བོད་མི་ཞིག་གིས་ཀྲུང་དབྱང་སྲིད་གཞུང་ལ་བསྐུར་བའི་འཕྲིན་ཡིག

སྐར་ཁུང་རྩོམ་སྒྱུར་ཚོགས་ཆུང་གིས།
མ་རྩོམ་ལ་གཟིགས་ན་འདི་རུ་བསྣུན།

འཕྲིན་ཡིག་གཏོང་མཁན་བོད་རིགས་ལས་བྱེད་ལོ་སྤེང་།

བརྩེ་བའི་དབུ་ཁྲིད་ལགས།

ཁྱེད་ཉིད་སྐུ་ཁམས་བདེ་མོ་ཡིན་ནམ། གལ་སྲིད་སྐུ་ཉིད་ལ་རང་ཉིད་ཀྱི་བྲེལ་ཟིང་ཆེ་བའི་ལས་ཀའི་དུས་ཚོད་རེའུ་མིག་གི་བར་གསེང་ནས་འཕྲིན་ཡིག་འདི་ཐེངས་གཅིག་ཀློག་པའི་དུས་ཚོད་ཕྲན་བུ་ཞིག་རེག་ཚེ། དེ་ནི་རྔ་བའི་མི་མང་ལ་མཚོན་ན་ཆེས་གལ་ཆེ་བའི་གནད་དོན་ཞིག་ཡིན། གང་ཡིན་ཟེར་ན་འཕྲིན་ཡིག་འདི་བརྒྱུད་ནས་གུས་པས་སྐུ་ཉིད་ལ་རྔ་བའི་ས་གནས་དཔོན་རིགས་ཞིས་ཅོན་གྱི་སྐོར་གསལ་བཤད་བྱེད་རྒྱུ་ཡིན་ལ། ཁོའི་ནོར་འཁྲུལ་གྱི་བྱ་སྤྱོད་ལ་བརྟེན་ནས་རྔ་བ་མི་མང་སྤྱི་ཡོངས་ཀྱི་གནས་སྟངས་ཐད་ལ་ཤུགས་རྐྱེན་ཆེན་པོ་ཐེབས་བཞིན་ཡོད། (more…)

ཟུར་སྣོན་ནི། དྲ་འབུ་ཡོང་སའི་སྒོ་མོ་དེ་ཡིན།

འཇིགས་མེད་ནུབ་པ།

དྲ་རྒྱའི་མཐུན་རྐྱེན་ཇེ་ཡག་ཏུ་ཕྱིན་པ་དང་མཉམ་དུ་། མི་རྣམས་ཀྱིས་གློག་འཕྲིན་བརྒྱུད་ཉིན་རེའི་ལས་དོན་མང་པོ་སྒྲུབ་བཞིན་ཡོད་། ད་དུང་། མི་རྣམས་ཀྱིས་གློག་འཕྲིན་བརྒྱུད་གཞན་ལ་འཕྲིན་ཡིག་གཏོང་བ་ཙམ་མ་ཡིན་པར་། འདྲ་པར་དང་ཡིག་ཆ་འདྲ་མིན་སོགས་ཟུར་སྣོན་ (Attachment) བྱས་ནས་ཀྱང་བསྐུར་བཞིན་ཡོད་། འོན་ཀྱང་། གློག་འཕྲིན་བེད་སྤྱོད་གཏོང་མཁན་མང་པོའི་བསམ་པར་། ཟུར་སྣོན་ནི་ཡིག་ཆ་དང་འདྲ་པར་སོགས་བསྐུར་བྱེད་ཀྱི་སྟབས་བདེའི་ཡོ་བྱད་ཅིག་མ་གཏོགས། དེས་སོ་སོའི་གློག་ཀླད་དང་གློག་འཕྲིན་ནང་དུ་དྲ་འབུ་འཁྱེར་ནས་ཡོང་གི་ཡོད་པའི་དོགས་པ་བྱེད་ཀྱི་མེད་ལ། དེའི་སྐོར་གྱི་ཤེས་བྱ་ཡོད་མཁན་ཡང་ཧ་ཅང་ཉུང་ཉུང་ཡིན། ལྷག་པར་དུ་། ཟུར་སྣོན་གྱི་སྐོར་ལ་ཤེས་བྱ་ཉུང་བའི་དབང་གིས། མི་མང་པོའི་གློག་ཀླད་ལ་དྲ་འབུའི་འཇབ་རྒོལ་ཐེབས་ཀྱི་ཡོད་། དོན་དངོས་སུ། ཟུར་སྣོན་བེད་སྤྱོད་གཏོང་བ་ནི། དྲ་འབུ་ཡོང་སའི་སྒོ་ཕྱེས་བ་དང་གཅིག་མཚུངས་ཡིན། (more…)

ཨོ་བྷ་མས་རྒྱ་ནག་ལ་བཟུང་བའི་སུང་ཙིའི་འཐབ་ཇུས།

སྐར་ཁུང་རྩོམ་སྒྱུར་ཚོགས་ཆུང་གིས།
མ་རྩོམ་ལ་གཟིགས་ན་འདི་རུ་བསྣུན།

ཨོ་བྷ་མའི་ལས་ཁུར་འགོ་འཛུགས་བྱས་པ་དང་བསྟུན་རྒྱ་ནག་གཞུང་གི་ང་རྒྱལ་དང་རང་རློབ་ཀྱི་མགོ་འཕང་མཐོ་རུ་ཕྱིན་ཡོད། དེ་ནི། ཕྱོགས་གཅིག་ནས་པེ་ཅིན་ཨོ་གླིང་རྩེད་འགྲན་གྱི་རྒྱལ་ཁ་འབྱུང་ལ་ཉེ་བ་དང་། ཕྱོགས་གཞན་ཞིག་ནས་ཨ་རིའི་དཔལ་འབྱོར་ཉམ་རྒུད་དུ་འགྲོ་བཞིན་པ་དེས་ཨ་རིའི་སྟོབས་ཤུགས་ཉམ་ཉེས་མཚོན་ཡོད་པ་དང་ཆབ་ཅིག རྒྱལ་སྤྱིའི་ངོས་ནས་ཀྱང་རྒྱ་ནག་ནི་ཁོང་ཚོའི་རྒྱབ་རྟེན་གྱི་ཚོང་དཔོན་གསར་པ་ཞིག་ཏུ་འཚོལ་གྱི་ཡོད་པས་རེད། རྒྱ་ནག་ཕྱིར་ཚོང་ལ་ཤུགས་ཆེར་རྟེན་ཡོད་སྟབས་རྒྱལ་སྤྱིའི་དཔལ་འབྱོར་ཉམ་ཉེས་ཁྲོད། རྒྱ་ནག་གི་ཕྱིར་ཚོང་འགྲོ་རྒྱུག་མར་ལྷུང་པ་དེ་ལས་ལྷག་པའི་རྒྱ་ནག་གི་ལས་བཟོ་བར་འཕྲད་པའི་དཀའ་ངལ་ཅིག་བྱུང་མེད། འོན་ཀྱང་། རྒྱ་ནག་གིས་རང་ཉིད་འཕྲད་དུ་དཀའ་ངལ་དེ་ལས་གྲོལ་ཐུབ་པ་བྱས་ཡོད་སྟབས་རྒྱལ་སྤྱིའི་དཔལ་འབྱོར་ཉམ་ཉེས་ཀྱིས་རྒྱ་ནག་ལ་དེ་ཙམ་ཤུགས་རྐྱེན་འཕྲད་མེད། (more…)

གསང་ཚིག་བརྟན་པོ་ཡོད་ན། གློག་འཕྲིན་རྐུན་མར་ཤོར་དཀའ།

འཇིགས་མེད་ནུབ་པ།

ད་ལྟའི་སྤྱི་ཚོགས་ནི་བརྡ་འཕྲིན་གྱི་སྤྱི་ཚོགས་ཤིག་ཡིན་། སྤྱི་ཚོགས་འདིའི་ཁྲོད་དུ། མི་སྒེར་བའི་གནས་ཚུལ་དང་གསང་བ་མང་པོ་ཞིག་དྲ་ཐོག་ན་ཡོད་ཅིང་། མི་མང་པོ་ཞིག་གིས་། སྒེར་གྱི་གནས་ཚུལ་དང་གསང་བ་དེ་ཚོ་སོ་སོའི་གློག་འཕྲིན་གྱི་ནང་དུ་ཉར་གི་ཡོད། ད་དུང་། མི་རེ་རེར་དྲ་ཐོག་གི་གློག་འཕྲིན་ཁ་བྱང་རེ་ཡོད་ཅིང་། གློག་འཕྲིན་ཁ་བྱང་རེ་ལ་ཁང་པའི་སྒོ་ལྕགས་ལྟ་བུའི་གསང་ཚིག་རེ་ཡོད་། གལ་སྲིད་ཁྱེད་ཀྱི་གསང་ཚིག་དེ་གཞན་གྱིས་ཤེས་ཚེ་། ཁྱེད་རང་གི་གནས་ཚུལ་ཚང་མ་གཞན་གྱིས་བརྐུ་ཐུབ་པ་མ་ཟད་། ཁྱེད་དང་འབྲེལ་བའི་གྲོགས་པོ་དང་ཉེ་འབྲེལ་སོགས་ཀྱི་གནས་ཚུལ་ཡང་གཞན་གྱིས་བརྐུ་སྲིད་། དེར་བརྟེན། གློག་འཕྲིན་གྱི་གསང་ཚིག་དེ་། བརྟན་པོ་དང་རིང་པོ། མགོ་རྙོག་ཅན་ཞིག་བཟོ་རྒྱུ་ནི། དྲ་ཐོག་གི་རྐུན་མ་འགོག་པའི་ལམ་ཁ་དང་པོ་དེ་ཡིན། (more…)

རླུང་ཁྲོད་ཀྱི་མར་མེ།

རྩོམ་པ་པོ། ཤབ་བྷན་སཱ་ཤྭི་ནྭ།
སྒྱུར་བ་པོ། རིན་ཆེན་དབང་རྒྱལ།

མ་རྩོམ་ལ་གཟིགས་ན་འདི་རུ་བསྣུན།

སྤྱི་གསུམ་པའི་ཚེས ༢༦ ཉིན་གྱི་ཞོགས་པའི་ཉི་འོད་གསང་སྟབས་ཀྱིས་ཁང་པའི་ནང་དུ་འཕྲོས་ཏེ་ཤག་རོགས་རྣམས་གཉིད་ལས་མ་བསླངས་སྔོན་འཇམ་དཔལ་ཡེ་ཤེས་མལ་ལས་ལངས་ཟིན། ཁོང་གིས་ཉལ་གཟན་ལྟེབས་ཚིགས་བརྒྱབ་སྟེ་འབོལ་གདན་སྟེང་དུ་བརྩིགས་ཤིང་ཏ་ལཱའི་བླ་མའི་ཕྱག་དེབ་གཉིས་དེའི་སྟེང་དུ་བཞག་ཡོད། ཕྲེང་ང་ཞིག་མདུན་གྱི་ལྕགས་གཟེར་ལ་བཀལ་ཡོད་པ་དང་སྨྱུག་གུ་གཉིས་སྐུད་པ་དམར་པོ་ཞིག་གིས་དཀྲིས་ཏེ་བཞག་ཡོད། དེ་ནས་ཁོང་གིས་རྒྱབ་ཁུག་ཁུར་ནས་མཱ་ཇཱན་ཊི་ལའི་དགོན་པའི་འཁྲིས་སུ་སོང་སྟེ་ཁ་ཁུ་སིམ་པོས་ཇ་ཁང་ནས་ཇ་བཏུང་བཞིན་བག་ལེབ་བཟས། དེའི་རྗེས་སྤྱི་སྤྱོད་རླངས་འཁོར་ཞིག་ལ་བསྡད་དེ་ཚོུད་འགའ་ཞིག་གི་རྗེས་སུ་ཁོང་ཉིད་མེ་དཔུང་ཞིག་ཏུ་འགྱུར་སའི་ས་གནས་ཇཱན་ཏར་མྭན་ཏར་ལ་སོང་། (more…)

བོད་ནང་ན་མེར་བསྲེགས་ཀྱི་ལས་འགུལ་ཆེ། བོད་ཕྱི་ན་དྲ་ཐོག་གི་རྩོད་པ་ཆེ།

རིག་འབྱུང་དོན་གྲུབ་བཀྲ་ཤིས།

དབྱིན་ཡིག་གི་འགྱུར་ལ་གཟིགས་ན་འདི་རུ་བསྣུན།

བོད་ནང་དུ་རང་ལུས་མེར་བསྲེགས་གཏོང་མཁན་ཇེ་མང་དང་དེའི་ཁྱབ་རྒྱ་ཇེ་ཆེར་འགྲོ་བཞིན་པའི་སྐབས་སུ། བཙན་བྱོལ་སྤྱི་ཚོགས་སུ་དེའི་སྐོར་ལ་བགྲོ་གླེང་འཁྲུག་པོ་འབྱུང་གིན་ཡོད། བགྲོ་གླེང་དེ་ཚོ་དྲ་ཐོག་གི་བགྲོ་གླེང་ཡིན། ད་ཕན། བཙན་བྱོལ་ནང་གི་བོད་ཡིག་དྲ་བ་ཁ་བརྡ་དང་བོད་ཀྱི་དུས་བབ། བོད་ཀྱི་བང་ཆེན་གསུམ་ཀའི་སྟེང་ལ། བོད་ནང་གི་རང་ལུས་མེར་བསྲེགས་ཀྱི་ངོ་རྒོལ་སྐོར་ལ་བསམ་ཚུལ་རྩོམ་ཡིག་ལྔ་བཅུ་ལྷག་ སྤེལ་འདུག རྩོམ་ཡིག་དེ་རྣམས་ལ་མཆན་བུ་སྟོང་ཕྲག་བརྒལ་བ་བྱུང་འདུག འོན་ཀྱང་། རྩོམ་ཡིག་སྤེལ་མཁན་ཚོའི་བསམ་ཚུལ་གཅིག་པ་མིན་ལ། བསམ་ཚུལ་ཁ་ཤས་ཀྱི་དབར་ལ་འགལ་ཟླ་ཡང་ལངས་བཞིན་ཡོད་། (more…)

ཐྲིབ།

(སྒྲུང་ཐུང་ཞིག)

པད་མ་འབུམ་གྱིས།

ཁོ་མལ་ལས་ལངས་དུས་ཁོའི་ལྒང་བུ་གཅིན་པས་འགད་ལ་ཉེ་བའི་ཚོར་སྣང་བྱུང་། ཁོས་དེ་མ་སྲོན་ཏེ་ཐད་ཀར་གསང་སྤྱོད་དུ་རྒྱུགས། ཡིན་ན་ཡང་གསང་སྤྱོད་ཀྱི་སྒོ་ནང་ནས་བསྡམས་འདུག “སྒོ་ཕྱེ་དང་། ངའི་གཅིན་པ་ཤོར་གྲབས་འདུག”ཁོས་རང་གི་བརླ་གཉིས་དམ་པོར་གཤིབས་ཏེ་གསང་སྤྱོད་ཀྱི་ནང་ན་མཛེས་ཆོས་སྤྲོ་བཞིན་པའི་རང་གི་ཆུང་མ་ལ་དེ་སྐད་དུ་བརྗོད། “ཅུང་ཙམ་སྒུག་དང་། ངས་ཚར་གྲབས་ཡོད།”ཆུང་མའི་སྐད་གསང་སྤྱོད་ནང་ནས་གྲག་ཡོང་། ཁོས་རང་གི་བརླ་གཉིས་ཇེ་དམ་དུ་གཤིབས་ཏེ་“ཀུ་ཅི། སྒུག་ཐུབ་པ་མི་འདུག མགྱོགས་པོ་སྒོ་ཕྱེ་དང་།”ཞེས་ཞུ་བ་འཐེན། “ཁྱེད་ཀྱིས་་་་སྐར་མ་་་ཁ་ཤས་ལ་བསྲན་མི་་་་ཐུབ་པ་ག་རེ་རེད། ཁྱེད་ཀྱི་ལྒང་བུ་་་་ཤོག་བུས་བཟོས་པ་་་ཡིན་ནམ།” སྐད་ཆ་དེ་གསང་སྤྱོད་ནས་ཆད་མ་མཐུད་ཀྱིས་གྲག་ཡོང་། ཕལ་ཆེར་ཁོའི་ཆུང་མས་མཆུ་ཏོ་ལ་དམར་རྩི་འབྱུག་བཞིན་བརྗོད་ཀྱི་ཡོད་པ་འདྲ། (more…)

ཁྱེད་ཀྱི་བདེ་འཇགས་དེ་། ཁ་པར་དང་བྱང་བུ་གཉིས་ཀྱི་ལག་ལ་མ་འཇོག

འཇིགས་མེད་ནུབ་པ།

འཕྲུལ་རིག་གིས་། མི་རྣམས་ཀྱི་འབྲེལ་ལམ་ཉེ་རུ་བཏང་ཞིང་འཇིག་རྟེན་ཆུང་དུ་གཏོང་བཞིན་པ་ནི་དངོས་ཡོད་འཚོ་བའི་གྲུབ་ཆ་ཞིག་ཆགས་ནས་ཡོད་། འཕྲུལ་རིག་གི་ཡར་རྒྱས་དང་མཐུན་རྐྱེན་འདི་ལ་བརྟེན་ནས། ང་ཚོས་ཀྱང་ཉིན་རེའི་འཚོ་བའི་ཁྲོད་དུ། རང་གི་གྲོགས་པོ་དང་ངོ་ཤེས་སོགས་ལ་ཁ་པར་གཏོང་བ་དང་། གཞན་གྱི་ཁ་པར་ཉན་པ། གཞན་ལ་འཕྲིན་ཐུང་གཏོང་བ་དང་གཞན་གྱི་འཕྲིན་ཐུང་ཀློག་པ་། ད་དུང་། ཁ་པར་བརྒྱུད་ནས་དྲ་རྒྱ་ཉུལ་བ་སོགས། དུས་གཅིག་ལ་འཇིག་རྟེན་གྱི་བྱ་ལས་མང་པོ་ཞིག་ལ་ལག་པ་འཆང་ཐུབ་གི་ཡོད་། འོན་ཀྱང་། ང་ཚོའི་ལས་ཀ་བྱེད་ཐབས་བདེ་རུ་འགྲོ་བ་དང་མཚུངས་སུ། ང་ཚོའི་བདེ་འཇགས་ལ་དོ་ཕོག་མང་དུ་འགྲོ་བཞིན་ཡོད་། (more…)

དེང་གི་མི་རིགས་ས་ཁུལ་གནད་དོན་ཐད་བྱུང་བའི་བསམ་ཚུལ་ཁ་ཤས།

སྐར་ཁུང་རྩོམ་སྒྱུར་ཚོགས་ཆུང་གིས།
མ་རྩོམ་ལ་གཟིགས་ན་འདི་རུ་བསྣུན།

རྩོམ་པ་པོ། ཀྲུའུ་ཝེ་ཆོན།

(རྒྱ་ནག་དབུས་དམར་ཤོག་སློབ་གྲྭའི་”སློབ་སྦྱོང་དུས་བབ་”སྟེང་འདེམས་བཀོད་བྱུང་བའི་མི་རིགས་གནད་དོན་གྱི་རྩོམ་ཡིག)

ཕྱི་ཟླ༢ཚེས་༡༣ཉིན། རྒྱ་ནག་དབུས་དམར་ཤོག་སློབ་གྲྭའི་< <སློབ་སྦྱོང་དུས་བབ>>འདོན་ཐེངས་གསར་ཤོས་དེའི་མདུན་ཤོག་དང་མདུན་བྱང་དུ། རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་འགན་འཛིན་གཞོན་པ་ཀྲུའུ་ཝེ་ཆོན་གྱིས་མི་རིགས་གནད་དོན་སྐོར་གྱི་རྕོམ་ཡིག་དེ་བཀོད་ཡོད་པ་དང་། ལོ་ཤས་ནང་རྒྱ་ནག་དམར་ཤོག་གི་མི་རིགས་ལས་དོན་དང་སྒོས་སུ་བོད་ཀྱི་གནད་དོན་ཐད་རྒྱུན་དུ་གླེང་སློང་བྱེད་མཁན་གྱི་ཀྲུའུ་ཝེ་ཆོན་གྱིས་“ངེས་པར་དུ་ལྷོད་ཡངས་མེད་པར་ནང་སྲིད་འཛིན་སྐྱོང་བཅོས་བསྒྱུར་དང་། ཁ་བྲལ་ལས་འགུལ་བརྩམ་མཁན་གྱི་ཕྱི་དགྲ་དེ་དག་ཚར་གཅོད་བྱེད་པའི་དུས་མཚུངས་སུ། མ་འོངས་པར་གྲངས་ཉུང་མི་རིགས་རྣམས་ལ་རོགས་སྐྱོར་དང་འདུ་ཤེས་འཛིན་སྟངས་དེའང་མཁོ་དགོས་ཆ་རྐྱེན་ལ་དམིགས་ནས་ལམ་སྟོན་ཁ་ཕྱོགས་བསྒྱུར་དགོས་པ་དང་། (more…)

ཡང་ཅིན་ལིས། ཏཱ་ལའི་བླ་མས་རྒྱུན་སྲོལ་དང་མི་འདྲ་བའི་དཔོན་རིགས་གསོ་སྐྱོང་བྱེད་པ།

སྐར་ཁུང་རྩོམ་སྒྱུར་ཚོགས་ཆུང་གིས།
མ་རྩོམ་ལ་གཟིགས་ན་འདི་རུ་བསྣུན།

རྩོམ་ཡིག་མཁོ་སྤྲོད་པ། (དོན་རྐྱེན་ཆེན་པོ)

“ང་རྒྱ་ནག་གི་ཟས་རིགས་ལ་དགའ་བ་དང་། མ་བབ་ཏའུ་ཧྥི་ནི་ངའི་ཆེས་དགའ་ཤོས་དེ་ཡིན། ང་རྒྱ་ནག་གི་གློག་བརྙན་ལ་དགའ་བ་དང་། ལིག་ལེན་ཅེ་ནི་ངའི་དགའ་ཤོས་ཀྱི་འཁྲབ་སྟོན་པ་དེ་ཡིན།”(བློ་བཟང་སེང་གེའི་སྐད་ཆ) གསར་ཏུ་འོས་འདེམས་བྱུང་བའི་བཙན་བྱོལ་བོད་ཀྱི་སྒྲིག་འཛུགས་གི་བཀའ་བློན་ཁྲི་པ་བློ་བཟང་སེང་གེ་ལགས་ནི། གཟུགས་སྟོབས་ཆེ་ཞིང་སྐད་ངག་དལ་ལ་གདེང་སྤོབས་ལྡན་པ། མི་རྣམས་ལ་དེའི་སྔོན་གྱི་བཀའ་བློན་ཁྲི་པ་ཟམ་གདོང་རིན་པོ་ཆེ་དང་མི་འདྲ་བའི་མཐོང་སྣང་ཞིག་ངང་གིས་སྟེར། དུས་རྒྱུན་དུ་རྒྱ་རིགས་དང་གྲོགས་འབྲེལ་བྱེད་པའི་བློ་བཟང་སེང་གེ་ལ་< <དོན་རྐྱེན་ཆེན་པོ>>ཡིས་དམིགས་བསལ་བཅར་འདྲི་གནང་སྐབས་ཁོང་གིས། “ཁོང་ནི་ཕན་ཚུན་གྲོས་མོལ་བྱེད་པར་ཡིད་ཆེས་ཡོད་པ་དང་། ཁོང་ནི་རྒྱ་ནག་སྲིད་གཞུང་དང་གྲོས་མོལ་བྱེད་པར་ཤིན་ཏུ་འདོད་པ་ཡོད་པ་མ་ཟད། རྗེས་སུ་ཁོང་གིས་དབུ་མའི་ལམ་གྱི་ལྟ་བ་རྒྱུན་འཛིན་བྱེད་རྒྱུ་ཡིན་པ་དང་། བོད་མིའི་རང་རྐྱ་འཕེར་བ་དང་རང་དབང་གི་ཆེད་དུ་འབད་བརྩོན་བྱེད་རྒྱུ་ཡིན་”ཞེས་གསུངས། (more…)

གསར་བརྗེ་འདི་བོད་ཀྱི་སྐད་ཡིག་བརྒྱུད་ནས་གྲགས་པར་འགྱུར།

སྐར་ཁུང་རྩོམ་སྒྱུར་ཚོགས་ཆུང་གིས།
མ་རྩོམ་ལ་གཟིགས་ན་འདི་རུ་བསྣུན།

རྩོམ་པ་པོ། བསྟན་རྡོར།

སྐྱབས་བཅོལ་དུ་སྐྱེས་པའི་མི་ཞིག་ལ་ཁེ་བཟང་ཉུང་ཤས་ཙམ་ཡོད་པའི་ནང་གི་གཅིག་ནི་ཁྱེད་རང་ནོར་འཁྲུལ་ལྟ་བུའི་ངང་སྐད་གཉིས་སྨྲ་བ་ཆགས་འགྲོ་བ་དེ་རེད། བདག་རྒྱ་གར་དང་ཨ་རིར་སློབ་སྦྱོང་བྱས་པའི་བོད་རིགས་ཞིག་ཡིན་པའི་ཆ་ནས། ནམ་རྒྱུན་ཚོགས་འདུ་དང་འདུ་འཛོམས་ཁག་འདྲ་མིན། གསར་འགོད་གསལ་བསྒྲགས་སོགས་ཀྱི་སྐབས་སུ་བོད་སྐད་བཤད་མཁན་དག་ལ་སྐད་སྒྱུར་དང་འགྲེལ་བཤད་བྱེད་པར་གཞན་གྱིས་རེ་བ་བྱེད་བཞིན་ཡོད། དེ་བཞིན་ཉེ་ཆར་བདག་གིས་བོད་ཀྱི་ལས་འགུལ་སྡེ་ཚན་གྱི་འཕྲུལ་ལས་དབུ་འཛིན་སྐུ་ཞབས་ནེ་ཐན་ཧྥུ་རེ་ཐཱ་སུ་ལགས་དང་བོད་ཀྱི་ཡིག་གཟུགས་གློག་ཀླད་ཇུས་འགོད་ཀྱི་གསར་གཏོད་མཁན་ཐོག་མའི་གྲས་དགེ་འདུན་པ་སྨོན་ལམ་ལགས་གཉིས་ཀྱི་བར་དུ་གློག་ཀླད་དང་འབྲེལ་བའི་གནད་དོན་སྣེ་མང་ཅན་ཞིག་གི་སྐོར་ལ་སྐད་བསྒྱུར་བྱེད་རོགས་བྱས་པ་ཡིན། (more…)

སྲིད་པ་ཆགས་གླུ་སོགས་ནི་གདོད་མའི་སྙན་ངག་ཡིན་ནམ།

པད་མ་འབུམ།

ཨ་མདོའི་ཡུལ་གྲུ་མང་པོར། སྟོན་མོའི་སྐབས་སུ་ལེན་པའི་གླུ་རིགས་སུ། རྟོག་སྣང་གི་བློ་རྩལ་འགྲན་པའམ། ཡང་ན་བློ་རྩལ་དེས་འཇིག་རྟེན་གྱི་སྣང་ཚུལ་སྣ་ཚོགས་ལ་འགྲེལ་བཤད་རྒྱག་པའི་ཚུལ་དུ་ལེན་པའི་གླུ་རིགས་ཤིག་ཡོད་། དེ་ཡང་གཙོ་བོ་སྣང་ཚུལ་བྱེ་བྲག་པ་གཅིག་གླུ་རྐྱང་པ་གཅིག་ཏུ་ལེན་པ་དང་། སྣང་ཚུལ་འདྲ་མིན་ཁག་ཅིག་གླུ་ཚོགས་གཅིག་ཏུ་བྱས་ནས་ལེན་པ་རིགས་གཉིས་ཡོད་། དེ་ལས་གླུ་ཚོགས་ཤིག་ཏུ་སྲིད་པ་སྟེ། འཇིག་རྟེན་འདི་གང་ཟག་བྱེ་བྲག་པ་ཞིག་གི་ཚུལ་དུ་བཀོད་ཅིང་། དེ་ལ་བ་ཞིག་ཡོད་པ་བཤའ་བ་སྟེ། ཤའི་དོན་དུ་གསོད་པའི་གནས་སྐབས་དེ་ལ་བའི་ལུས་ཀྱི་ཆ་ཤས་རེ་རེ་ནས་འཇིག་རྟེན་གྱི་སྣང་ཚུལ་རེ་རེ་གྲུབ་ཚུལ་གླུ་རུ་ལེན་པ་དེ་ཨ་མདོའི་ཡུལ་གྲུ་མང་པོར་ཅུང་ཙམ་ཁྱབ་རྒྱ་ཆེ་བས་ན་གླུ་ཚོགས་འདི་ལ་སྲིད་པའི་བ་ཆུང་བཤའ་གླུ་ཞེས་གྲགས་ཆེ། མ་གཞི་གླུ་རིགས་འདིས་སྣོད་བཅུད་ཀྱི་འཇིག་རྟེན་ཏེ། རང་བྱུང་གི་འཇིག་རྟེན་ཁམས་འདི་དང་དེ་ལ་གནས་པའི་མིའི་སྤྱི་ཚོགས་ཀྱི་སྣང་ཚུལ་བཅས་ལ་འགྲེལ་བཤད་རྒྱག་པས་ན་ངག་རྒྱུན་དུ་གླུ་རིགས་འདི་ལ་སྲིད་པ་ཆགས་གླུ་དང་སྲིད་པའི་སྒྲུང་གླུ་ཡང་ཟེར་། སྐབས་འགར་སྲིད་པ་ཟེར་བའི་མིང་རྐྱང་འདིས་ཀྱང་གླུ་རིགས་འདི་སྟོན་པའི་སྐབས་ཡོད་དེ། དཔེར་ན། གླུ་སྲིད་པ་ཁ་མཚར་གླུ་ཤགས་གསུམ། 1 ཞེས་པའི་ཚིག་རྐང་འདིས་གླུ་རིགས་གསུམ་ཡོད་པ་སྟོན་ཅིང་། སྲིད་པ་ཞེས་པ་འདིས་ང་ཚོས་ད་ལྟ་གླེང་བཞིན་པའི་གླུ་རིགས་འདི་སྟོན་ནོ། གླུ་འདི་རིགས་ལེན་སྟངས་ནི་གླུ་པ་གཉིས་སམ། ཕོ་མོ་ཕྱོགས་གཉིས་ནས་ཕན་ཚུན་ལ་དྲི་བ་དྲི་ལན་གྱི་ཚུལ་གྱིས་ལེན་པ་ཡིན། (more…)

མཐར་ཐུག་གི་ཏཱ་ལའི་བླ་མ། དགེ་སྦྱོང་སེར་མོ་བ་ཞིག་གིས་གུང་ཁྲན་དབང་ཤུགས་ལ་གདོང་ལེན་བྱེད་པའི་རྟོག་སྒྲུང་དང་བསམ་བློ

སྐར་ཁུང་རྩོམ་སྒྱུར་ཚོགས་ཆུང་གིས།
མ་རྩོམ་ལ་གཟིགས་ན་འདི་རུ་བསྣུན།

རྩོམ་པ་པོ། ཨེན་ཆིས།

འཛམ་གླིང་འདིའི་སྒང་ལ། ཕྱག་གསུམ་འཚལ་ཏེ་དཀོན་མཆོག་གསུམ་པོར་སྐྱབས་བཅོལ་དང་གསོལ་བ་འདེབས་པའི་མི་རིགས་ནི་བོད་རིགས་ཁོ་ན་ལས་མེད། འདི་ལྟར་ཆོས་ལུགས་ལ་དད་གུས་ལྡན་པའི་མི་རིགས་ཤིག་ལ། དེང་རབས་ཀྱི་རང་བཞིན་དང་ཁྱད་ཆོས་ལྡན་པའི་ཏཱ་ལའི་བླ་མ་དེ་ཉིད་བྱུང་པ་རེད། འདི་ནི་ཏཱ་ལའི་བླ་མའི་ངོ་མཚར་གྱི་མཛད་རྗེས་ཁོ་ན་ཞིག་ག་ལ་ཡིན། སྤྱི་ལོ༢༠༡༡ཟླ༨པའི་ནང་། ཏཱ་ལིའི་བླ་མས་ཆབ་སྲིད་ཀྱི་ཐུགས་འགན་མི་བཞེས་རྒྱུ་གསལ་བསྒྲགས་བྱས་པ་དང་། དུས་དེ་ནསཆོས་སྲིད་གཉིས་ཐ་དད་དུ་གྱུར་པ་རེད་ལ། འདིས་ཀྱང་ལོ་ངོ་བརྒྱ་ཕྲག་མང་པོར་ཆོས་སྲིད་ཟུང་འབྲེལ་གྱི་ཏཱ་ལའི་བླ་མའི་ལམ་ལུགས་དེ་ཉིད་དེ་ནས་མཇུག་སྒྲིལ་པར་མཚོན་ཐུབ་ཀྱི་ཡོད་པ་ དང་། བཙན་བྱོལ་བོད་གཞུང་གི་མང་གཙོ་སྒྲོམ་གཞི་དེ་ཉིད་ཆ་ཚང་ཞིག་འགྲུབ་ཡོད་པ་རེད། (more…)

མཁས་ཅན་གསུམ་གྱིས་རྒྱ་ནག་གི་མི་རིགས་སྲིད་ཇུས་ཇེ་ལེགས་སུ་གཏོང་ཐུབ་ཟེར།

སྐར་ཁུང་རྩོམ་སྒྱུར་ཚོགས་ཆུང་གིས།

མ་རྩོམ་ལ་གཟིགས་ན་འདི་རུ་བསྣུན།

རྒྱ་ནག་མཁས་ཅན་མི་སྣ་གསུམ་གྱིས་རྒྱ་ནག་གི་ད་ལྟའི་མི་རིགས་སྲིད་ཇུས་ཐད་བགྲོ་གླེང་བྱས་པ་དང་། མཁས་ཅན་ལ་ལའི་ལྟ་ཚུལ་ལ། ང་ཚོའི་མི་རིགས་སྲིད་ཇུས་ཀྱི་དམིགས་ཡུལ་ནི་ནུབ་བྱང་དང་བྱང་ལྷོ་ས་གནས་དེ་དག་མཚོ་རྒྱུད་དང་ཤར་ཕྱོགས་ས་གནས་དང་གཅིག་མཚུངས་བྱེད་རྒྱུ་དེ་རེད། དེ་ཡང་ཚན་རིག་གི་གཏན་ཚིག་ལ་ངེས་ཤེས་ཟབ་ཡོད་ཐོག། ད་གཟོད་རྒྱ་ནག་གི་མི་རིགས་སྲིད་ཇུས་དང་གྲུབ་མཐའ་ལ་ཕྱི་འདང་རྒྱག་ཐུབ་ཀྱི་ཡོད་ཅེས་བཤད་ཡོད། རྒྱ་ནག་དམག་ཕྱོགས་གསར་ལམ་(མི་དམངས་ཉིན་རེའི་ཚགས་ཤོག)གི་དར་ཆ་འོག་(རྒྱལ་ཁམས་དུས་བབ)འདོན་ཐེངས་༢༡་སྟེང་(མཁས་ཅན་གསུམ་གྱིས་རྒྱ་ནག་གི་མི་རིགས་སྲིད་ཇུས་ཇེ་ལེགས་སུ་གཏོང་ཐུབ)ཞེས་པའི་རྩོམ་ཡིག་ཅིག་སྤེལ་ཡོད་པར་གཤམས་གསལ། (more…)

སྙན་ངག་གིས་སྤྱི་ཚོགས་ལ་འགན་ཅི་ཞིག་ཁུར་ཐུབ།

རབ་འབྱོར་གྱིས།

སྙན་ངག་གིས་སྤྱི་ཚོགས་ལ་འགན་འཁུར་དགོས་མིན་གྱི་དྲི་བའི་སྔོན་ལ། དེས་སྤྱི་ཚོགས་ལ་འགན་གང་ཞིག་འཁུར་ཐུབ་རྒྱུ་ཡིན་པ་འདི་འདྲི་འོས། སྤྱི་ཚོགས་ལ་འཁུར་རྒྱུའི་འགན་ཁོངས་ནི་ཧ་ཅང་རྒྱ་ཆེན་པོ་རེད། དང་པོ་སྤྱི་ཚོགས་ཀྱི་ཕོ་བ་རྒྱག་དགོས་པ་དང་རྒྱབ་དྲོ་དགོས་པ་དེ་རེད། དེ་ནི་མི་སྒེར་དང་རིམ་པ་སོ་སོའི་སྲིད་གཞུང་གི་འགན་འཁུར་རེད། དེ་ནས་སྤྱི་ཚོགས་ལ་རྐུན་ཇག་སོགས་ཀྱི་འཇིགས་པ་མེད་པའི་བདེ་འཇགས་རེད། དེ་ནི་སྤྱི་བདེ་དང་བདེ་འཇགས་ལས་ཁུངས་ཀྱི་ལས་འགན་རེད། དེ་ནས་སྤྱི་ཚོགས་ལ་ན་བ་ཚ་བ་ཉུང་ཞིང་བདེ་ཐང་ཡིན་དགོས་པ་དེ་རེད། དེ་ནི་འཕྲོད་བསྟེན་ལས་ཁུངས་དང་སྨན་ཁང་སོ་སོའི་ལས་འགན་རེད། དེ་ནས་སྤྱི་ཚོགས་ཀྱི་ཤེས་འཇོན་ཡར་རྒྱས་གཏོང་རྒྱུ་དེ་རེད། དེ་ནི་སློབ་གསོའི་ལས་ཁུངས་དང་སློབ་གྲྭ་རྣམས་ཀྱི་འགན་འཁུར་རེད། ད་དུང་སྤྱི་ཚོགས་ལ་དགོས་པ་ནི་དྲང་བདེན་དང་འདྲ་མཉམ་རེད། དེ་ནི་ཁྲིམས་ཁང་དང་ཁྲིམས་བཟོ་ལས་ཁུངས་སོགས་ཀྱི་འགན་འཁུར་རེད། འདི་དང་འདི་ལྟ་བུའི་སྤྱི་ཚོགས་ཀྱི་རྩ་བའི་དགོས་མཁོ་སྐོར་ཞིག་ཡོད་པ་ལས་སྙན་ངག་གི་འགན་དུ་འབབ་པ་དང་འགན་ལེན་ཐུབ་པ་གང་ཡོད་དམ། (more…)