡོད། དབྱིན་ཇིའི་དུས་དེབ་“ལྟ་ཞིབ་”ཀྱི་རྩོམ་སྒྲིག་པ་(David Astor)ཊེ་བས་ཊི་ཨེ་སི་ཊོར་དང་མི་གཞན་ཁག་ཅིག་དང་མཉམ་དུ་རྒྱལ་སྤྱིའི་ཚོགས་སྡེའི་ཐོབ་ཐང་ལྷན་ཚོགས་གསར་འཛུགས་དང་དེའི་འགན་འཛིན་དང་པོའི་འགན་ཁུར། ད་ལྟ་ཚོགས་པ་དེའི་མིང་“རྒྱལ་སྤྱིའི་གྲངས་ཉུང་མི་རིགས་ཀྱི་ཐོབ་ཐང་ལྷན་ཚོགས་”ཞེས་བསྒྱུར་ཡོད་པ་དང་། ལྷན་ཚོགས་ཀྱི་ལས་དོན་གཙོ་བོ་ནི་མི་རིགས་དང་། ཆོས་ལུགས། སྐད་ཡིག་གཅིག་སྤྱོད་མཁན་གྱི་གྲངས་ཉུང་མི་རིགས། ས་སྐྱེས་རྡོ་སྐྱེས་ཀྱི་མི་ཪིགས་ཚོའི་ཐོབ་ཐང་སྲུང་སྐྱོབ་ཆེད་དུ་ཕྱག་ལས་གནང་བཞིན་ཡོད། (more…)

བོད་ཀྱི་ཕོ་ཉ། འཇོར་རྗིས་པེ་ཊིར་སོན།(སྔ་མ)


སྐར་ཁུང་རྩོམ་སྒྱུར་ཚོགས་ཆུང་གིས།

མ་རྩོམ་ལ་གཟིགས་ན་འདི་རུ་བསྣུན།

(Scotland)སི་ཁོ་ལན་་ཌི་ནས་ཡིན་པའི་ཡེ་ཤུའི་ཆོས་ལུགས་ཁྱབ་སྤེལ་རུ་ཁག་ཞིག་གི་ནང་དུ་སྨན་པའི་ཕྱག་ལས་གནང་མཁན་(George patterson)ཇོར་ཇིས་པེ་ཊིལ་སོན་ལ་བོད་ཀྱི་པེ་ཊིར་སོན་ཡང་ཟེར་གྱི་ཡོད་ལ། ཁོང་དགུང་ལོ་༩༢་ཐོག་སྐུ་གཤེགས་ཡོད། ཁོང་ལྟ་བུ་ཞིག་མི་སུ་གཅིག་གིས་ཀྱང་༡༩༥༠་ལོ་ནས་བཟུང་བོད་ས་རྒྱ་ནག་གི་བཙན་བཟུང་བྱས་པའི་དཀའ་སྡུག་ཁག་ཕྱིའི་འཛམ་གླིང་ལ་ངོ་སྤྲོད་བྱས་མྱོང་མེད། ཁོང་གི་མི་ཚེའི་སྨད་དུ་སེམས་སུ་གདོན་འདྲེ་གཉིས་ཞུགས་པ་དང་རྣམ་ཤེས་གདོན་འདྲེ་གཉིས་ཀྱིས་འཁྱེར་བའི་“སུ་་རེད”ཞེས་བའི་རོལ་ཚོགས་ཀྱི་རྔ་རྡུང་མཁན་སྐད་གྲགས་ཅན་(Kheith Moon) ཁེ་ཐི་མོན་ལ་ཆོས་ཀྱིས་སེམས་ཁ་གསོ་བའི་རོགས་རམ་གནང་མྱོང་ཡོད། (more…)

དགེ་འདུན་ཆོས་འཕེལ་གྱི་མི་ཚེ་བསྐྱར་དུ་མཇལ་བ།(མཐའ་མ)

སྐར་ཁུང་རྩོམ་སྒྱུར་ཚོགས་ཆུང་།
རྩོམ་པ་པོ་གཡང་སྒྲོན་དོན་གྲུབ།

མ་རྩོམ་ལ་གཟིགས་ན་འདི་རུ་བསྣུན།

སྐབས་དེར་ལྷ་སར་འགྲོ་བར་ཟླ་ངོ་བཞི་འགོར་གྱི་ཡོད་པ་དང་དེ་ཡང་རོགས་པ་མང་པོ་མཉམ་རུབ་ཀྱིས་འགྲོ་དགོས། དགེ་འདུན་ཆོས་འཕེལ་ལ་མཚོན་ནའང་ཁོང་ཚོང་པ་དང་བླ་མ་མང་པོའི་མཉམ་དུ་ཕེབས་ཡོད་པ་རེད(༡༠)། དེ་ཡང་ཁོང་རང་ཉིད་ཀྱིས་སྐབས་དེར་ང་ཚོ་མི་ཉིས་བརྒྱ་ཡོད་ལ་ང་ཚོར་བསྒུགས་ཏེ་ཡོད་པའི་དཀའ་སྡུག་དག་གི་ཆེད་དུ་གྲ་སྒྲིག་ཡག་པོ་བྱས་ཡོད། རྟ་ལ་ཞོན་ནས་ཉི་མ་ལྔ་ལ་སོང་རྗེས་ང་ཚོ་སོག་པོའི་མཚོ་ཀོ་ཀོ་ནོར་ལ་འབྱོར་སོང་། མཚོ་མོ་དེ་ནི་རི་བོ་ཞིག་གྱེན་ཏུ་འཕྱུར་བ་ལྟ་བུའི་མཚོ་སྙིང་དང་ལྷན་དུ་མེ་ལོང་ཆེན་པོ་ཞིག་འདྲ་འདུག གང་ལྟར་ཡང་། ས་དེ་ནི་ཡ་མཚན་པ་ཞིག་རེད་ལ། ཀོ་ཀོ་ནོར་གྱི་རི་རྒྱུད་ཅིག་གི་བྱིན་རླབས་ཅན་གྱི་མཚོ་སྙིང་ལགས། ཁྱེད་རང་དུས་གཏན་དུ་ང་ཡི་ སྙིང་དབུས་སུ་གནས་ཡོད་ཅེས་བྲིས་ཡོད(༡༡)། (more…)

དགེ་འདུན་ཆོས་འཕེལ་གྱི་མི་ཚེ་བསྐྱར་དུ་མཇལ་བ།(བར་མ)


སྐར་ཁུང་རྩོམ་སྒྱུར་ཚོགས་ཆུང་།
རྩོམ་པ་པོ་གཡང་སྒྲོན་དོན་གྲུབ།

མ་རྩོམ་ལ་གཟིགས་ན་འདི་རུ་བསྣུན།

པདྨས་ང་པཱ་ལགས་ཀྱི་སློབ་མ་ཡིན་པ་ཤེས་ཡོད་ལ་ཁོས་ང་ལ་མི་ཞིག་མཚམས་སྦྱོར་བྱེད་འདོད་འདུག་ཟེར། སྐབས་དེ་དུས་ངས་ཞོ་ཕོང་ནི་དགེ་འདུན་ཆོས་འཕེལ་འཁྲུངས་སའི་ཡུལ་ཡིན་པ་མི་ཤེས། ཕྱི་ཉིན་ཞོགས་པ་ཁོས་ང་རིའི་འདབས་སུ་འཁྲིད་དེ་གཡོན་ཕྱོགས་ལ་གཅིག་བསྐྱོག་ཏེ་ཁང་པ་ཞིག་གི་ནང་ལ་འཛུལ་སོང་། ངས་ཁང་པ་དེ་གྲོགས་པོའི་ཁྱིམ་ཚང་གི་ཁང་པ་ལས་རྙིང་བར་མཐོང་། ཤིང་གི་བཟོ་དབྱིབས་ནག་པོ་ཆགས་འདུག་ལ། ནང་དུ་སླེབས་མ་ཐག་ཁང་མིག་སྟབས་བདེ་ཆེན་པོ་ཞིག་གི་ནང་དུ་ཐབ་དང་བཅས་བ་འདུག འདི་ནི་ཇ་ཁང་དང་འདུག་ས་གཉིས་ཀ་རེད། ཐབ་དེ་ནི་ཟ་མ་བཟོ་སྤྱད་དང་གཞན་ཤིང་སྒྲོམ་ཅན་གྱི་སྒེའུ་ཁུང་ཞིག་གིས་ལོགས་སུ་དགར་བའི་ཁང་མིག་ཆུང་ཆུང་ཞིག་ཚ་བོ་བཟོ་སྤྱད་གཉིས་ལ་ཕན་ཐོགས་ཡོད་པ་དང་། དེ་ནི་རྒྱ་ནག་གི་ཁཱན་ཞེས་པ་སྟེ་ཞབས་ནས་མེ་ཡིས་ཚ་བོ་བཟོ་བའི་ཉལ་ས་(ཨ་མདོའི་ཡུལ་སྐད་དུ་ཚ་ཐབ་ཟེར། བསྒྱུར་མཁན་གྱི་མཆན།)ཞིག་ཡོད་པ་དེ་དང་འགྲོ་སྟངས་གཅིག་མཚུངས་ཡིན་ལ། ཨ་མདོ་ཡི་བོད་པ་ཚོས་རྒྱ་ནག་གི་དེ་ལས་ཚུར་ལེན་བྱས་པ་རེད། གཟུགས་པོ་མཁྲེགས་མདོག་ཆེ་ལ་མིག་ཤེལ་ནག་པོ་གྲུ་བཞི་ཞིག་བརྒྱབ་པ། མགོ་ལ་རྩྭ་ཞྭ་གྱོན་པའི་མི་ཞིག་གིས་ཁ་བཏགས་བཟུང་ནས་ངེད་གཉིས་ལ་སྒུག་འདུག ཕན་ཚུན་ལ་འཚམས་འདྲི་དང་ངོ་སྤྲོད་བྱས་ཚར་རྗེས་ཁོས་ང་ཐབ་ཀའི་འགྲམ་དུ་སྡོད་གསུངས་སོང་། སླར་ཡང་ཅོག་ཙེ་དམའ་བོ་ཞིག་གི་ཐོག་ལུག་ཤ་བཙོས་མ་ཤར་མ་མང་པོ་དང་དམར་ཚ། བག་ལེབ། ཞོ། ཇ་བཅས་ཀྱིས་ཁེངས་འདུག ངས་གྲི་འཇུས་ནས་ཚི་ལུ་མང་པོ་མེད་པའི་ཤ་རྡོག་ཅིག་ཟ་འགོ་བཙུགས། རེད་དེ། པདྨས་ཚིལ་རྐྱང་རྐྱང་ཡིན་པའི་ཤ་རྡོག་དེ་ལས་ཆེ་བ་ཞིག་སྤྲད་བྱུང་། ངས་ཤ་རྡོག་དེ་ཕྱིར་བཞག་སྟེ་ཁུ་བ་ཅན་གྱི་ཤ་ཚོན་པོ་ཞིག་ལ་སོ་ཞིག་བཏབ་པ་དང་གཡུང་དྲུང་རྒྱལ་ལ་ཉན། (more…)

དགེ་འདུན་ཆོས་འཕེལ་གྱི་མི་ཚེ་བསྐྱར་དུ་མཇལ་བ།(སྔ་མ)

སྐར་ཁུང་རྩོམ་སྒྱུར་ཚོགས་ཆུང་།
རྩོམ་པ་པོ་གཡང་སྒྲོན་དོན་གྲུབ།

མ་རྩོམ་ལ་གཟིགས་ན་འདི་རུ་བསྣུན།

དེ་དག་ཡོད་ཚད་ང་རང་ལོ་ན་བདུན་གྱི་སྐབས་སུ་བྱིས་པ་གཞན་ལྔ་དང་མཉམ་དུ་འཇར་མན་(German )སྐད་ཤོད་པའི་སུ་ཝེ་རྫིར་ལན་ཌི་(Switzerland) ཡི་ས་གནས་ཡུལ་ཚོ་ཞིག་སྟེ་ཁྲི་རོ་རྗིན་(Trogen)དུ་འགྲོ་བར་བདམས་ཐོན་བྱུང་བ་དེ་ནས་འགོ་བཙུགས་པ་རེད། ང་ཚོའི་འཚོ་བ་གསར་པའི་ཁྲོད་ང་ཚོ་ཁྱིམ་ཚང་ཆེན་པོ་ཞིག་གི་ནང་དུ་གསོ་སྐྱོང་བྱེད་མཁན་གྱི་ཕ་ཚབ་མ་ཚབ་གཉིས་དང་ལྷན་དུ་སྡོད་དགོས་ལ། ཁོང་གཉིས་ཀྱང་བོད་པ་ཡིན། དེ་བས་ང་ཚོ་ནི་ང་ཚོའི་ཨ་ཕ་གསར་པ་སྟེ་རཀ་ར་བཀྲས་མཐོང་དང་ཁོང་གི་བཟའ་ཟླ། བྱིས་པ་ལྔ་བཅས་དང་ལྷན་དུ་འཚར་ལོངས་བྱུང་། ཁྲི་རོ་ཇཱིན་(Trogen)ནི་སྔོ་ལྗང་ལྗང་གི་རི་ཚོགས་དང་གཡུལ་ཁང་གིས་བསྐོར་བའི་གྲོང་སྡེ་ཆུང་ངུ་ཞིག་ཡིན། ང་ཚོའི་སྡོད་ཁང་ནི་སི་ཝེ་སིའི་ཆ་ལེ་ཁྲི་(Swiss chalet)ཞིག་གི་དབྱིབས་ལྟར་ཆེ་ཞིང་ཐོག་བརྩེགས་ལྔ་ཡོད། ང་ཚོའི་གསོལ་ཚིགས་ཁང་གི་ནང་དུ་མི་ཉི་ཤུ་ཙམ་ལྷོད་ཀྱིས་སྡོད་ཆོག ཐོག་བརྩེགས་ཞབས་མ་རུ་ཁྲིས་ཁང་དང་འཛིན་ཁང་ཡོད་པ་དང་སྟེང་མ་དག་ནི་མི་རེ་རེའི་སྡོད་ཁང་ཡིན། ང་ཚོ་བུ་མོ་བཞི་ཐོག་མར་ཁང་པ་གཅིག་གི་ནང་དུ་བཞག་སོང་ལ་བུ་གཉིས་ཁང་པ་གཞན་ཞིག་གི་ནང་དུ་མཉམ་དུ་བསྡད་པ་རེད། གཞུག་གི་ལོ་ཟླ་དེ་དག་གི་རིང་ང་ཚོ་མི་རེ་ལ་ཁང་པ་རེ་རེ་ཡོད། (more…)

མི་སྣང་བར་གྱུར་བ་དེ། (གཉིས་པ།)

(ཇི་ལྟར་ཧྤ་ཏི་བ་ཡིས་རྩོམ་པ་པོ་ཞིག་གི་མི་ཚེར་འགྱུར་བ་བཏང་ཚུལ)

(ཧྥ་ཏི་བ(fatwa)ཞེས་པ་ནི་ཁ་ཆེའི་ཆོས་ལུགས་ཀྱི་ཁྲིམས་མཐུན་བཅད་ཁྲ་ཞིག་སྟེ། ཁྲིམས་ལུགས་ཆེད་མཁས་པ་དག་གིས་གཏན་འབེབ་པ་ཞིག་གོ)

སྐར་ཁུང་རྩོམ་སྒྱུར་ཚོགས་ཆུང་གིས།

རྩོམ་པ་པོ་སལ་མན་ར་ཞིས་རྡེས།
མ་རྩོམ་ལ་གཟིགས་ན་འདི་རུ་བསྣུན།

བརྙན་འཕྲིན་ཐད་གཏོང་ཁང་དུ་ཁོང་ལ་བསྐུལ་བའི་འཇིགས་སྐུལ་གྱི་ཐད་ལ་སྐད་ཆ་དྲིས་སྐབས། ཁོང་གིས། “ངས་དགག་སྒྲུབ་བྱས་པའི་དེབ་གང་མང་འབྲི་ཐུབ་ཡོད་རྒྱུ་ན།” ཁོང་སྤོབས་པ་ཆེན་པོ་སྐྱེས་ཤིང་ཚིག་དེ་ཡང་དང་བསྐྱར་དུ་བཤད་བྱུང་། ཁོང་གིས་ ” དེབ་དེ་ནི་དམིགས་བཀར་གྱིས་ཁ་ཆེའི་ཆོས་ལུགས་ལ་དགག་སྒྲུབ་བྱས་པ་ཞིག་མ་རེད། ཆོས་ལུགས་ཤིག་གི་དབུ་ཁྲིད་ཚོས་ལངས་ཕྱོགས་དང་རྣམ་འགྱུར་ཡང་དེ་འདྲ་ཞིག་བཟུང་པ་ཡིན་ན་ཕལ་ཆེར་སྐྱོན་བརྗོད་ཆེན་པོ་ཡོང་མདོག་ཁ་པོ་མ་རེད་” ཅེས་ཨ་རིའི་བརྙན་འཕྲིན་ཁང་དུ་འགྲེལ་བརྗོད་བྱས་སོང་།
 
 
བཅར་འདྲི་མཇུག་སྒྲིལ་བ་དང་། ཁོང་ལ་ཁོང་གི་བཟའ་ཟླས་ཁ་པར་བཏང་བ་ཤེས། དེ་མུར་ཁོང་གིས་ནང་ལ་ཁ་པར་བཏང་བས། “ནང་ལ་མ་ལོག”འདིར་གསར་འགོད་པ་༢༠༠་ལྷག་གིས་ལམ་འགྲམ་ནས་ཁྱེད་ལ་སྒུག་བསྡད་འདུག་ཅེས་ཁོང་གི་བཟའ་ཟླས་བཤད། (more…)