མི་སྣང་བར་གྱུར་བ་དེ།  (དང་པོ)

(ཇི་ལྟར་ཧྤ་ཏི་བ་ཡིས་རྩོམ་པ་པོ་ཞིག་གི་མི་ཚེར་འགྱུར་བ་བཏང་ཚུལ)

(ཧྥ་ཏི་བ(fatwa)ཞེས་པ་ནི་ཁ་ཆེའི་ཆོས་ལུགས་ཀྱི་ཁྲིམས་མཐུན་བཅད་ཁྲ་ཞིག་སྟེ། ཁྲིམས་ལུགས་ཆེད་མཁས་པ་དག་གིས་གཏན་འབེབ་པ་ཞིག་གོ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།
 

ཕྱི་ལོ ་༡༩༨༩ ལོ།

འཛམ་གླིང་གང་སར་ཁོང་ལ་དམོད་མོ་བྱེད་བཞིན་པའི་རྗེས་སུ། ཁོ་རང་ཉིད་ལ་ཞེ་སུན་སྐྱེས་། གང་ལེགས་ཤེ་ན། ཁོང་གིས་སོ་སོའི་མི་ཚེ་རྙིང་པ་དེ་ལ་བཞི་ཤད་བཀོད་པ་དང་ད་ནས་བཟུང་མུན་ནག་གི་མི་ཚེ་གསར་བ་ཞིག་སྐྱེལ་འགོ་ཚུགས་རྒྱུ་ཡིན་པར་བརྗོད་མཁན་གྱི་བྷེ་བྷེ་སེའི་གསར་འགོད་པ་དེའི་མིང་ཡང་དྲན་ཡུལ་ནས་བོར།

ཁོ་མོས་ཁོང་གི་སྒེར་གྱི་ཁ་པར་ཨང་གྲངས་ཐོག་ཁ་པར་བཏང་བ་དང་ཨང་གྲངས་གང་ནས་རག་མིན་འགྲེལ་བཤད་བྱས་མེད་ལ། “ཁྱེད་རང་ཨ་ཡ་ཏོ་ལ་ཧི་ཁོ་མེ་ནས་ཀྱིས་སྲོག་ཁྲིམས་བཅད་པར་ཚོར་བ་གང་འདྲ་འདུག”ཅེས་དྲིས་པ་རེད། ཉིན་མོ་དེ་ནི་ཉི་འོད་རྒྱས་བའི་གཟའ་མིག་དམར་ཉིན་རེད། འོན་ཀྱང་དྲི་བ་དེས་ཉི་འོད་བསྒྲིབས་ཏེ་མུན་ནག་དུ་བསྒྱུར། “ངའི་ཚོར་བ་དེ་ཙམ་བདེ་རྒྱུ་མི་འདུག”ཞེས་པ་ནི་ཁོང་གིས་ལན་ཅི་ཞིག་བཏབ་མིན་ཀྱང་མ་ཤེས་པར་ཁ་ནས་ཤོར་བའི་ལན་དེ་རེད། ཁོང་གིས་སེམས་སུ་རང་ཉིད་ད་མི་ཤི་བོ་ཞིག་རེད་སྙམ་ཡོད། ཁོང་གིས་ད་འཇིག་རྟེན་འདིར་འཚོ་བའི་ཉི་མ་ག་ཚོད་ཅིག་ལྷག་ཡོད་མེད་ཐད་ལ་ཡ་མཚན་ཆེན་པོས་བསམ་བློ་གཏོང་སྐབས། ཕལ་ཆེར་ཉིན་མའི་ཁ་གྲངས་དེ་ཡ་གྲངས་ཤིག་ཡིན་རྒྱུ་རེད་སྙམ་ཡོད། ཁོང་གིས་ཁ་པར་བཞག་སྟེ། རང་ཉིད་སྡོད་སའི་ཟུར་སྐྱོང་གྲོང་སྡེའི་ཁང་ཤར་གྱི་རྩེ་དོག་མོ་དེའི་སྐས་འཛེགས་ནས་མར་བབས་པ་དང་། སོ་སོའི་སྡོད་ཁང་གི་སྒེའུ་ཁུང་དག་ལ་ཤིང་གི་སྒོ་པང་ཡོད་པ་དེ་ཚོར་འཚབ་བུ་འཚུབ་བེར་འཕྲེད་ལྕགས་བརྒྱབས། དེའི་རྗེས་སུ་མདུན་སྒོ་ཡང་བརྒྱབ། (more…)

རྒྱ་ནག་གི་རིག་གནས་གསར་བརྗེ་ཆེན་མོར་རྒྱང་ལྟ་ཞིག (ཕྱི་མ)


སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སེམས་ཆིས་ཡེན།

མ་རྩོམ་ལ་གཟིགས་ན་འདི་རུ་བསྣུན།

སྐབས་དེར་གསར་འགོད་པའི་ལག་རྟགས་ལ་མཐོང་དེ་ཙམ་མེད། གང་ལེགས་ཤེ་ན། གསར་བརྗེའི་ཚོགས་ཆུང་གིས་ང་ཚོར་སྤྲད་པའི་གསར་འགོད་ལག་རྟགས་ནི་ནག་པོ་ཡིན་ལ། དེས་ལྐོག་ཟ་རུལ་སུངས་མཚོན་གྱི་ཡོད། དེར་བརྟེན། ལག་རྟགས་དེ་བེད་མེད་རེད། དེ་ལས་དམར་དམག་ནང་བཞིན་དཔུང་རྟགས་དམར་པོ་ཞིག་གྱོན་ན་བདེ་བ་ཡོད། ཁོ་བོས་དཔུང་རྟགས་དམར་པོ་དེ་གྱོན་རྗེས་མི་སུ་ཞིག་གིས་ཀྱང་ང་ལ་འདྲི་རྩད་བྱས་མ་བྱུང་།

དྲི་བ། ཁྱེད་ཀྱིས་ཉེན་ཁ་ཆེན་པོ་ཡོད་པ་ཤེས་བཞིན་དུ་བརྙན་པར་བེད་ཡོད་དང་བེད་མེད་གཉིས་ཆ་ཇི་ལྟར་བླངས་བ་ཡིན།

ལན། ང་པར་རྒྱག་ཏུ་འགྲོ་སྐབས་མང་ཆེ་བར་པར་བེད་མེད་དང་བེད་ཡོད་གཉིས་ཆ་བརྒྱབ་ཡོད། མི་ཚོགས་ཀྱི་འབོད་སྒྲ་དེ་ཙམ་ལེགས་རྒྱུ་མེད་ཀྱང་མི་ཚོགས་ཀྱི་ཁ་གདངས་ཤིང་། ཁུ་ཚུར་མཁའ་ལ་འཕྱར་བའི་རྣམ་པ་དེ་བརྙན་པར་ནང་དུ་པར་ལེགས་པའི་གྲས་སུ་ཚུད་ཀྱི་རེད། ངས་སྤྱིན་ཤོག་ཁག་གཅིག་བེད་མེད་ཀྱི་པར་དག་རྒྱག་ཆེད་ཟུར་འཇོག་བྱས་པ་ཡིན། (more…)

རྒྱ་ནག་གི་རིག་གནས་གསར་བརྗེ་ཆེན་མོར་རྒྱང་ལྟ་ཞིག(སྔ་མ)


སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ།སེམས་ཆིས་ཡེན།


མ་རྩོམ་ལ་གཟིགས་ན་འདི་རུ་བསྣུན།

པར་བ་ལེས་ཀྲིན་ཧྲེང་གིས་བླངས་བའི་རྒྱ་ནག་རིག་གནས་གསར་བརྗེ་ཆེན་པོའི་སྐབས་ཀྱི་བརྙན་པར་དག་ནི་ཕལ་ཆེར་མོའོ་ཙེ་ཏུང་གིས་འུར་ཟིང་གི་མེ་ལྕེ་སྤར་བའི་ལོ་ངོ་བཅུའི་རིང་གི་རིག་གསར་ལོ་རྒྱུས་ཀྱི་བརྙན་པར་ཆེས་འཐུས་སྒོ་ཚང་བ་དེ་རེད།

སྐུ་ཞབས་ལེས་ཀྱིས་རྒྱ་ནག་གི་ལྷོ་སྣེའི་ཞིང་ཆེན་ཧེ་ལུང་ཅང་གི་སྲིད་གཞུང་ལྟེ་གནས་ཧར་པེན་གྲོང་ཁྱེར་གྱི་ཉིན་རེའི་གསར་ཤོག་གི་བརྙན་པར་གསར་འགོད་པ་བྱས་མྱོང་། གནས་དེ་ནི་ཁོང་གིས་མི་ཚེ་གང་བོར་ལོ་རྒྱུས་ཀྱི་བྱུང་བ་ཁག་མཚོན་པའི་བརྙན་པར་རྣམས་ཡིག་ཚགས་ཀྱི་ངོ་བོར་ཉར་ས་རེད། གསར་བརྗེའི་དྲོད་རླབས་ཀྱིས་ངོ་གདོང་གཡོགས་པའི་མི་ཚོགས་ཚོའི་བརྙན་པར་ལེགས་ཤོས་ཁག་དྲིལ་བསྒྲགས་ཀྱི་ཆེད་དུ་གསར་ཤོག་ལ་སྤྲད་པ་དང་། མི་མང་ལ་འདྲི་བརྩད་བྱེད་ཀྱི་ཡོད་པའི་བརྙན་པར་དག་ནི་གསར་ཤོག་གིས་ངོས་ལེན་མི་བྱེད་པའི་པར་བེད་མེད་ཀྱི་ཁོངས་སུ་གཏོགས་པས་ལྐོག་ཏུ་ཉར་འཇོག་བྱས་ཡོད། ཁོང་གིས་བརྙན་པར་དེ་དག་གི་སྤྱིན་ཤོག་བསྡམ་ཆག་དེ་ཚོ་རིག་གསར་གྱི་མཁའ་དབུགས་མ་ཡལ་བར་དུ་རང་ཁྱིམ་གྱི་པང་གཅལ་འོག་ཏུ་ཉར་བ་དང་། བརྙན་པར་འདི་དག་༡༩༨༠་གྱ་གྲངས་བར་རྒྱ་ནག་ནང་དུ་ཕྱི་ལ་བསྟན་མེད། ཐ་ན་དེ་རིང་ཁ་སང་ཡང་རྒྱ་ནག་ནང་དུ་རིག་གསར་གནད་དོན་ཐོག་འཁོར་བཞིན་པའི་ཚོར་བ་རྣོན་པོ་ཡི་རྐྱེན་པས་ཁོང་གིས་བླངས་བའི་བརྙན་པར་དག་རྒྱལ་ནང་ལས་ཕྱི་རྒྱལ་དུ་མཐོང་རྒྱུ་མང་། (more…)

བོད་ཡིག་གསར་འགྱུར་མེ་ལོང་དང་དགེ་འདུན་ཆོས་འཕེལ།

རྩོམ་པ་པོ་རྨ་མགུར་སངས་རྒྱམ།

བོད་ཡིག་གསར་འགྱུར་མེ་ལོང་ངམ་ཡུལ་ཕྱོགས་སོ་སོའི་གསར་འགྱུར་མེ་ལོང་ཞེས་པ་ནི། སྤྱི་ལོ་༡༩༢༥་ནས་༡༩༦༣་ལོའི་བར་དུ་རྒྱ་གར་གྱི་བྱང་ཤར་ས་ཁུལ་གྱི་ཀ་ལོན་སྦུག་ས་གནས་སུ་པར་སྐྲུན་བྱས་ཤིང་བོད་ནང་དང་ས་ཁུལ་གཞན་དག་ཁ་ཤས་སུ་འགྲེམ་སྤེལ་བྱས་པ་རེད། དེ་ནི་འཛམ་གླིང་གི་ནང་དུ་བོད་ཀྱི་ལོ་རྒྱུས་ཀྱི་དོན་སྙིང་ལྡན་པའི་བོད་ཡིག་གི་གསར་འགྱུར་ཚགས་པར་ཨང་དང་བོ་དང་དར་ཁྱབ་ཆེ་ཤོས་དེ་ཆགས་ཡོད། གསར་འགྱུར་མེ་ལོང་དེའི་ལས་ཁང་ནི། སྤྱི་ལོ་༡༩༢༥་ལོར་ཁུ་ནུ་བ་རྡོ་རྗེ་མཐར་ཕྱིན་ལགས་ཀྱིས་གསར་འཛུགས་གནང་བ་དང་། ལོ་དེའི་སྤྱི་ཟླ་བཅུ་བའི་ནང་དུ་གསར་འགྱུར་ཚགས་པར་ཐོག་མར་འགྲེམ་སྤེལ་བྱས་པ་རེད། སྐབས་དེར་ཁོང་གིས་གསར་འགྱུར་ལས་ཁང་དེའི་གསར་འགོད་པ་དང་། རྩོམ་སྒྲིག་པ། འགོ་འཛིན་པ་བཅས་ཀྱི་འགན་ཁུར་བཞེས་ཡོད། ཁུ་ནུ་བ་རྡོ་རྗེ་མཐར་ཕྱིན་ལགས་ནི། རྒྱལ་དབང་སྐུ་ཕྲེང་བཅུ་གསུམ་པ་མཆོག་ཀྱི་སྒེར་གྱི་གྲོགས་པོ་ཞིག་ཡིན་པས། རྒྱལ་དབང་མཆོག་གིས་ཁུ་ནུ་བ་མཐར་ཕྱིན་ལགས་ཀྱིས་གསར་འགྱུར་པར་སྐྲུན་དང་འགྲེམ་སྤེལ་གྱི་ལས་དོན་ལ་རྒྱབ་སྐྱོར་དང་ཐུགས་ཁུར་གནང་ཞིང་། རྒྱལ་དབང་མཆོག་ལའང་རྒྱུན་དུ་གསར་འགྱུར་མེ་ལོང་གི་ཚགས་པར་འབྱོར་བཞིན་པ་མ་ཟད། བོད་ཀྱི་བླ་ཆེན་གཞན་དག་དང་མཐོ་རིམ་སྐུ་དྲག་མི་སྣ་ཁག་ལའང་ལྟ་ཀློག་བྱེད་དུ་འཇུག་གི་ཡོད་པ་རེད། དེར་བརྟེན། ལྷ་སའི་ནང་གི་བོད་མི་ཚོས་གསར་འགྱུར་མེ་ལོང་གི་ཚགས་པར་དག་བསྐྱར་དུ་པར་བཤུས་བརྒྱབ་སྟེ་བོད་ཀྱི་ས་ཁུལ་ཁག་ཏུ་འགྲེམ་སྤེལ་བྱས་ནས་རྒྱལ་རྩེ་དང་། ཆབ་མདོ། སྡེ་དགེ་སོགས་སུའང་བསླེབས་ཡོད་པ་རེད། གཞན་ཡང་། རྒྱལ་དབང་སྐུ་ཕྲེང་བཅུ་བཞི་བ་མཆོག་གིས་ཀྱང་སྐུ་ཕྲེང་གོང་མའི་གསར་འགྱུར་མེ་ལོང་གི་ཚགས་པར་ཀློག་འདོན་གྱི་ཤུགས་རྐྱེན་དེ་རྒྱུན་འཛིན་གནང་ནས་གསར་ཤོག་སྟེང་གི་གནས་ཚུལ་རྣམས་ལ་མཐོང་ཆེན་མཛད་ཡོད། (more…)