བོད། སླར་ཡང་གཅིག་གྱུར་དང་སིལ་བུར་འཐོར་བ།(དང་པོ།)

(རྒྱལ་དབང་ལྔ་བ་དང་སླར་གཅིག་གྱུར་བྱས་པའི་ཁོང་གི་བོད།)

མཁར་རྨེའུ་བསམ་གཏན་རྒྱལ་མཚན་གྱིས་བརྩམས།
དོན་བཙན་གྱིས་བསྒྱུར།

༧རྒྱལ་དབང་ལྔ་བ་ཆེན་མོ་སྐུ་བལྟམས་དུས་བོད་དེ་ཆབ་སྲིད་དང་། ཆོས་ལུགས། སྤྱི་ཚོགས་བཅས་གང་ཐད་ནས་ཟང་ཟིང་གི་གནས་སུ་ལྷུང་ཞིང་ཆབ་སྲིད་ཀྱི་དབང་ཆ་ནི་རང་གི་གྲུབ་མཐའ་ཁོ་ན་སྤེལ་བར་འདོད་པ་མ་ཟད། ད་དུང་རང་གི་དཔལ་འབྱོར་ནུས་པ་དང་ཆབ་སྲིད་དབང་ཤུགས་འཛུགས་པར་མོས་ཤིང་གྲུབ་མཐའ་སོ་སོས་རྒྱབ་སྐྱོར་བྱེད་ཀྱིན་པའི་ཚོ་བ་ཤོག་ཁག་ཚོས་བཟུང་ཡོད། བོད་ཁམས་སུ་ཆོས་ལུགས་དང་། ཆབ་སྲིད། དཔལ་འབྱོར་བཅས་ཀྱི་སྟོབས་ཤུགས་དུས་རྒྱུན་ཕན་ཚུན་རྐྱ་འཐབ་སྟེ་གནས་ཤིང་ཆབ་སྲིད་ཀྱི་གཞུང་ལུགས་ཏེ་བླ་མའི་ཆོས་ལུགས་ཀྱི་རྣམ་པ་ཅན་གྱི་ཆོས་སྲིད་ཟུང་འབྲེལ་གྱི་ལུགས་སུ་བརྟེན།མཆོད་ཡོན་ཟེར་བའི་ཨ་མཆོད་དང་ཡོན་བདག་གི་འབྲེལ་བའི་ཁྲོད་ཕྱོགས་གཉིས་ཀ་མཐོ་དམན་མེད་པར་འདྲ་མཉམ་དུ་ངོས་འཛིན་བྱེད་ལ་ཨ་མཆོད་ཀྱིས་ཡོན་བདག་ལ་ཆོས་ཀྱི་བསླབ་བྱ་དང་སློབ་སྟོན་གནངས་ཤིང་ཡོན་བདག་གིས་ཕྱིར་རང་གི་ཨ་མཆོད་ལ་སྦྱིན་གཏོང་དང་སྲིད་ཀྱི་འགེབ་སྲུང་བྱེད། ཆབ་སྲིད་ཀྱི་འགེབ་སྲུང་དེས་ཆོས་ལུགས་གྲུབ་མཐའ་དེའི་རྗེས་འཇུག་པ་ཇེ་མང་དང་དེ་བཞིན་ཁོ་ཚོའི་རྒྱུ་འབྱོར་ཡང་ཇེ་རྒྱས་སུ་གཏོང་གིན་ཡོད། མཆོད་ཡོན་ཅེས་པའི་བརྡ་ཆད་འདིས་དུས་རྒྱུན་བོད་ཀྱི་བླ་མ་དང་ཕྱིའི་རྒྱལ་པོ་བར་གྱི་འབྲེལ་བ་གཏན་འབེབས་བྱེད་ཅིང་ས་སྐྱ་གྲུབ་མཐའི་མངའ་བདག་འགྲོ་མགྲོན་འཕགས་པ་བློ་གྲོས་རྒྱལ་མཚན་དང་དུས་རབས་བཅུ་གསུམ་པའི་སོག་པོའི་ཧུ་པུ་ལེ་སེ་ཆེན་ཧན་བར་གྱི་འབྲེལ་བ་ལྟ་བུ་རེད། ཆབ་སྲིད་དང་ཆོས་ལུགས་བར་གྱི་རྟེན་འབྱུང་གི་འབྲེལ་བ་རྟོགས་རྒྱུ་ནི་བོད་ཀྱི་ལོ་རྒྱུས་སློབ་པའི་ལྡེ་མིག་ཡིན། (more…)

སྨྲ་བྱེད་ལྕེ་ཡི་རང་དབང་།

bbb

རྩོམ་པ་པོ། བུ་ཆུང་ལྡུམ་རྭ་བསོད་ནམས།
ཡིག་སྒྱུར་བ། བུདྡྷ་སྐྱབས།

མ་རྩོམ་ལ་གཟིགས་ན་འདི་རུ་བསྣུན།

ཕྱི་ལོ་༢༠༡༠ ཟླ་༡༠ ཚེས་༡༢ ཉིན་ཞིང་ཆེན་རིམ་པའི་ཏང་ཨུ་དང་མཚོ་སྔོན་ཞིང་ཆེན་ས་གནས་སྲིད་གཞུང་གཉིས་ཀྱིས་ཤེས་ཡོན་སྐོར་ལ་ཚོགས་འདུ་ཞིག་བསྡུས་ཤིང་། སློབ་ཁྲིད་བརྒྱུད་ལམ་བོད་ཡིག་གི་ཚབ་ཏུ་རྒྱ་ཡིག་སྤྱོད་པའི་སྲིད་ཇུས་ཤིག་ལག་བསྟར་བྱ་རྒྱུ་གཏན་ལ་ཕབ། ཟླ་དེའི་ཚེས་༡༩ ཉིན་གྱི་ཞོགས་པ་ཆུ་ཚོད་༨ པའི་ཐོག རེབ་གོང་ས་གནས་ཀྱི་བོད་རིགས་སློབ་མ་སྟོང་ཕྲག་འགའ་ལམ་གཞུང་དུ་འདུས་ཏེ་ “ སྐད་ཡིག་གི་རང་དབང་ ” དགོས་པའི་འདོད་འདུན་བཏོན། (more…)

བོད་མིའི་རང་དབང་ལ་རེ་སྒུག

(མི་རབས་ཀྱི་ཧེ་བག་དང་ཏཱ་ལའི་བླ་མའི་དགུང་གྲངས་ཆེ་རུ་ཕྱིན་པ་ལ་མ་ལྟོས་པར་ན་གཞོན་བཙན་བྱོལ་བ་ཚོས་རྣོ་ངར་ལྡན་པའི་འཐབ་རྩོད་བྱེད་བཞིན་ཡོད་།)
Screen Shot 2014-05-05 at 1.31.02 AM

རྩོམ་པ་པོ། རཱོ་བྷར་ཁྲི བྷར་ནེ་ཁྲི།
ཡིག་སྒྱུར་བ། ཁ་སྒང་གཡང་འབུམ་ཚེ་རིང་།

མ་རྩོམ་ལ་གཟིགས་ན་འདི་རུ་བསྣུན།

༡༩༥༩ ལོའི་ཟླ་༣་པའི་ཚེས་༡༧ ཉིན། ཏཱ་ལའི་བླ་མ་དང་ཁོང་གི་སྲིད་གཞུང་གཉིས་བོད་དང་བྲལ་ནས་སྐྱབས་བཅོལ་དུ་བསླེབས་པ་དང་། ཉིན་གྲངས་བཅུ་གཉིས་ཀྱི་རྗེས་སུ་བོད་ཀྱི་རྒྱལ་ས་ལྷ་ས་རུ་རྒྱ་ནག་གི་དབང་སྒྱུར་ལ་ངོ་རྒོལ་བྱས། གཟའ་སྔོན་མའི་ནང་དུ་འཛམ་གླིང་གི་གང་སར་ཡོད་པའི་བོད་མི་ཁྲི་༡༥ ལྷག་གིས་བོད་མིའི་རང་དབང་སྒེར་ལངས་ཉིན་མོ་སྲུང་བརྩི་དང་སྨོན་ལམ་བཏབས། ཁོང་ཚོ་རང་གི་ཕ་ཡུལ་དུ་ཕྱིར་ལོག་ཐུབ་པར་སྨོན་ལམ་བཏབས། འོན་ཀྱང་། ད་ལྟ་ཁོང་ཚོ་ད་དུང་བོད་དུ་ཕྱིར་ལོག་ཐུབ་རྒྱུར་རྟགས་མཚན་ཅི་ཡང་མེད། (more…)

“མི་རབས་གསར་པའི་སྙིང་ཁམས་ཀྱི་འཕར་ལྡིང་།”གི་ཁ་སྐོང་འགའ།(མཐའ་མ)

རྩོམ་པ་པོ་པད་མ་འབུམ།
ཡིག་སྒྱུར་བ། སྐལ་བཟང་ཉི་མ།
ཞུ་དག་པ། པད་མ་འབུམ།

གྲོལ་མཐའ་སྨྱོན་མཐའ་ཅན་གྱི་སྨྱུག་མིང་།

“རང་གྲོལ་”ཞེས་པའི་མིང་འདི་ཐོས་མ་ཐག་བོད་ཀྱི་དེང་རབས་རྩོམ་རིག་ལ་རྒྱུས་ཡོད་མཁན་ཞིག་གི་སེམས་ལ་དོན་གྲུབ་རྒྱལ་འཁོར་ཡོང། དོན་གྲུབ་རྒྱལ་གྱིས་”རྩོམ་གྱི་མཚོ་མོར་རླབས་ཀྱི་མེ་ཏོག་དགོད།”ཅེས་པའི་སྙན་རྩོམ་ཞིག་”"རང་གྲོལ་”ཞེས་པའི་མིང་ཐོག་ནས་༡༩༨༡ལོའི་སྦྲང་ཆར་འདོན་ཐེངས་གཉིས་པའི་སྟེང་བཏོན་ཡོད། དེ་ནས་བཟུང་ཁོང་གི་རྩོམ་གང་མང་ཞིག་རང་གྲོལ་ཞེས་པའི་མིང་ཐོག་ནས་ཐོན། ཁོང་གི་རང་མོས་སྙན་ངག་གི་རྩོམ་ལམ་གསར་འབྱེད་ཀྱི་སྙན་རྩོམ་”ལང་ཚོའི་རྦབ་ཆུ་”ཡང་རྩོམ་པ་པོའི་མིང་འདིའི་ཐོག་ནས་བཏོན་ཡོད། (more…)

“མི་རབས་གསར་པའི་སྙིང་ཁམས་ཀྱི་འཕར་ལྡིང་།”གི་ཁ་སྐོང་འགའ།(༤)

རྩོམ་པ་པོ་པད་མ་འབུམ།

ཡིག་སྒྱུར་བ། སྐལ་བཟང་ཉི་མ།
ཞུ་དག་པ། པད་མ་འབུམ།

སྨྱུག་མིང་།

“སྨྱུག་མིང་”ངམ་”པིར་མིང་”ཞེས་པའི་ཐ་སྙད་དང་། འདི་བེད་སྤྱོད་གཏོང་བ་ནི་བོད་ཀྱི་རྩོམ་རིག་གསར་བ་བྱུང་མ་ཐག་ནས་བྱུང་ཡོད་ཅིང་། མི་རབས་གསར་བའི་སྙིང་ཁམས་ཀྱི་འཕར་ལྡིང་གི་ནང་དུ་གྲོས་གླེང་བྱེད་འོས་ཀྱང་བྱེད་ལུས་སུ་གྱུར་བའི་བརྗོད་གཞི་ཞིག་ཡིན། སྨྱུག་མིང་ནི་རྒྱ་ནག་གི་རྩོམ་པ་པོ་རྣམས་ཀྱིས་བརྩམས་ཆོས་ཀྱི་སྟེང་ལ་རང་གི་སྐྱེས་མིང་མ་ཡིན་པར་མིང་གཞན་པ་ཞིག་འགོད་སྲོལ་ཡོད་པ་དེ་ལ་བོད་ནང་གི་རྩོམ་པ་པོ་རྣམས་ཀྱིས་ལད་ཟློས་བྱས་ནས་བྱུང་། དེ་ཡང་རྒྱ་སྐད་ཀྱི་笔名(Bi ming)ཟེར་བ་འདི་ཐད་སྒྱུར་བྱས་ནས་བྱུང་ཞིང་ད་ཕན་གྱི་བོད་ཡིག་གི་ཚིག་མཛོད་དང་རྒྱ་བོད་ཚིག་མཛོད་གང་ལ་ཡང་འཚོལ་དུ་མེད་པ་ཞིག་ཡིན། (more…)

“མི་རབས་གསར་པའི་སྙིང་ཁམས་ཀྱི་འཕར་ལྡིང་།”གི་ཁ་སྐོང་འགའ།(༣)

རྩོམ་པ་པོ་པད་མ་འབུམ།
ཡིག་སྒྱུར་བ། སྐལ་བཟང་ཉི་མ།

ཞུ་དག་པ། པད་མ་འབུམ།

ཕོ་མོའི་འདོད་སྲེད་བརྗོད་པ་ནི་གསར་དུ་བྱུང་བའི་སེར་མོ་པའི་སྙན་ངག་གི་སྡེ་ཡི་བརྗོད་བྱ་ཞིག་ཡིན་ན་ཡང་བརྗོད་བྱ་གཅིག་པོ་མིན། མཐའ་ན་བརྗོད་བྱ་མང་ཤོས་སུ་ཡང་འགྱུར་མི་ཐུབ། དོན་དངོས་སུ་སེར་མོ་བའི་སྙན་ངག་པ་ཉུང་ཤས་ཤིག་གི་བརྗོ་གཞི་ཡིན། སེར་མོ་བའི་སྡེ་ལ་ཚུད་ཚར་དུས་ཕོ་མོ་བར་གྱི་འདོད་སྲེད་ནི་བསྟེན་པ་དང་བརྗོད་པ་ཚང་མ་འཛེམ་བྱ་དང་པོ་ཡིན་དུས་དེ་རང་བཞིན་གྱིས་གྲངས་ཀ་མང་མི་ཐུབ། དེ་ལས་ཁོང་ཚོས་སྐྱ་བོའི་སྙན་ངག་པའི་སྡེ་དང་བསྡོངས་ནས་བོད་ཀྱི་སྤྱི་ཚོགས་ཀྱི་གནས་བབ་དང་། བོད་མི་རིགས་ཀྱི་ལས་དབང་སྐོར་བརྗོད་པའི་སྙན་སྙན་རྩོམ་ནི་མང་ཤོས་ཡིན་ལ། བརྗོད་གཞི་དེ་དག་ནི་གྲངས་ཀའི་ཆ་ནས་དགོན་སྡེ་ཞིག་གི་དུས་དེབ་ཅིག་དང་སེར་མོ་བའི་སྙན་ངག་ཕྱོགས་བསྒྲིགས་ཀྱི་དེབ་ཅིག་ལས་སེམས་ཁ་གང་བའི་བར་དུ་ཀློག་རྒྱུ་ཡོད། ཁོང་ཚོའི་སྔོན་རབས་པའི་སེར་མོ་བའི་སྙན་ངག་པ་རྣམས་ཀྱི་སྙན་རྩོམ་ནི་བླ་མ་དང་དགེ་རྒན་ལ་བསྟོད་པ་མིན་ན་བསླབ་བྱ་གཏོང་བ་དང་། དེ་མིན་ན་འཇིག་རྟེན་འཁོར་བ་ལ་སྐྱོ་གླུ་ལེན་པ་བཅས་བརྗོད་བྱ་གུ་དོག་པའི་རྣམ་པ་དེ་དེང་སང་གི་སེར་མོ་བའི་སྙན་ངག་གི་སྡེ་འདིས་གཏོར་འགོ་བཙུགས་ཡོད། (more…)

“མི་རབས་གསར་པའི་སྙིང་ཁམས་ཀྱི་འཕར་ལྡིང་།”གི་ཁ་སྐོང་འགའ།(༢)

རྩོམ་པ་པོ་པད་མ་འབུམ།
ཡིག་སྒྱུར་བ། སྐལ་བཟང་ཉི་མ།

ཞུ་དག་པ། པད་མ་འབུམ།

རྒྱ་གར་གྱིས་གཙོས་པའི་ཕྱི་རྒྱལ་གྱི་བོད་པ་ཤེས་ཡོན་ཅན་གྱི་ངག་ཐོག་དང་ཡིག་ཐོག་གཉིས་ཀ་ནས་ “རང་མོས་” ཞེས་པ་ནི་མཐོང་ཐོས་ཧ་ཅང་དཀོན་པའི་མིང་ཞིག་ཡིན། རྒྱུ་མཚན་ནི་ཧ་ཅང་གསལ་པོ་ཡིན། ཁོང་ཚོས་མའོ་ཙེ་ཏུང་གི་ “རང་མོས་རིང་ལུགས་ལ་ངོ་རྒོལ་བྱེད་དགོས།”ཞེས་པ་དེ་སློབ་སྦྱོང་བྱེད་དགོས་པར་མ་གྱུར་པ་རེད། གལ་སྲིད་སྙན་ངག་རྩོམ་ལུགས་གསར་པ་འདི་བོད་ཡུལ་དུ་མ་དར་བའི་སྔོན་ལ་ཕྱི་རྒྱལ་གྱི་བོད་ཀྱི་སྤྱི་ཚོགས་སུ་དར་ཡོད་ན་”རང་མོས་”ཞེས་པ་འདི་དེའི་འབོད་མིང་གི་ཆ་ཤས་སུ་ཡོང་མི་སྲིད་པ་ཞིག་ཡི་རྒྱུ་རེད་སྙམ། (more…)

“མི་རབས་གསར་པའི་སྙིང་ཁམས་ཀྱི་འཕར་ལྡིང་།”གི་ཁ་སྐོང་འགའ།(༡)

རྩོམ་པ་པོ་པད་མ་འབུམ།
ཡིག་སྒྱུར་བ། སྐལ་བཟང་ཉི་མ།

ཞུ་དག་པ། པད་མ་འབུམ།

གཅིག སྙན་རྩོམ་རིགས་འདིའི་མིང་།

“མི་རབས་གསར་པའི་སྙིང་ཁམས་ཀྱི་འཕར་ལྡིང་།” གི་ནང་དུ། ངས་སྙན་ངག་གི་རྩོམ་ལུགས་འདི་ལ་སྐབས་དེར་ད་དུང་གཅིག་གྱུར་གྱི་མིང་ཞིག་ཀྱང་མེད་ཅེས་བརྗོད་ཡོད། ངས་རྩོམ་དེ་འབྲི་བཞིན་པའི་གནས་སྐབས་དེ་ལ་སེམས་ལ་དྲན་པའི་མིང་གསུམ་དྲ ས་ཡོད་པ་ནི། སྙན་རྩོམ་གསར་པ་དང་། རང་མོས་སྙན་ངག དེང་རབས་སྙན་ངག་ཅེས་པ་གསུམ་ཡིན། དེ་ནས་ད་བར་དུ་ཕལ་ཆེར་ལོ་བཅོ་ལྔ་ཙམ་འགྲོ་བཞིན་ཡོད་པའི་སྐབས་འདིར། གོང་གི་མིང་གི་རྣམ་གྲངས་དེ་དག་གི་ཐོག་ལ་ད་དུང་ ” གྲོལ་བའི་སྙན་ངག ” ་དང་། ” མ་བཅིངས་པའི་སྙན་ངག ” ” རྐང་བས་མ་བཅད་པའི་སྙན་ངག ” ཟེར་བ་ལྟ་བུའི་མིང་གི་རྣམ་གྲངས་སྔར་ལས་ཀྱང་ཇེ་མང་དུ་སོང་ཡོད་པ་མ་གཏོགས། མིང་གཅིག་གྱུར་ཡོང་ཐུབ་མེད། (more…)

ཆོལ་ཁ་གསུམ་གཅིག་ཏུ་བསྒྲིལ་བའི་བོད་རང་བཙན་གྱི་གནད་དོན།(མཐའ་མ)

རྩོམ་པ་པོ་འཇམ་དབྱངས་ནོར་བུ།
མང་རའི་གངས་ཐིགས་ཀྱིས་བསྒྱུར།

མ་རྩོམ་ལ་གཟིགས་ན་འདི་རུ་བསྣུན།

འདི་ནི་ཆོ་མེད་བྱབ་ཆུང་ཞིག་ཡིན་པ་ཨ་ཅང་ཅང་། ལོ་ངོ་༢༠༠རིང་གི་དབྱིན་ཇིའི་དབང་སྒྱུར་གྱི་རྗེས་ནས་རྒྱ་གར་རང་དབང་རང་བཙན་གྱི་རྒྱལ་ཁབ་ཅིག་ལ་གྱུར་ཡོད་པ་དང་གཞན་མོ་གྷལ Moghuls ་འོག་ནས་ལོ་༣༠༠་རིང་བསྡད་པ་རེད། རྗེའུ་མི་རིགས་ཀྱིས་ཁོང་ཚོའི་ཕ་ཡུལ་བརླགས་ནས་ལོ༢༠༠༠་འགོར་བའི་རྗེས་སུ་རང་བཙན་ལྡན་པའི་ཨེ་ཟི་རེལ་འཛུགས་སྐྲུན་བྱས་པ་རེད། བོད་མི་ཚང་མས་མ་མཐའ་ཡང་རྗེའུ་མི་རིགས་ཀྱི་ལོ་རྒྱུས་སྐོར་ལ་འདི་ཙམ་ཤེས་ཀྱི་རེད། སཱི་ཁཱོ་ཊི་ལན་ཊི་ཡི་རྒྱལ་པོས་དབྱིན་ཇིའི་སྲས་མོ་ཞིག་དང་ལྷན་དུ་གཉེན་བསྒྲིགས་བྱས་པ་དང་ཁོང་གི་སྲས་རྗམ་སཱི James ་ནི་སཱི་ཁྲོ་ཊི་ལན་ཊི་དང་དབྱིན་ཇི་གཉིས་ཀའི་རྒྱལ་པོར་གྱུར་སྐབས། སཱི་ཁོ་ཊི་ལན་ཊིའི་མི་དམངས་ཀྱིས་ཁོང་ཚོའི་རང་བཙན་ལོ་ངོ་༣༠༠རིང་ལ་བརླགས་པ་རེད། སཱི་ཁོ་ཊི་ལན་ཊི་མི་དམངས་ཀྱི་རང་བཙན་གྱི་འཐབ་རྩོད་དེ་བོད་དང་བསྡུར་ན་ཁ་གསལ་གཏིང་གསལ་ཧ་ཅང་ཉུང་བ་ཡོད་པ་རེད། སཱི་ཁོ་ཊི་ལན་ཊི་ཡི“སྙིང་སྟོབས་ཆེན་པོ”་“Braveheart” ཞེས་པའི་གློག་བརྙན་ལ་དགའ་མཁན་གྱི་བོད་པ་ཚོས་ཁོང་ཚོའི་དཔའ་བོ་དེའི་ལོ་རྒྱུས་ནི་སཱི་ཁོ་ཊི་ལན་ཊིའི་ལོ་རྒྱུས་ནང་གི་ལེའུ་གཅིག་རང་ཁོ་ན་ཡིན་པ་སེམས་ལ་བཟུང་དགོས། (more…)

ཆོལ་ཁ་གསུམ་གཅིག་ཏུ་བསྒྲིལ་བའི་བོད་རང་བཙན་གྱི་གནད་དོན།(གསུམ་པ)

རྩོམ་པ་པོ་འཇམ་དབྱངས་ནོར་བུ།
མང་རའི་གངས་ཐིགས་ཀྱིས་བསྒྱུར།

མ་རྩོམ་ལ་གཟིགས་ན་འདི་རུ་བསྣུན།

དོ་སྣང་བྱེད་རིན་ཡོད་པ་ཞིག་ནི། ༡༧༢༥ནང་ཟི་ལིང་དུ་སོག་པོའི་འཕྲད་དར་དག་དང་ཨ་མདོ་བོད་པའི་རུས་སྡེའི་ཚོ་པ་ཚོའི་སྒང་ལ་མན་ཇུ་གོང་མའི་སྐུ་ཚབ་༼རྒྱལ་པོའི་དོན་གཅོད༽་ཅིག་བསྐོ་བཞག་གནང་བ་དེ་ནི་ས་ཁུལ་འདིའི་ནང་དུ་བོད་པའི་ཤུགས་རྐྱེན་མཇུག་བསྒྲིལ་བའི་བདེན་དཔང་དུ་ཡང་ཡང་ལུང་འདྲེན་གནང་གིན་ཡོད་པ་རེད། ཡིན་ཡང་། དངོས་ཡོད་ལག་ལེན་ནང་ཟི་ལིང་གི་དོན་གཅོད་དེར་དོན་དངོས་ཀྱི་དབང་ཆ་ཉུང་ངུ་ལས་མེད་པ་རེད། མགོ་ལོག་རུས་སྡེ་ཚོ་པ་ཚོའི་གནད་དོན་ནང་ལ་ཤུགས་རྐྱེན་གཏན་ནས་མེད་པ་མངོན་གསལ་དོད་པོ་རེད། འདི་ནི་ཕོབ་ལི་ ནེ་ཊོབ་སི་ཁེ་ Paul Nitupski ཡིས་ཉེ་ཆར་གྱི་ཞིབ་འཇུག་ཅིག་ལས་ཤེས་རྟོགས་བྱུང་ཡོད།༼༡༠༽ དེར་མ་ཟད། དབྱི་ཐ་ལེའི་མཁས་པ་ལུའུ་སེའི་ནོ ཕེ་ཊེ་ཆི Luciano Petech ་ཡིས་གསུང་བ་ལྟར་ན། “ཕལ་ཆེར་དུས་རབས་བཅུ་དགུའི་དུས་དཀྱིལ་བར་དུ་སྒར་དཔོན་ཟེར་བའི་དོན་གཅོད་ཅིག་ཡོད་པ་རེད། ཁོང་གི་ལས་དོན་གལ་ཆེ་ཤོས་ནི་ཚོང་འབྲེལ་དང་ས་གནས་ཀྱི་དགོན་པ་དག༼༡༡༽་ལ་སྟངས་འཛིན་བྱེད་རྒྱུ་དེའོ”་ཞེས་ལྷ་སས་ཨ་མདོ་ནང་མཉམ་གཤིབ་ཀྱི་སྒྲིག་འཛུགས་ཤིག་རྒྱུན་མཐུད་ཡོད་འདུག སྒར་དཔོན་དེ་ནི་མན་ཇུ་ཨམ་བན་ལྟར་ས་ཁུལ་གྱི་ཆབ་སྲིད་འཛིན་སྐྱོང་བྱེད་པའི་དོན་དངོས་ཀྱི་དབང་ཆ་ཉུང་ངུ་ལས་མེད་པར་མངོན། (more…)

ཆོལ་ཁ་གསུམ་གཅིག་ཏུ་བསྒྲིལ་བའི་བོད་རང་བཙན་གྱི་གནད་དོན།(གཉིས་པ)

རྩོམ་པ་པོ་འཇམ་དབྱངས་ནོར་བུ།
མང་རའི་གངས་ཐིགས་ཀྱིས་བསྒྱུར།

མ་རྩོམ་ལ་གཟིགས་ན་འདི་རུ་བསྣུན།

ལོ་ངོ་ཁ་ཤས་སྔོན་དུ་སྦྱོང་བརྡར་མེད་པའི་དམག་མི་དག་གིས་གཙང་བོའི་ཆུ་རགས་ལ་བརྟེན་ནས་གཞིས་ཀ་རྩེ་དང་ལྷ་ས་རུ་རྒྱ་མི་དཔུང་དམག་ཚོ་ཕམ་པར་རྒྱག་མཁན་གྱི་༸རྒྱལ་དབང་སྐུ་ཕྲེང་བཅུ་གསུམ་པའི་དམག་སྤྱི་དག་དང་ལས་བྱེད་པ་ཚོས་དཀའ་སྡུག་གིས་བསགས་པའི་ཁོང་ཚོའི་ཉམས་མྱོང་ལས་དྲག་པའི་དམག་ཤུགས་ཀྱི་སྟོབས་ཤུགས་རིན་ཐང་ཤེས་ཡོད། བོད་རང་བཙན་ཡིན་པའི་འགོ་སྟོད་ཀྱི་ལོ་ངོ་དེ་ཚོ་ནང་ཁོང་ཚོས་དེང་རབས་ཀྱི་དཔུང་དམག་ཅིག་བསྐྲུན་པར་འབད་རྩོལ་བྱས་ཡོད་པ་རེད། ༡༩༡༨ལོར་ཁམས་ནང་གི་དེང་རབས་ཀྱི་དཔུང་དམག་འདིའི་སྙན་གྲགས་ཆེ་བའི་རྒྱལ་ཁ་དེས་ཆབ་སྲིད་ཀྱི་གནད་འགག་ཧ་ཅང་གལ་ཆེན་ཞིག་བཟུང་ཡོད་ཅིང་། ཕལ་ཆེར་ལོ་ངོ་སྟོང་ཕྲག་གི་དུས་ཡུན་ནང་བོད་དམག་གིས་ཐག་ཆོད་པོའི་ཐོག་ནས་རྒྱ་དམག་བཙན་འཛུལ་བ་ཚོ་ཐེངས་དང་པོར་ཕམ་ཉེས་བཏང་ཡོད། འདི་ངས་བྲིས་པའི་“དེབ་ཐེར་ནག་པོ”་ཞེས་པའི་བསྐྱར་ཞིབ་རྩོམ་ཡིག་དེའི་ནང་གི་“ཆ་མི་ཚང་བའི་དམག་འཁྲུག”་ཅེས་པའི་སྡེ་ཚན་ནང་དུ་ཅུང་ཙམ་རྒྱས་བཤད་གནང་ཡོད། གལ་ཏེ་ཀློག་པ་པོ་ཚོས་སོ་སོའི་དྲན་པ་གྲུང་པོ་བཟོ་འདོད་ན་དེབ་ཐེར་ནག་པོ་དེར་ཞིབ་བཤེར་གནང་ཆོག་གི་རེད། (more…)

ཆོལ་ཁ་གསུམ་གཅིག་ཏུ་བསྒྲིལ་བའི་བོད་རང་བཙན་གྱི་གནད་དོན།(དང་པོ)

རྩོམ་པ་པོ་འཇམ་དབྱངས་ནོར་བུ།
མང་རའི་གངས་ཐིགས་ཀྱིས་བསྒྱུར།

མ་རྩོམ་ལ་གཟིགས་ན་འདི་རུ་བསྣུན།

གཞུང་འབྲེལ་གྱི་དབུ་མའི་ལམ་ལྟ་གྲུབ་ཀྱི་ངོ་གདོང་ཐོག་ནས་བོད་དེ་རང་བཙན་ཅན་ལ་གྱུར་ན་ཁམས་ཀྱི་ས་ཆ་མང་ཆེ་ཤོས་དང་ཨ་མདོ་ཡོངས་རྫོགས་གང་ལྟར་ཡང་ངོ་མཚར་ཆེ་བའི་འཕེལ་རྒྱས་འདིའི་ཁྲོད་ནས་ཕྱིར་སྐྲོད་དགོས་པ་ནི་གཡོལ་ཐབས་མེད་པ་ཞིག་ཡིན་ངེས་རེད། འདི་ནི་དམིགས་བསལ་གྱིས་བསམ་རྒྱ་ཆུང་ཞིང་བློ་སྦུག་དོག་པའི་མི་སྣ་རིགས་ཀྱི་ལོ་རྒྱུས་ཀྱི་ཚོད་དཔག་བརྫུས་མ་འབའ་ཞིག་ལ་འདྲ་ངེས། བདེན་བདེན་འདྲ་བའི་ཐོབ་ཐང་རྩོད་ལེན་ཀྱི་བརྗོད་ཚུལ་འདིའི་གཏིང་རིམ་ནི་ནོར་འཁྲུལ་ཞིག་དང་རིགས་པ་ཉི་ཚེ་བ་ཞིག་རེད། ཡིན་ནའང་། འདི་ནི་ཁམས་པ་དག་དངངས་འཚབ་སློང་བ་ལ་སྤྱོད་ཀྱི་ཡོད་ཅིང་། ལྷག་པར་དུ་ཨ་མདོ་བ་ཚོ་ལ་རང་དབང་འཐབ་རྩོད་མཚམས་འཇོག་ཡོང་བར་འདི་བེད་སྤྱོད་བྱེད་ཀྱི་ཡོད་པ་རེད། འགྲེལ་བརྗོད་འདིའི་གནོད་འཚེ་ཆེ་བ་ཞིག་ནི་སྔོན་མའི་ལྷ་སའི་སྲིད་གཞུང་གིས་ཁམས་དང་ཨ་མདོ་སྐོར་ལ་སེམས་ཁྲལ་གཏན་ནས་བྱས་མེད་པ་རེད་ཟེར་བ་དང་། སྡུག་ཤོས་ཤིག་ནི་ངན་པ་ཁོག་བཅངས་ཀྱི་རྩོད་གླེང་འདིས་ལྷ་སས་ས་ཁུལ་འདི་གཉིས་བཙོངས་པ་རེད་ཟེར་བ་དེ་རེད། འདི་ཡིས་ཡང་ཡང་ལྷ་སའི་སྐུ་དྲག་ཚོས་ལྷ་ལྡན་གྲོང་ལ་གནས་མཇལ་དུ་ཡོང་མཁན་གྱི་ཁམས་པ་དང་ཨ་མདོ་བ་ཚོར་བཤུ་གཞོག་གཏོང་གི་ཡོད་པ་དང་ཨ་མདོ་མཁས་པ་ཚོའི་རིག་སྟོབས་ཀྱི་བརྩམས་ཆོས་དག་བརྐུས་ཁྱེར་དང་ལྷག་པར་དུ་“དགེ་འདུན་ཆོས་འཕེལ་གྱི་ལོ་རྒྱུས”་བརྐུས་ཁྱེར་གྱི་ཉེས་འཛུགས་བྱེད་ཀྱི་ཡོད་པ་རེད། འདི་དག་ཟིན་བྲིས་འདིའི་ཀློག་པ་པོ་དག་གིས་རྩོམ་ཡིག་འོག་གི་དཔྱད་མཆན་ཉུང་ཤས་ཤིག་གི་ནང་དུ་ཡོངས་སུ་རྟོགས་ཡོད་ཀྱི་རེད། (more…)

ཅིའི་ཕྱིར་ཕ་སྐད་གཞིར་བཞག་པའི་ཤེས་ཡོན་སྤྲོད་དགོས་སམ།

(གཞི་རིམ་ཤེས་ཡོན་སྲིད་བྱུས་དང་ཕ་སྐད་ནང་ལ་བསྒྱུར་པའི་སྒྲིག་སྲོལ་གཏན་འབེབས། ཅིའི་ཕྱིར་ཕ་སྐད་གཞིར་བཞག་པའི་ཤེས་ཡོན་སྤྲོད་དགོས་སམ།)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སྐལ་བཟང་དབང་འདུས།

མ་རྩོམ་ལ་གཟིགས་ན་འདི་རུ་བསྣུན།

༢༠༠༤ལོར་བཙན་བྱོལ་བོད་མིའི་སྒྲིག་འཛུགས་ཀྱིས་རྡ་རམ་ས་ལ་རུ་“བཙན་བྱོལ་བོད་མིའི་གཞི་རིམ་ཤེས་ཡོན་སྲིད་བྱུས”་ཡོངས་ཁྱབ་གསལ་བསྒྲགས་བསྐྱངས་ཡོད་པ་རེད། འདིས་འོས་བསྡུའི་ཐོབ་ཐང་ཡོད་པའི་བཙན་བྱོལ་བོད་མིའི་ས་ཁུལ་འདྲ་མིན་ནང་ལ་དགའ་སྤྲོ་འཕེལ་བཅུག་སོང་ལ་སེམས་འཚབ་ཀྱང་གང་འཚམ་ཞིག་བསླངས་སོང་། དེ་ལྟ་ནའང་། མི་དམངས་ཀྱི་གླེང་སྟེགས་དག་གི་ནང་དུ་བཀའ་མོལ་མང་ཆེ་ཤོས་ཤིག་ནི་གཏན་འབེབས་སློབ་ཚན་དང་སློབ་ཁྲིད་གཉིས་ཀ་རང་གི་ཕ་སྐད་ནང་ཁྲིད་དགོས་པའི་གནད་དོན་སྐོར་རེད། དེ་ལ་བརྟེན་ནས་སྲིད་བྱུས་འདིའི་ཅུང་གལ་ཆེ་བའི་ཁྱད་ཆོས་དག་གཏིང་བརྗེད་དུ་འགྲོ་བཞིན་ཡོད་པ་རེད། དེའི་འབྲས་བུར་བཙན་བྱོལ་བོད་མིའི་གཞི་རིམ་ཤེས་ཡོན་སྲིད་བྱུས་འདི་ཕ་སྐད་ནང་དུ་བསྒྱུར་བ་ཁོ་ན་ལ་ནན་བཤད་རྐྱང་བ་བྱེད་པའི་ལམ་ལུགས་དང་མི་མཐུན་པའི་བྱེད་སྟངས་ཤིག་གིས་བཙན་ཁྲིད་བྱས་ཡོད་ཅིིིང་། འདིས་བཙན་བྱོལ་བོད་མིའི་སློབ་གྲྭ་དག་སྟངས་འཛིན་བྱེད་མཁན་ཤེས་ཡོན་གྱི་སྡེ་ཚན་དག་གི་ཁྲོད་ལ་དགོས་མེད་ཀྱི་འགལ་ཟླ་ཞིག་སློང་གིན་ཡོད། (more…)

གནའ་སྔ་མོར་རྩོམ་རིག་ཟེར་བ་ཞིག་ཡོད། དེང་སྐབས་ཅི་ཞིག་རེད།(ཕྱི་མ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་རྗམ་སི་སལ་ཊར།

མ་རྩོམ་ལ་གཟིགས་ན་འདི་རུ་བསྣུན།

ང་ཚོས་སྔོན་ཆད་ནས་དེ་མཐོང་ཡོད་པ་འདྲ། ང་ཚོ་ལྟ་བུའི་ལོ་ན་རྒན་པ་ཚོས་དེ་དྲན་ཐུབ། སྐབས་དེར། དེར་”Flash Gordon,” ཟེར་ཞིང་། དེའི་ནང་དུ་ས་ཆ་དང་འཁྲབ་ཚན། གདུག་རྩུབ་ཆེ་ཞིང་མཐུ་རྩལ་ཀུན་ལྡན་གྱི་མི་ངན་ཞིག དཔའ་བོ་དེའི་སྙིང་རྗེ་མོ་ཅན་གྱི་དགའ་རོགས་ཤིག བློ་གྲོས་ལྡན་པའི་སློབ་སྟོན་པ་རྒན་པ་ཞིག འབྱུང་འགྱུར་གྱི་དྲག་པོའི་མཚོན་ཆ། མཁའ་དམག་གནམ་གྲུ། རྒྱང་རིང་འཁོར་སྐར་དག་མཁའ་དབྱིངས་དམག་གྲུའི་དཔུང་ཚོགས་བཅས་གཅིག་མཚུངས་སུ་ཡོད་པ་རེད། སྐབས་དེར། དེ་ནི་རི་མོའི་སྒྲུང་དེབ་ཅིག་རེད། སློབ་མ་ཚོ་དེའི་རྗེས་སུ་འབྲངས་ཡོད་པ་རེད། དེའི་ངོ་བོ་གསར་པ་ནང་དུ་དེ་ནི་ང་རང་གི་ཆེད་སྦྱོང་སློབ་ཚན་ཞིག་ལ་གྱུར་སོང་། དེ་ནི་མཐོ་སློབ་སློབ་མ་དག་གི་སློབ་ཚན་དུ་གྱུར་བ་ལ་གློག་བརྙན་ཞིབ་འཇུག་ཅེས་མིང་བཏགས་སོང་། (more…)

གནའ་སྔ་མོར་རྩོམ་རིག་ཟེར་བ་ཞིག་ཡོད། དེང་སྐབས་ཅི་ཞིག་རེད།(སྔ་མ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་རྗམ་སི་སལ་ཊར།

མ་རྩོམ་ལ་གཟིགས་ན་འདི་རུ་བསྣུན།

མི་ཚེའི་ནང་ཆེས་གལ་འགངས་ཆེ་བའི་བྱ་གཞག་དང་པོ་དེ་ཚིག་གྲུབ་གཅིག་གི་ནང་ལ་ཞིབ་འབྲི་བྱེད་ཐུབ་ཅིང་ཡོད་ཚད་བྱ་གཞག་དེའི་སྟེང་དུ་རག་ལས། ཆེས་གོ་སླ་བོའི་ཐོག་ནས་བརྗོད་ན། དེ་ནི་སྐད་ཆ་བཤད་པ་སྦྱོང་དགོས་པ་དེའོ།། དབྱིན་ཡིག་དང་སི་བཱ་ཧེ་ལེ། འཇར་པན་ཡི་གེ་སོགས་གང་ཡིན་རུང་སྐད་ཡིག་ནི་འགྲོ་བ་མིའི་གནས་སྟངས་ལ་མེད་ཐབས་མེད་པ་ཞིག་ཡིན། སྐད་ཡིག་མེད་ན་དེ་རུ་ཅི་ཡང་མེད། འཇིག་རྟེན་གྱི་མཛེས་སྡུག་དང་འཚོ་གནས་ཀྱི་མཛེས་སྡུག གལ་ཏེ་ཁྱོད་དགའ་ན་འཚོ་སྡོད་ཀྱི་སྡུག་བསྔལ་ཡང་ཟེར་ཆོག ཡིན་ཡང་། སྐད་ཡིག་མེད་ན་དེ་དག་མཚོན་ཐབས་བྲལ། (more…)