རྒྱ་ནག་གིས་ཇི་ལྟར་སྒྱུ་རྩལ་དང་སྒྱུ་རྩལ་པ་སྤྱད་དེ་རང་ཉིད་འཛམ་གླིང་ལ་བཙོང་སྟངས། (ཕྱི་མ)


སྐར་ཁུང་རྩོམ་སྒྲིག་ཚོགས་ཆུང་གིས།
རྩོམ་པ་པོ་མུའུ་རེ་བེ་ཀྲི

མ་རྩོམ་ལ་གཟིགས་ན་འདི་རུ་བསྣུན།

དཔེ་དེབ་ཁྲོམ་འདུས་ཀྱི་བྱེད་སྒོའི་སྐབས་སུ་གསང་བ་ཞིག་ཕྱི་ལ་ཤོར་ཡོད་པ་ནི། གོ་སྒྲིག་པ་ཚོས་རྒྱ་ནག་ལ་ལའོ་དབྱི་ཝུ་ལ་འགྲུལ་བཞུད་བྱེད་མི་ཆོག་པའི་བཀག་སྡོམ་བྱས་ཡོད་པ་དེ་ཕྱིར་འཐེན་ཡོང་བའི་རེ་བ་ཞུས་ཡོད་པའི་སྐོར་རེད། ལའོ་དབྱི་ཝུ་ནི་རྒྱ་གཞུང་དང་བསམ་ཚུལ་ཐ་དད་འཛིན་མཁན་གྱི་རྩོམ་པ་པོ་སྐད་གྲགས་ཅན་ཞིག་རེད། རྒྱ་གཞུང་གི་དྲག་པོའི་དམག་དཔུང་གིས་སྤྱི་ལོ་༡༩༨༩ལོའི་གནམ་སྡེ་སྒོ་མོ་ཆེའི་མདུན་ཐང་དུ་སློབ་ཕྲུག་སྟོང་ཕྲག་དམར་གསོད་བཏང་མེད་པའི་དབང་དུ་བཏང་རུང་སློབ་ཕྲག་བརྒྱ་ཕྲག་དམར་གསོད་བཏང་ཡོད་པ་རེད། ཁོང་གིས་ཁོང་ཚོའི་དཔའ་བོའི་རྟོགས་བརྗོད་སྙན་ངག་གི་ལམ་ནས་བརྩམས་པར་བརྟེན་དགུ་བཅུ་གོ་གྲངས་ཀྱི་འགོ་སྟོད་ལ་ཁོང་བཙོན་ཁང་དུ་བཙོན་འཇུག་བྱས་ཡོད་པ་རེད། ༼དུས་ད་ལྟའང་། ལབ་གླེང་གི་ཁྲོད་ནས་གནམ་སྡེ་སྒོ་མོ་ཆེའི་མདུན་ཐང་གི་དམར་གསོད་དོན་རྐྱེན་དེ་ནི་“དྲུག་པའི་ཚེས་བཞི་ཡི་དོན་རྐྱེན”ཁོ་ན་ཡིན་པའི་འབྲེལ་སྦྱོར་བྱེད་ཀྱི་ཡོད་པ་རེད། ༽

གཡུལ་བཤམས་པར་གྲ་སྒྲིག་ཡོད་པའི་རྒྱ་ནག་གི་སྐུ་ཚབ་ཚོ་རེ་སྐུལ་དེར་དགའ་བོ་བྱུང་མེད་པ་མ་ཟད་མཁྲེགས་པོའི་ཐོག་ནས་དེར་དགག་བྱ་གནང་ཡོད་པ་རེད། “ང་ཚོ་འདིར་མང་གཙོའི་སྐོར་གྱི་བཀོད་བྱུས་ལ་ཉན་དུ་ཡོང་བ་མིན”ཇར་མི་ནེ་ཡི་རྒྱ་ནག་གི་གཞུང་ཚབ་པ་ཟུར་པ་མའེ་ཀྲོ་རོང་གིས་ནེའུ་ཡོག་དུས་བབ་ལ་འདི་ལྟར་བརྗོད་ཡོད་པ་རེད། (more…)

རྒྱ་ནག་གིས་ཇི་ལྟར་སྒྱུ་རྩལ་དང་སྒྱུ་རྩལ་པ་སྤྱད་དེ་རང་ཉིད་འཛམ་གླིང་ལ་བཙོང་སྟངས། (སྔ་མ)


སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་མུའུ་རེ་བེ་ཀྲི

མ་རྩོམ་ལ་གཟིགས་ན་འདི་རུ་བསྣུན།

ལོ་ངོ་བཅུ་ཕྲག་གཅིག་གི་དུས་ཡུན་ལས་ཅུང་ཙམ་བརྒལ་བའི་སྔོན་ལ་ཡུའུ་མིན་ཅུན་དེ་སྔ་ཕྱི་ལོག་ན་ཡོད་ཅིང་ཁོང་གིས་ནང་ལ་མི་བལྟ་བའི་འབད་བརྩོན་ཧུར་ཐག་བྱེད་ཀྱིན་ཡོད། ཁོང་ནི་དེ་སྔ་སྒྱུ་རྩལ་པ་ཞིག་ཡིན། དེ་ལས་ཀྱང་གལ་ཆེ་བ་ཞིག་ལ་ཁོང་ནི་མགོ་རྟིང་སློག་པའི་བྱ་སྤྱོད་ལྡན་མཁན་ཞིག་ཡིན། ཁོང་གིས་སྟོབས་ཤུགས་ཆེན་པོས་སྒེར་གཅོད་རིང་ལུགས་པའི་རྒྱ་ནག་སྲིད་གཞུང་གི་དམ་དྲགས་དག་ལ་གཙུབ་བརྡར་གནང་ཡོད། སྲིད་གཞུང་དེས་ཁོང་གི་ལས་རིགས་ལ་གདེང་འཇོག་བྱས་མེད་ལ་ཁོ་རང་གི་ཟོལ་མེད་ཀྱི་སྤྱི་ཚོགས་ཟུར་ཟའི་ཚོང་རྟགས་ལ་བཟོད་བསྲན་ཡང་བྱས་མེད།

“ལོ་ངོ་བཅུའི་གོང་ལ། ཁྱོད་ཀྱི་སྒྱུ་རྩལ་འགྲེམས་སྟོན་བྱེད་སའི་ས་ཆ་ཡོད་པ་མ་རེད།”ཅུང་ཙམ་འཚུབ་པོ་ཡིན་པའི་དགུང་ལོ་༤༧ཅན་གྱི་ཡུའུ་ཡིས་འཚིག་ཇ་ཧུབ་གང་འཐུང་ཞོར་བརྗོད་དོན། “མི་སུ་ཞིག་གིས་ཐ་ན་ཁྱོད་ལ་སྒྱུ་རྩལ་ལས་གྲྭ་ཞིག་ཀྱང་བོགས་མར་གཏོང་གི་མ་རེད། ཁོང་ཚོར་ཁྱོད་ཀྱིས་བྱ་བ་ངན་པ་ཞིག་བྱེད་ཀྱི་རེད་བསམ་སྟེ་ཞེད་སྣང་སྐྱེས་ཀྱི་ཡོད་རེད།” ཁོང་གིས་འཛུམ་དམུལ་དམུལ་དང་བཅས་མུ་མཐུད་བཤད་རྒྱུར། “དེར་བརྟེན། ཁྱོད་ཀྱིས་ད་ལྟ་འགྱུར་བ་ཆེན་པོ་ཞིག་བྱུང་བ་མཐོང་ཐུབ་ཀྱི་རེད།” (more…)

འོད་ཟེར། བོད་མིའི་སླད་དུ་བསླངས་པའི་སྒྲོན་མདུང་ཞིག


སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཁྲན་ཆིས་མར་ཁྲིན་ལོ།

མ་རྩོམ་ལ་གཟིགས་ན་འདི་རུ་བསྣུན།

བོད་པ་སྙན་ངག་པ་དང་རྩོམ་པ་པོ་འོད་ཟེར་ཀྱིས་སེམས་སྐྱོ་ལྷང་ལྷང་ངང་ “སྤྱི་ལོ་༢༠༠༨ལོའི་ཟླ་༣པའི་ཚེས་༡༤རྗེས་ཀྱི་མི་ཚེ་ནི་སྔར་དང་འདྲ་བ་ཞིག་གཏན་ཡོང་མི་སྲིད་”ཟེར། ཁོ་མོ་ནི་སི་ཁྲོན་ཞིང་ཆེན་གྱི་ཁམས་ཁུལ་ནས་ལང་ཚོའི་གཉོམ་ལག་རྒྱས་ཤིང་། རྒྱ་སྐད་ཤོད་སྐབས་སི་ཁྲོན་གྱི་སྐད་གདངས་ཅུང་ཟད་འདྲེས་བ་ཞིག་ཡིན། འོད་ཟེར་གྱི་མིང་ཆ་ཚང་ལ་ཚེ་རིང་འོད་ཟེར་ཞེས་འབོད་ཅིང་། ཁོ་མོའི་བརྩམས་ཆོས་ཀྱིས་རྒྱལ་སྤྱིའི་སྟེང་སྐད་གྲགས་ཀྱིས་ཁྱབ་ཡོད། ཉེ་བའི་ལོ་འདི་དག་གི་རིང་ཁོ་མོའི་འཇིགས་ཞུམ་བྲལ་བའི་སྙུ་གུས་རང་ཡུལ་གྱི་སྐྱེས་ཕོ་མོ་ཚོའི་ལས་དབང་དང་བོད་ཀྱི་དངོས་ཡོད་གནས་སྟངས་ཟིན་ཐོར་བཀོད་པས། རྒྱལ་སྤྱིའི་སྟེང་གི་གཟེངས་རྟགས་གང་མང་ཐོབ་ཡོད་ནའང་། འོད་ཟེར་ཕྱིའི་རྒྱལ་ཁབ་གཅིག་ལའང་བསྐྱོད་མ་མྱོང་། ཁོ་མོ་རྒྱ་ནག་ལས་བརྒལ་ནས་ཕྱིའི་རྒྱལ་ཁབ་ཁག་ལ་གཟེངས་རྟགས་བཞེས་སུ་འགྲོ་དབང་མེད་ལ། དེ་ལས་ལྡོག་སྟེ་ཁོ་མོའང་ལིའི་ཞོ་པོ་དང་ཨེ་བེ་བེ་སོགས་ལྟར་མི་གཏེ་རུ་གྱུར་ཡོད། འོན་ཀྱང་། ཁོ་མོ་ནི་རང་ཡུལ་གྱི་ཡུལ་མི་མང་པོ་ཞིག་གི་མཚོན་རྟགས་ཤིག་དང་སྒྲོན་མདུང་ཞིག་ཡིན། ཁོ་མོར་དྲ་ཚིགས་ཤིག་མཆིས་ཤིང་། དེ་རུ་མོས་རང་ལུས་མེར་བསྲེགས་གཏོང་མཁན་གྲྭ་བ་དག་གི་དངོས་སྒྲུང་དག་གོ་རིམ་བཞིན་བཀོད་ཡོད་པས། ཀློག་མཁན་དག་གིས་དོན་རྐྱེན་དེ་དག་སྐབས་ཅི་འདྲ་ཞིག་ལ་ཚུལ་ཇི་ལྟར་དང་དེའི་རྒྱབ་ལྗོངས་ཀྱི་གནས་ཚུལ་ཐུན་མིན་རེ་ཡང་རྙེད་བཏུབ།། (more…)

ཆུང་ཚེ་རིང་ལ་ཡིག་བསྒྱུར་སྐོར་དྲིས་པ།


བཅར་འདྲི་ཞུ་ཡུལ་ཆུང་ཚེ་རིང་།
བཅར་འདྲི་ཞུ་མཁན་སྐར་ཁུང་དྲ་བ།

སྐར་ཁུང་། ད་ཕན་ཁྱོད་ནས་བོད་ཡིག་ཏུ་གྲགས་ཅན་དེབ་གཉིས་བསྒྱུར་འདུག་པ་མ་ཟད་དེ་ལ་ཀློག་མཁན་ཚོས་དགའ་བསུ་ཡང་མི་ཉུང་བ་ཐོབ་འདུག འོན་ཀྱང་། ཁྱེད་ཀྱིས་ཡིག་སྒྱུར་དེ་ལས་ཞོར་ནས་བྱེད་ཀྱི་འདུག་མ་གཏོགས་དེ་ཆེད་ལས་ཀྱི་ངོ་བོའི་སྒང་ནས་བྱེད་གི་མི་འདུག དེའི་རྒྱུ་མཚན་ཅི་ཡིན་ནམ།

ཆུང་ཚེ་རིང་། སྤྱིར་བཏང་དེང་རབས་ཀྱི་ཆེད་ལས་པ་ཟེར་དུས། ཆ་རྐྱེན་གསུམ་ཚང་དགོས་རེད། དང་པོ་དེ། ལས་རིགས་སམ་ལག་རྩལ་བྱེ་བྲག་པ་ཞིག་གི་ཐད་ལ་རང་མགོ་ཐོན་ངེས་ཀྱི་དམིགས་བསལ་ སྦྱོང་བརྡར་ཡོད་པ་དང་། གཉིས་པ་སྦྱོང་བརྡར་དེ་གཞི་བཟུང་ལས་རིགས་སམ་ལག་རྩལ་བྱེ་བྲག་པ་དེ་རང་གི་སྒང་ལ་ལས་ཀ་བྱེད་པ། གསུམ་པ། ལས་ཀ་དེའི་ཐོག་ནས་ཕར་སྤྱི་ཚོགས་ལ་ཞབས་ཞུ་དང་ཚུར་སོ་སོའི་འཚོ་གོས་འགྲིག་འགྲོ་བ་དེ་འདྲ་ཞིག་ཡིན་དགོས་པ་རེད། སྤྱིར་བཏང་བོད་སྐད་ནང་རིགས་གཅིག་རྐང་འཛིན་དང་། ཆེད་ལས་པ། ཁྱད་ལས་པ་བཅས་ཀྱི་གོ་དོན་དེ་ཚོ་ཕན་ཚུན་འཁྲུག་འགྲོ་གི་འདུག ང་ལ་ཡིག་སྒྱུར་གྱི་སྦྱོང་བརྡར་ཐོབ་མ་མྱོང་ལ། སོ་སོའི་འཚོ་བ་དེ་ཡང་ཡིག་སྒྱུར་ལ་བརྟེན་ནས་སྐྱེལ་གྱི་མེད། བསྐྱལ་བསམས་པའི་དབང་དུ་བཏང་རུང་། བོད་པའི་སྤྱི་ཚོགས་ནང་། དབྱིན་སྐད་ནང་ཕར་བསྒྱུར་ན་བསྒྱུར་གླ་ཆེན་པོ་སྤྲོད་པ་དང་། སོ་སོའི་སྐད་ཡིག་ནང་ཚུར་བསྒྱུར་ན། བསྒྱུར་གླ་སྤྲོད་མཁན་ཡོད་མ་རེད། བསྒྱུར་གླ་སྤྲད་པ་ཡིན་ནའང་། དབྱིན་ཇི་སོགས་ཀྱི་ནང་ཕར་བསྒྱུར་བ་ནང་བཞིན་གྱི་མཐོ་པོ་སྤྲོད་མཁན་དཀོན་པོ་རེད། དེ་ཡིན་དུས། དུས་ཚོད་ཆ་ཚང་ཡིག་སྒྱུར་གྱི་སྒང་ལ་བཏང་ནས་འགྲོ་ས་དཀོན་པོ་རེད། (more…)

བཙན་བྱོལ་བོད་མི་ཚོ། སྐྱབས་བཅོལ་བ་རེད་དམ་རྒྱལ་ཁབ་ཅིག་གི་མི་སེར་རེད་། (ཕྱི་མ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་མོའོ་ར་མོ་ནས་ཧན།

མ་རྩོམ་ལ་གཟིགས་ན་འདི་རུ་བསྣུན།

ཆག་སྒོ་བསླངས་བ།

༡༩༩༨ལོར་ང་ལ་ཨ་རིའི་ཝ་ཤིན་ཌོན་གྱི་ཕྱི་སྲིད་ལྷན་ཁང་གི་ལས་བྱེད་ཞིག་གིས་ཁ་པར་འབྱོར་ཏེ། རྒྱ་གར་ནས་ཡོང་བའི་ཨ་རིའི་བོད་མིའི་སྐྱབས་བཅོལ་སྤྱི་ཚོགས་ཁྲོད་ཀྱི་མི་ངན་གཏེ་བོ་(པདྨ་དགའ་གཞོན)ཞིག་གི་སྐོར་ལ་སྐད་ཆ་དྲིས་བྱུང་ལ། དོན་དངོས་ཐོག་རྒྱ་གར་ནང་གི་བོད་མི་ཚོ་ཉེན་ཚབས་ཆེ་བའི་གནས་སྟངས་ཤིག་གི་ནང་དུ་ལྷག་ཡོད་མེད་ཀྱང་དྲིས་བྱུང།ངས་རྒྱ་གར་ནང་སྲིད་ལས་ཁུངས་དང་བོད་མིའི་སྒྲིག་འཛུགས།གཞན་གཞུང་འབྲེལ་མིན་པའི་ཚོགས་པ་ཁག་གི་ཡིག་ཆ་དང་མཉམ་དུ་རྒྱ་གར་གྱི་གཏོང་ཕོད་ཆེན་པོའི་སྒོ་ནས་བོད་མིར་རོགས་རམ་བྱས་པ་དང་། རྒྱལ་བ་རིན་པོ་ཆེ་མཆོག་ལ་གུས་བརྩི་ཆེན་པོ་ཞུ་བཞིན་ཡོད་པའི་ལོ་རྒྱུས་བཅས་བསྐུར་བ་ཡིན། དངོས་ཡོད་ཐོག་ནས་མི་སྒེར་རེ་ཟུང་ལ་བརྙས་བཅོས་དང། བཤུ་གཞོག་བྱས་པ་དེ་འདྲ་ཡོད་སྲིད་ཀྱང། སྤྱིའི་ཆ་ནས་རྒྱ་གར་གྱིས་བོད་མིའི་བདེ་རྩར་ཞབས་འདེགས་དང་། བོད་ཀྱི་ཆོས་དང་རིག་གཞུང་བདག་གཅེས་ཀྱི་ཆེད་དུ་ཞབས་ཞུ་སྒྲུབ་པ་ནི་བསྟོད་བསྔགས་བྱེད་འོས་པ་ཞིག་རེད།

དེའི་རྗེས་ཅང་མ་འགོར་བར་སྐུ་ཞབས་པདྨ་དགའ་གཞོན་གྱིས་བཏང་བའི་འཕྲིན་ཡིག་ཅིག་འབྱོར་བྱུང། ཁོང་ནི་སྐབས་དེར་ནེའུ་ཡོག་དང་ནེའུ་རྗེར་སིས་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་འགོ་ཁྲིད་ཅིག་རེད། ནེའུ་ཡོག་བོད་མི་ཚོའི་འདུ་འཛོམས་བྱེད་སར་མང་པོ་མཐོང་རྒྱུ་ཡོད་པའི་མི་ཞིག་རེད། ཁོང་གིས་རྒྱ་གར་ནས་ཨ་རིར་བོད་མི་སྐྱབས་བཅོལ་བ་ལེན་པའི་འཆར་གཞི་ཞིག་འདིང་གི་ཡོད་སྐོར་གྱི་ཡི་གེ་ཞིག་བསྐུར་བྱུང་། ཡི་གེ་དེའི་ནང་འདི་ལྟར་འཁོད་འདུག། “ང་ཚོའི་ལས་འཆར་འདིའི་རྒྱབ་ལྗོངས་ཀྱི་ཆ་ནས་གཞོགས་འདེགས་ཀྱི་གཞི་རྩ་བརྟན་པོ་མེད་པ་ཤེས་ཀྱི་ཡོད་པས།གལ་ཏེ།ཁྱེད་ཀྱིས་ང་ཚོའི་ལས་འཆར་འདིར་གྲོས་ཚོགས་འཐུས་མི་དང་སྲིད་འཛིན་ཁི་ལེན་ཌོན་གྱིས་རྒྱབ་སྐྱོར་འཐོབ་ཐབས་བྱ་ཐུབ་ཚེ།ང་ཚོས་ཁྱེད་ཀྱིས་འདོད་མོས་བཞིན་གླ་ཡོན་ཕུལ་ཆོག” (more…)

ཧན་ཧན་གྱིས་སྨྲ་བརྗོད་རང་དབང་རེ་བ་བྱེད་པ།


བསྒྱུར་མཁན། ཚེ་རིང་སྐྱིད་།

མ་རྩོམ་ལ་གཟིགས་ན་འདི་རུ་བསྣུན།

༡ དྲི་བ། ད་ཐེངས་ཁྱེད་ཀྱི་བརྩམས་ཆོས་ཐེངས་དང་པོ་དབྱིན་ཡིག་ནང་བསྒྱུར་བ་རེད། དབྱིན་ཡིག་གི་ཁོར་ཡུག་ཁྲོད་དུ་ཁྱེད་ཀྱི་རྩོམ་ཡིག་གི་རྗེས་འབྲས་ཐད། ཁྱེད་ལ་རེ་བ་དང་སེམས་ཁྲལ་ག་རེ་ཡོད་དམ།

ཧན་ཧན། ང་འདི་ལ་རེ་བ་ཆེན་པོ་གང་ཡང་མེད། ཐ་ན་ངས་རང་ཉིད་ཀྱི་རྩོམ་ཡིག་རྣམས་དབྱིན་ཡིག་ནང་དུ་ནམ་ཞིག་ལ་བསྒྱུར་ཐུབ་པར་དོ་སྣང་བྱེད་མ་མྱོང་། རྩོམ་ཡིག་འབྲི་བ་པོ་ཞིག་གིས་རང་གི་མ་སྐད་ནང་དུ་རྩོམ་ཡིག་བྲིས་ཚར་བ་དེ་ཡིན་ན་བརྟན་པོ་དང་འགྱུར་བ་མེད་པ་དེ་རེད། དེའི་རྐྱེན་གྱིས་སེམས་ཁྲལ་དང་རེ་བ་ཚང་མ་ཕན་མེད་རེད། མ་ཟད། ངའི་རྩོམ་ཡིག་རྣམས་ནི་གཏམ་རྒྱུད་རང་གི་ཐོག་ནས་གྲུབ་འབྲས་ལྡན་པ་བྱུང་བ་མ་ཡིན་པར་བརྗོད་བྱ་ཟུར་འདོན་བྱས་ཡོད་པའི་ཡི་གེ་མང་པོ་ཡོད་པས། དེ་ལས་ཀྱང་ཡིག་བསྒྱུར་བྱ་རྒྱུ་ཁག་པོ་ཡོད་པ་རེད།

༢ དྲི་བ། ཁྱེད་ཀྱིས་བསམ་ན་ཁྱེད་རང་གི་རྩོམ་ཡིག་ནང་དུ་ནུབ་གླིང་གི་ཀློག་པ་པོ་ཚོར་གློ་ཡུལ་ལས་འདས་པའི་ཚོར་བ་སྤྲོད་ཐུབ་པའི་གནས་ཚུལ་དེ་འདྲ་ཡོད་དམ།

ཧན་ཧན། གནད་དོན་འདི་ཀློག་པ་པོ་ཚོས་ལན་བཏབ་པ་ཡིན་ན་རན་ཤོས་རེད། (more…)

བོད་ཀྱི་ངོ་བོར་འཛིན་པའི་ལྟ་ཚུལ་གསར་པ།


སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་བློ་བཟང་རབ་རྒྱས།

མ་རྩོམ་ལ་གཟིགས་ན་འདི་རུ་བསྣུན།

ང་ཚོ་རླངས་འཁོར་ལ་བསྡད་དེ་རྒྱ་གར་ལྷོ་ཕྱོགས་སུ་ཆགས་པའི་བོད་ཀྱི་གཞིས་ཆགས་ཁག་ལ་ལྟ་སྐོར་དུ་སོང་བ་ཡིན། རླངས་འཁོར་སྐྱོད་པའི་འགྲོས་སུ། དེར་སོ་ཕག་གི་རྩིག་གྱང་ལ་རྩི་དཀར་པོ་བྱུགས་ཤིང་། ཀླད་ཁེབ་འདམ་འབག་གིས་བྱས་པའི་དུད་ཁྱིམ་རྣམས་སྐོར་ཚན་སྐོར་ཚན་བྱས་ཏེ་ཆགས་ནས་ཡོད་པ་དང། གཞི་རྒྱ་ཆེ་བའི་ཞིང་ཁ་དག་རྨོད་འདེབས་ཀྱི་དུས་སུ་སླེབས་ནས་འདུག་པ། དེ་བཞིན་གཞུང་ལམ་གྱི་འགྲམ་དུ་དམར་པོ་དང་། སེར་པོ། ལི་ཁྲིའི་མདོག་སོགས་ལྡན་པའི་མེ་ཏོག་སྣ་ཚོགས་བཞད་ཡོད་པ་བཅས་མཐོང་བྱུང་ལ། མཐར་ང་ཚོ་བསྡད་པའི་རླངས་འཁོར་དེ་དཀྱོགས་མཚམས་ཤིག་ནས་ཁ་དགྱུས་ཏེ་སྐྱོད་པའི་ཚེ། ཤིང་ཏོག་ངང་ལག་སྐྱེས་པའི་སྡོང་པོ་ཞིག་གི་འོག་ཏུ་མཐུག་ཅིང་ནག་པའི་བོད་ལྭ་གྱོན་པའི་བུད་མེད་བགྲེས་སོང་ཞིག་སོས་དལ་བག་ཕེབས་ངང་དེར་འགྲེང་ནས་སྡོད་པ་མཐོང་བྱུང་། བདག་གིས་ཁོ་མོ་མཐོང་བའི་དུས་ཡུན་དེ་འཁྱུག་ཙམ་ཞིག་གི་རིང་ཡིན་ནའང། སྐབས་དེའི་སྣང་བརྙན་དེ་ཡིད་ངོགས་ནས་ནམ་ཡང་ཡལ་ཐབས་མེད། དེ་སྔ་ངས་གནམ་གཤིས་ཚ་གདུག་ཆེ་བའི་ཁོར་ཡུག་ཅིག་ཏུ་བོད་ཀྱི་ཁྱད་ཆོས་ཡོངས་སུ་རྫོགས་པའི་བོད་མི་ཞིག་གཏན་ནས་མཐོང་མ་མྱོང་། (more…)

བཙན་བྱོལ་བོད་མི་ཚོ། སྐྱབས་བཅོལ་བ་རེད་དམ་རྒྱལ་ཁབ་ཅིག་གི་མི་སེར་རེད་། (སྔ་མ)


སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་མོའོ་ར་མོ་ནས་ཧན།

མ་རྩོམ་ལ་གཟིགས་ན་འདི་རུ་བསྣུན།

༢༠༡༡ལོར་བློ་བཟང་སེང་གེས་སྣེ་ཁྲིད་པའི་བོད་མིའི་སྒྲིག་འཛུགས་ཀྱི་འཛིན་སྐྱོང་གིས་ལས་འཁུར་ཞུས་བ་དང་མཉམ་དུ་བོད་མིའི་རང་བསྲེག་ངོ་རྒོལ་གྱི་དོན་རྐྱེན་ཛ་དྲག་ཆགས་པ་དེས་དབུས་བོད་མིའི་སྒྲིག་འཛུགས་ལ་བོད་ནང་གི་ཛ་དྲག་ཆེ་བའི་དུས་བབ་གཉན་འཕྲང་ཅན་དང་། རྒྱ་བལ་ནང་གི་བོད་མི་སྐྱབས་བཅོལ་བ་ཚོའི་དཀའ་ངལ་ཁག་ཁ་གསལ་གཏིང་གསལ་བཟོ་རྒྱུའི་གོ་སྐབས་དཀོན་པོ་ཞིག་བསྐྲུན་པ་རེད། བོད་ནང་གི་རང་ལུས་མེ་མཆོད་ལ་འབུལ་མཁན་གྱི་རྒྱལ་གཅེས་པ་དག་གི་སྣང་བརྙན་ནི། ཨེ་ཤ་ཡའི་ནང་དུ་རྒྱ་ནག་གི་ཤུགས་རྐྱེན་འབུར་ཐོན་བྱུང་བའི་ཞེད་སྣང་གི་གཡོ་འགུལ་ཏེ། རྒྱ་ནག་བཅིངས་འགྲོལ་དམག་མིའི་འཐབ་གྲུ་ལྷོ་རྒྱ་ནག་རྒྱ་མཚོའི་ནང་དུ་བསྐྱོད་པ་དང། བོད་ནང་དུ་རྒྱ་ནག་གིས་ཆུ་མཛོད་བརྒྱབ་སྟེ་གཙང་པོ་དང། རྒྱལ་མོ་རྔུལ་ཆུ། སེང་གེ་ཁ་འབབ་བཅས་ཀྱི་བཞུར་རྒྱུན་གྱི་ཁ་བསྐོར་བའི་ཚ་རླབས་འཕྱུར་བའི་དུས་དང་བསྡོངས་ནས་བྱུང་པ་ཞིག་རེད།(གནས་ཚུལ་རྒྱས་བ་དྲ་ཚིགས་འདི་ནས་ཀློག་ཐུབ།www.meltdownintibet.com)

འོན་ཀྱང། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་སྟོབས་ཤུགས་དང་བསྡུར་ན་བོད་ཀྱི་འཐབ་རྩོད་ལ་ནམ་ཡིན་ཡང་ཆ་རྐྱེན་གྱི་མ་འདང་བའི་འགོག་རྐྱེན་ཅིག་འཕྲད་ཀྱི་ཡོད། ༡༩༨༩་ལོའི་པེ་ཅིན་གནམ་བདེ་སྒོ་མོ་ཆེའི་དམར་གསོད་དོན་རྐྱེན་བྱུང་བའི་རྗེས་ནས་བཟུང་རྒྱ་གཞུང་གིས་ནེའུ་ཡོག་ཏུ་རྟེན་གཞི་བྱས་པའི་སྤྱི་དམངས་འབྲེལ་ལམ་ལས་ཁུངས་ཧེལ་དང་ནོལ་ཌོན་(Hill and Knowlton)ལ་སྒོར་མོ་ས་ཡ་མང་པོ་སྤྲད་དེ། རྒྱ་གཞུང་གི་བྱས་ཉེས་ཁག་མཚོན་པའི་གཟུགས་བརྙན་རྣམས་བསུབ་ཏེ། དམར་ཤོག་ཚོགས་པའི་གཏན་འབེབ་སྲིད་ཇུས་དག་ཁྱབ་སྤེལ་དང། རྒྱ་ནག་དམར་ཤོག་ཚོགས་པའི་ཐུན་མོང་མ་ཡིན་པའི་ཁྱད་ཆོས་མཚོན་པའི་ལམ་ལུགས་སྟེ། མ་རྩ་རིང་ལུགས་དང་གུང་ཁྲན་རིང་ལུགས་གཉིས་མཉམ་སྦྲེལ་བྱས་པ་འདི་འབྲས་བུ་གཡུར་དུ་སྨིན་པའི་དཔལ་འབྱོར་ལམ་ལུགས་ཤིག་དང་། རྒྱལ་ཁབ་འཛིན་སྐྱོང་གི་ལམ་ལུགས་མིག་དཔེར་འོས་པ་ཞིག་ཡིན་པ་རྒྱ་ཁྱབ་ཏུ་ཁྱབ་བསྒྲགས་བྱེད་པའི་ལས་གཞི་རྒྱུན་འཁྱོངས་ཡོང་ཆེད་འགྲོ་སོང་མང་པོ་བཏང་ཡོད། (more…)

རྒྱ་ནག་གི་ཆེས་མཐོའི་དྲག་པོའི་དཔོན་རིགས་ཁག་བསྐྱར་དཀྲུགས།


སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་བང་ཅེན་བིན།

མ་རྩོམ་ལ་གཟིགས་ན་འདི་རུ་བསྣུན།

ས་ཁུལ་གནད་འགག་ཅན་གཉིས་ཀྱི་ནང་དུ། རྒྱ་ནག་གི་དྲག་པོའི་དཔུང་སྡེས་ཤེས་མེད་ཚོར་མེད་དུ་གོ་གནས་མཐོ་བའི་དཔོན་རིགས་མང་པོ་ཞིག་གི་ལས་གནས་བརྗེ་བསྒྱུར་བྱས་པ་དང་། ད་ལྟ་དམར་ཤོག་ཚོགས་ཁོངས་ནས་གནས་དབྱུང་བཏང་བ། རྒྱ་ནག་དམར་ཤོག་ཚོགས་པའི་ཆེས་གདུག་རྩུབ་ཅན་གྱི་ཤོག་ཁག་གིས་དམར་ཤོག་ཚོགས་པའི་འགོ་ཁྲིད་རྗེས་མར་འོས་དམིགས་བྱས་པའི་དཔོན་རིགས་པོའོ་ཞིས་ལེ་(Bo Xilai)ཡི་རྒྱབ་སྐྱོར་བ་མང་ཆེ་བ་ཞིག་གོ་གནས་ནས་ཕབ་ཡོད། ཟླ་བ་གཅིག་ཁོ་ནའི་ནང་དུ་རྒྱ་ནག་གི་དམག་ཁུལ་རིམ་པའི་དམག་དཔོན་གྱི་གོ་གནས་ན་ཡོད་པའི་དཔོན་རིགས་༡༤་ཙམ་གྱི་ལས་གནས་བརྗེ་བསྒྱུར་བྱས་ཡོད།

རྒྱ་ནག་ལྷོ་རྒྱུད་གྲོང་ཁྱེར་གྱི་ཉིན་རེའི་ཚགས་པར་གྱིས་འཚོལ་བསྡུ་དང་པར་བསྐྲུན་བྱས་པའི་སྙན་ཐོ་གཞིར་བཞག་ན། ཕྱི་ཟླ་༧པ་ནས་བཟུང་རྒྱ་ནག་གཞུང་གིས་ལན་ཀྲུའུ་(Lanzhou)དམག་ཁུལ་དང་། ཀང་ཀྲོའོ་(GuangZhou)དམག་ཁུལ། ཁྲིན་ཏུའུ་(Chendu)དམག་ཁུལ། ཧོང་ཀོང་(Hong kong)གི་གྲོང་སྲུང་དམག་སྡེ། སྤྱིར་བཏང་གི་དམག་འགུལ་ཐབས་ཇུས་སྡེ་ཁག་དང་མཚོན་་ཐོགས་ཉེན་རྟོག་པ་བཅས་ཀྱི་མཚོ་དམག་དང་གནམ་དམག་ཐེ་བའི་དམག་སྤྱི་རྒན་གྲས་ཁག་གང་མང་ཞིག་གི་གོ་སར་འཕོ་འགྱུར་བཏང་ཡོད། རྒྱ་ནག་གི་ལྷོ་བྱང་རྒྱ་མཚོའི་དམག་གྲུའི་དཔུང་སྡེ་གཉིས་ཀྱི་དམག་དཔོན་ཡང་བརྗེ་བོ་བརྒྱབ་ཡོད། འདི་ནི་༡༩༨༩་ལོའི་དྲུག་བཞིའི་དོན་རྐྱེན་གྱི་སློབ་མའི་དམར་གསོད་བྱུང་བའི་རྗེས་སུ་དྲག་པོའི་དཔོན་རིགས་འཕོ་འགྱུར་བཏང་བ་ཁྱབ་ཆེ་ཤོས་དེ་ཆགས་ཡོད། (more…)

མེ་ལྕེའི་ཁྲོད་ཀྱི་ས་ག་ཟླ་བ།


སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་འོད་ཟེར།

མ་རྩོམ་ལ་གཟིགས་ན་འདི་རུ་བསྣུན།

ས་ག་ཟླ་བ་ཚེས་པ་དང་ལྷ་སའི་ནང་དང་བོད་ས་ཧྲིལ་བོ་སྔར་དང་མི་འདྲ་བར་གནས་སྟངས་ཛ་དྲག་ཏུ་གྱུར་འགྲོ དོན་དངོས་སུ་ས་ག་ཟླ་བ་ནི་ཡུལ་ལུང་ཞིག་གི་དུས་ཆེན་ཞིག་གམ། རྒྱུན་སྲོལ་དུས་ཆེན་ཞིག་གམ། ཡང་ན་ཕྱི་མིས་བཙན་འགེལ་བྱས་པའི་དུས་ཆེན་ཞིག་གང་ལྟར་ཡང་ཅི་སྐྱོན་མོད། ད་ལྟ་མི་མང་བྱིངས་ཀྱི་བཤད་སྲོལ་ལྟར་ན། ཁོང་ཚོ་ཀུན་པོས་སུ་གང་ཡང་མ་ཚུད་པ་མེད་པར་ས་ག་ཟླ་བ་ནི་ཚོར་བ་རྣོ་བའི་ཉི་མ་མང་པོ་ཞིག་ཏུ་ངོས་འཛིན་བྱས་ཡོད་ཟེར་རོ།

ཚོར་བ་རྣོ་བའི་ཉི་མ་མང་པོ་ཞིག་ལས་ད་དུང་ཚོར་བ་རྣོ་བའི་ཟླ་བ་མང་པོ་ཞིག་ཀྱང་ཡོད་དེ། དཔེར་ན། ཟླ་གསུམ་པ་ལྟ་བུའོ། ཟླ་གསུམ་པ་ནི་ཚོར་བ་ཧ་ཅང་རྣོ་བའི་ཟླ་བ་ཞིག་ཡིན། རྒྱུ་མཚན་ནི་སྤྱི་ལོ་༡༩༥༩ནས་གལ་གནད་ཆེ་བའི་དོན་རྐྱེན་མང་དག་ཅིག་ཟླ་གསུམ་པའི་ནང་འབྱུང་གིན་ཡོད། མ་ཟད་དུས་ཡུན་རིང་བོ་ཞིག་ཏུ་ཚོར་བའི་ས་ག་ཟླ་བའི་ཟླ་ངོ་གཅིག་་དེའང་ཚོར་བ་རྣོ་བའི་ཟླ་བ་ཞིག་ཅིས་ཀྱང་ཡིན་ངེས། ཆོས་སེམས་ཅན་གྱི་བོད་མི་སྟོང་ཕྲག་མང་པོས་ཆོས་ལ་མི་དད་པའི་དངོས་གཙོ་སྨྲ་བ་ཚོར་གཏན་ནས་མེད་པའི་དད་སེམས་ཞིག་དང་མི་དེ་དག་གིས་མཐོང་འདོད་ཀྱང་མེད་པའི་ནང་པ་སངས་རྒྱས་པའི་དད་སེམས་ཉམས་ལེན་བྱེད་པ་རེད། (more…)

ནང་ཆོས་དང་ཚན་རིག (ཚན་རིག་ནང་ཆོས་དང་འཕྲད་པའི་གལ་གནད།)


སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཧྥ་རན་སེ་སི་ཀོ བ་རེ་ལ།

མ་རྩོམ་ལ་གཟིགས་ན་འདི་རུ་བསྣུན།

ནང་ཆོས་ཀྱིས་ཕན་ནུས་དང་ལྡན་པའི་སྒོ་ནས་གཙོ་བོ་ཚན་རིག་གི་གནད་དོན་གཉིས་ཏེ། སེམས་པ་འཚོལ་བར་ཞིབ་ཕྲའི་བརྟག་དཔྱད་རང་བཞིན་གྱི་དཔང་པོ་དང་། ཚན་རིག་གི་རྨང་གཞི་སྟེ། ལྷག་པར་དུ་དངོས་ཁམས་ཚན་རིག་གི་རྨང་གཞི་ལ་ཚད་མ་རིག་པའི་ཤན་ཤུགས་ཅི་ཡོད་གཉིས་ཀྱི་སྒང་ལ་གལ་ཆེ་ཞིང་གྲུབ་འབྲས་ལྡན་པའི་ཤུགས་རྐྱེན་ཐེབས་ཀྱི་ཡོད་པའི་དཔང་པོ་མང་དུ་འགྲོ་བཞིན་ཡོད་པ་རེད།
ཞིབ་འཇུག སྲོག་གི་ཚན་རིག་ལོ་ངོ་ལྔ་བཅུའི་རིང་ལ་ཡར་རྒྱས་ཧ་ཅང་ཆེན་པོ་ཕྱིན་ཡོད་པ་རེད། སྡེ་ཚན་གལ་ཆེན་ཞིག་ནི་ཀླད་པའི་ཚན་རིག་གིས་བྱ་བ་གཙོ་བོར་བྱེད་པའི་སེམས་པ་ཞིབ་འཇུག་དང་། ཡུལ་རྟོགས། ཚོར་བ། འབྲེལ་ཡོད་སེམས་ཀྱི་སྣང་ཚུལ་བཅས་རེད། ཤེས་པ་དང་ཚོར་བ། ལས་བཅས་ཀྱི་རང་བཞིན་སྟེང་སློབ་གཞི་མང་པོ་ཞིག་གིས་མཉམ་རུབ་ཀྱིས་ནུས་པ་སྤུངས་བར་རྒྱུན་ལྡན་མིན་པའི་ཤུགས་རྐྱེན་ཐེབས་ཡོད་པ་རེད། སློབ་གཞི་དེ་དག་ནི། ཀླད་རྩའི་ཚན་རིག་དང། ཕྲ་ཕུང་རིགས་རྒྱུན་དཔྱད་ཞིབ་རིག་པ། བརྟག་དཔྱད་སེམས་ཁམས་རིག་པ། མིས་བཟོས་རིག་སྟོབས་རིག་པ། སྐད་ཡིག་རིག་པ་བཅས་རེད། (more…)

གཟུངས་ཕྱུག་སྐྱིད་ལ་སྙན་ངག་སྐོར་དྲིས་པ།


བཅར་འདྲི་ཞུ་ཡུལ་གཟུངས་ཕྱུག་སྐྱིད་།
བཅར་འདྲི་ཞུ་མཁན་སྐར་ཁུང་དྲ་བ།

དང་པོ། ཁྱེད་རང་རང་བཙན་བྱོལ་ལ་སླེབས་པ་དེས། ཁྱེད་ཀྱི་སྙན་ངག་གི་སེམས་ཁམས་ལ་ཤུགས་རྐྱེན་གང་འདྲ་ཐེབས་ཡོད་དམ།

ལན། ང་རང་བཙན་བྱོལ་ལ་བསླེབས་པ་དེ་ནི་འཚོ་བ་དངོས་ལ་གདོང་ཐུག་བྱུང་བའི་བརྒྱུད་རིམ་ཞིག་ཡིན། སྙན་ངག་ནི་མ་གཞི་ནས་མིའི་འཚོ་སྡོད་ཀྱི་འཚོ་བ་དངོས་ལས་བྱུང་བའི་ནང་སེམས་ཀྱི་ཚོར་བ་དང་འབྲེལ་བ་ཡོད་པས། ང་རང་བཙན་བྱོལ་ཏུ་བསླེབས་རྗེས་ཀྱི་འཚོ་བ་ནི་འཐུས་ཚང་རང་བཞིན་གྱི་བརྒྱུད་རིམ་ཞིག་ཡིན་པར་འདོད། རྒྱུ་མཚན་ཕ་ཡུལ་གྱི་རི་ཆུ་ནགས་གསུམ་དང་བྱམས་བརྩེ་ལྡན་པའི་ཡུལ་མི་དག་གི་འཛུམ་མདངས་དྲོད་མོ་ལས་རིང་དུ་གྱེས་ཏེ། རྒྱུས་མེད་ཡུལ་གྱར་དུ་གནས་པའི་འཚོ་བ་ནི་ཁ་དོག་སྣ་ཚོགས་དང་སྐྱོ་སྡུག་འདྲེས་མས་བྲིས་པའི་མི་ཚེའི་ཟློས་སྒྲུང་ལྟ་བུ་ཞིག་ཡིན། ཟློས་སྒྲུང་འདིའི་ནང་དུ་ངའི་མི་ཚེའི་དྲན་སྣང་དང་སྐྱོ་སྣང་། ཡང་ན་ན་ཟུག་དང་འཁང་སེམས་སོགས་དམར་རྗེན་རྗེན་དུ་འགྲེམས་སྟོན་བྱས་ཡོད། འགྲེམས་སྟོན་དེ་ནི་ངས་རང་ཉིད་ཀྱི་སྙན་ངག་གི་སེམས་ཁམས་ངོ་མ་རྙེད་པའི་རིན་ཐང་དང་། ཡང་ན་རང་ཉིད་སྙན་ངག་ལ་དགའ་བའི་ཕུགས་འདུན་དང་ཐག་ཉེ་རུ་སོང་བའི་ཉམས་མྱོང་ཞིག་ལ་ངོས་འཛིན་བྱེད་ཀྱིན་ཡོད། དངོས་ཡོད་འཚོ་བའི་ཁ་དོག་དངོས་ཀྱི་ནང་ནས་དགའ་དུས་དགོད་མྱོང་ལ། སྡུག་དུས་ངུ་མྱོང་བའི་ངའི་སེམས་ཁམས་ན་སྙན་ངག་གི་བསྡུས་གཟུགས་རེ་རེ་རི་མོ་བཞིན་བྲིས་ཡོད་མོད། ཡིན་ནའང་དེ་དག་རེ་རེ་བཞིན་ཚད་མཐོ་བའི་སྒྱུ་རྩལ་གྱི་ལམ་ལས་བཞེངས་བསྐྲུན་དང་ལས་སྣོན་གྱི་ལས་འགན་ད་དུང་འགྲུབ་མེད་པའི་གནོང་འགྱོད་ཅིག་ང་ལ་དུས་རྒྱུན་འཁོར་གྱིན་འདུག (more…)