རྒྱ་ནག་མཐོ་རིམ་དཔོན་རིགས་ཀྱི་ནང་མིའི་ཆེད་དུ་སྦས་པའི་ཨ་སྒོར་དུང་ཕྱུར་མང་བོ།(དང་པོ)


སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སྒྲ་བིས་སྒྲི་ བྷར་བྷོ་རྫ།

མ་རྩོམ་ལ་གཟིགས་ན་འདི་རུ་བསྣུན།

ད་ལྟའི་རྒྱ་ནག་གི་སྲིད་བློན་བུན་ཇ་པོའི་ཨ་མ་ནི་སྔོན་ཆད་རྒྱ་ནག་བྱང་ཕྱོགས་ཀྱི་སློབ་གྲྭའི་དགེ་རྒན་དཀྱུས་མ་ཞིག་རེད་ལ། སྲིད་བློན་ཁོང་གི་ཨ་ཕ་ལ་སྔོན་ཆད་མོའོ་ཙེ་ཏུང་གི་ཆབ་སྲིད་དྲིལ་བསྒྲགས་ཆེད་དུ་ཕག་པ་གང་མང་མེར་བསྲེགས་གཏོང་དགོས་པའི་བཀའ་བབས་མྱོང་མཁན་ཞིག་རེད་འདུག ལོ་སྔོན་མའི་སྲིད་བློན་གྱི་གཏམ་བཤད་ཅིག་ཏུ “ སྔོན་ཆད་བདག་ཆུང་དུས་ཀྱི་ངའི་ནང་མིའི་འཚོ་བ་ནི་ཧ་ཅང་སྐྱོ་བོ་ཡིན”ཞེས་གཏམ་བཤད་སྤེལ་མྱོང་། འོན་ཀྱང་། ད་ལྟ་དགུང་ལོ་ ༩༠ སོན་པའི་སྲིད་བློན་གྱི་ཨ་མ་ཡང་གྲུ་ཡན(Yang Zhiyun) དབུལ་ཕོངས་ཀྱི་གནས་ལས་ཐར་བ་ཙམ་དུ་མ་ཟད་ཕྱུག་བདག་ཧ་ཅང་ཆེན་པོ་ཞིག་ཏུ་གྱུར་ཡོད་པ་རེད། ལོ་ངོ་ལྔའི་སྔོན་གྱི་དཔལ་འབྱོར་མཉམ་འབྲེལ་སྟངས་འཛིན་ལས་ཁང་གི་ཡིག་ཆ་ལྟར་ན། མ་མཐའ་ཡང་རྨོ་རྨོ་ཡང་གྲུ་ཡན་གྱི་མིང་ཐོག་ཏུ་རྒྱ་ནག་གི་དཔལ་འབྱོར་ཁྲོམ་རའི་ནང་དུ་མ་རྐང་ཐེངས་ཤིག་བཙུགས་པར་མ་གནས་ཨ་སྒོར་ས་ཡ་$ ༡༢༠ ལྷག་ཡོད་པ་རེད་འདུག (more…)

གློག་ཀླད་མཉེན་ཆས་ཅན་གྱི་ཚིག་མཛོད་ནི་ད་ལྟ་གསར་དུ་འགོ་འབུས་ཙམ་རེད།


བཅར་འདྲི་ཞུ་ཡུལ། བློ་བཟང་སྨོན་ལམ།
བཅར་འདྲི་ཞུ་མཁན། སྐར་ཁུང་དྲ་བ།

༡) སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གི་ཞིབ་འཇུག་གི་ཁྱབ་ཚད་ག་འདྲ་ཡིན་ནམ།

ལན། སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་ནི་བརྡ་འཕྲིན་ཤེས་བྱ་དང་། བོད་སྐད་ཡིག་དང་འབྲེལ་པའི་མཉེན་ཆས་སྣ་ཚོགས་ལ་ཞིབ་འཇུག་དང་བཟོ་སྐྲུན་བྱེད་སའི་ལས་ཁུངས་ཤིག་ཡིན་ལ། རྡ་རམ་ས་ལར་རྟེན་གཞི་བྱས་ཡོད། ད་ལྟའི་སྐབས་སུ་འདི་ག་ཞིབ་འཇུག་ཁང་གི་ལས་ཀ་གཙོ་བོ་ནི་བོད་ཀྱི་སྐད་ཡིག་དེ་ཉིད་དེང་དུས་ཀྱི་བརྡ་འཕྲིན་བརྒྱུད་ལམ་ཁྲོད་སྔོན་ཐོན་སྐད་ཡིག་གཞན་དག་དང་འདྲ་བར་བེད་སྤྱོད་ཆ་ཚང་ཞིང་ཡང་དག་པ་ཞིག་ཡོང་ཐབས་ལ་འབད་རྒྱུ་དེ་ཡིན་ཞིང་། དམིགས་ཡུལ་དེའི་ཆེད་དུ་འདི་ནས་མིག་སྔའི་ཆར་ཞིབ་འཇུག་དང་ལས་ཀའི་རྣམ་གྲངས་འགའ་ཞིག་གཉེར་གྱི་ཡོད་པ་ནི། བོད་ཡིག་གི་གློག་ཀླད་ཚིག་མཛོད་ཆེན་མོ་ཞིག་རྩོམ་སྒྲིག་བྱེད་མུས་དང་། དེ་བཞིན་ཡི་གེའི་རང་འགུལ་གྱིས་ཞུ་དག་གཏོང་བྱེད་ཀྱི་མཉེན་ཆས། བརྡ་སྤྲོད་དང་ཚིག་གི་གོ་རིམ་རང་འགུལ་གྱིས་ཞུ་སྒྲིག་བྱེད་སྤྱད། བོད་ཡིག་རང་འགུལ་གྱིས་ཀློག་འདོན་བྱེད་སྤྱད་སོགས་ཡིན། (more…)

ང་ཕོད་འཇིགས་མེད་ལས་གནས་ནས་ཕྱིར་ཕུད་བཏང་བའི་དགོད་བྲོ་བའི་ཟློས་གར་ལ་དཔྱད་པ།


སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་གནམ་ལོ་ཡག

མ་རྩོམ་ལ་གཟིགས་ན་འདི་རུ་བསྣུན།

ངས་དྲ་ཐོག་ནས་མི་ཞིག་གིས་ལོ་བཅུ་བཞིའི་ཡར་སྔོན་དུ་ང་ཕོད་འཇིགས་མེད་ལགས་ལ་བཅར་འདྲི་བྱས་པའི་ཟིན་བྲིས་ཞིག་བརྒྱུད་འགོད་བྱས་ཡོད་པ་མཐོང་སོང་། དེ་ལས་ང་ཕོད་འཇིགས་མེད་ལགས་ཀྱི་མི་གཤིས་དང་། ཡོན་ཚད། སྒེར་ཚུགས་ཀྱི་བསམ་བློ། ད་དུང་ཁོས་མི་རིགས་ལ་བཅངས་བའི་ལྷག་བསམ་སོགས་ལ་བརྩི་འཇོག་ཡིད་སྨོན་དང་དགའ་གུས་ཡི་རངས་བྱེད་པའི་ཚིག་འབྲུ་རེ་རེ་ཀློག་དུས་ང་ལ་རང་བཞིན་གྱིས་དངངས་སྐྲག་ཞིག་སྐྱེས་བྱུང་། ཕལ་ཆེར་ཁོས་ང་ཕོད་འཇིགས་མེད་ལགས་ལ་མྱ་ངན་ཞུ་བ་དང་འདྲ། དེའི་རྐྱེན་གྱིས་ངས་མིང་གྲགས་ཆེ་བའི་ཨེ་ཤེ་ཡ་རང་དབང་རླུང་འཕྲིན་ཁང་གི་འགན་འཛིན་ང་ཕོད་འཇིགས་མེད་ལགས་སྐུ་གཤེགས་པར་དོགས་ནས་འདི་སྐོར་ཀྱི་གནས་ཚུལ་རྩད་གཅོད་བྱས་ཤིང་། ཁ་པར་བརྒྱུད་ནས་དོན་དག་ཁ་ཤས་ལ་རྒྱུས་ལོན་བྱས་པ་ཡིན། (more…)

རྒྱལ་འཕུང་དམངས་གནོད་ཀྱི་ “འཆར་ལྡན་བུ་སྐྱེས” །

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཕཱང་ཅིན།

མ་རྩོམ་ལ་གཟིགས་ན་འདི་རུ་བསྣུན།

འཆར་ལྡན་བུ་སྐྱེས་ནི་འཆར་ལྡན་དཔལ་འབྱོར་དང་འདྲ་བར་ཀྲུང་གུང་གིས་ཡུན་རིང་རྒྱུན་འཁྱོངས་བྱས་པའི་དམངས་ཀྱིས་རྒྱལ་ཁབ་སྐྱོང་བ་དང་། ཏང་གིས་རྒྱལ་ཁབ་སྐྱོང་བ། རང་ཤེད་རིང་ལུགས། མངོན་འགྱུར་བྱ་ཐབས་མེད་པའི་བསམ་བློ་བཅས་ཀྱི་འབྲས་བུ་རེད། འཆར་ལྡན་དཔལ་འབྱོར་ནི་དཔལ་འབྱོར་གྱི་ཁྱབ་ཁོངས་ནས་རང་ཤེད་ཀྱི་འདོད་བློས་ཚབ་བྱས་པའི་ཁྲོམ་རའི་དཔལ་འབྱོར་གྱི་འགྲོ་སྟངས་ཤིག་རེད། དེ་ནི་ཧ་ལམ་རྒྱ་ནག་རྒྱལ་དམངས་དཔལ་འབྱོར་གྱི་འཐོར་ཞིག་ལས་བྱུང་བ་རེད། འཆར་ལྡན་བུ་སྐྱེས་ཀྱིས་མིའི་རིགས་ཀྱི་སྐྱེ་འཕེལ་གྱི་མངའ་ཁོངས་ལ་བཙན་ཤེད་ཀྱིས་ཕྲུ་གུ་གཅིག་གི་རྣམ་པ་ཅན་དུ་གཅིག་གྱུར་བཟོས་ཏེ་ཚེ་སྲོག་གི་རང་བྱུང་སྐྱེ་འཕེལ་གྱི་ཆོས་ཉིད་ཀྱི་ཚབ་བྱེད་པ་དང་ཀྲུང་ཧྭ་མི་རིགས་ཀྱི་ལོ་ངོ་སྟོང་ཕྲག་གི་རིང་གྲུབ་པའི་ཁྱིམ་གཞི་ཡི་གྲུབ་ཆ་དང་མི་ཆོས་ཀྱི་ཀུན་སྤྱོད་མགོ་རྟིང་སློག་ནས་ཕོ་མོ་གཉིས་ཧ་ལས་པ་དོ་མི་མཉམ་པར་བཟོས་པ་རེད། ཀྲུང་ཧྭ་མི་རིགས་ཡོངས་ཀྱི་རྒྱུ་སྤུས་དང་གཤིས་རྒྱུད་ལོ་རྒྱུས་ཀྱི་ཆེས་དམའ་ས་ཞིག་ཏུ་མར་ཆག་བཅུག་པ་རེད་ལ། གནོད་འཚེ་རྫོགས་རྒྱུ་མེད་པར་ལྷག་པ་རེད། (more…)

རྒྱ་དཀར་ནག་གཉིས་༡༩༦༢ལོར་ཅིའི་ཕྱིར་དམག་འཁྲུག་བརྒྱབ་པ་རེད།(ཕྱི་མ)


སྐར་ཁུང་རྩོོམ་སྒྱུར་ཚོགས་ཆུང་གིས།
རྩོམ་པ་པོ་རྫོ་རཱ་ཝར་ ཊོལ་ལེས་ཊི སིང་།

མ་རྩོམ་ལ་གཟིགས་ན་འདི་རུ་བསྣུན།

རྒྱ་ནག་གིས་ལེགས་པར་སྒྲུབ་པའི་དངོས་བདེན།

ནེའུ་རུའུ་ཡིས་༡༩༥༤ལོའི་ཨ་རི་དང་པཱ་ཀི་སི་ཐན་གྱི་མནའ་འབྲེལ་ལ་གནང་བའི་གཤམ་གསལ་ལྗགས་ལན་གྱིས་འདི་ཡི་དཔེ་མཚོན་གྱི་འདུག་སྟེ།“ཨ་མེ་རི་ཀས་སྲིད་བྱུས་འདི་བརྒྱུད་ཁོང་ཚོས་རྒྱ་གར་གྱི་བར་གནས་རང་བཞིན་གྱི་སྲིད་བྱུས་ལ་གྲགས་པ་དེ་ཡོངས་སུ་སྐོར་ཡོད་པ་དང་། འདི་ལྟར། རྒྱ་གར་མགོ་སྒུར་དུ་འཇུག་པའི་ཚོད་དཔག་བྱེད་ཀྱིན་ཡོད་པ་རེད། མ་འོངས་པར་འགྱུར་བ་ག་རེ་ཐེབས་ཀྱང་། འདི་ནི་འབྱུང་གི་མ་རེད། ”འདི་ཡིས་འགོ་སྟོད་དུ་རྒྱ་གར་གྱིས་རྒྱ་ནག་དང་ལྷན་དུ་འགྲིགས་འཇགས་ཤིག་ཡོང་བར་འབད་རྩོལ་མང་ཆེ་ཤོས་གནང་ཡོད་པ་འགྲེལ་བཤད་རྒྱག་གི་ཡོད། ༡༩༥༤་ལོར་བོད་ཀྱི་སྐོར་ལ་བཞག་པའི་གྲོས་མཐུན་དེར་ངེས་པར་དུ་འདི་ལྟ་བུའི་གནས་བབ་ཅིག་གི་འོག་ལྟ་དགོས་པ་ལས་དེ་ནི་ནེའུ་རུའུ་ཡིས་ཨེ་ཤི་ཡཱི་ཁྱོན་ཡོངས་ལ་བཅངས་པའི་འཆར་སྣང་གི་སེམས་གཙོ་རིང་ལུགས་ཀྱི་རྣམ་འགྱུར་ཙམ་གྱི་འོག་ནས་ལྟ་མི་རུང་། (more…)

རྒྱ་དཀར་ནག་གཉིས་༡༩༦༢ལོར་ཅིའི་ཕྱིར་དམག་འཁྲུག་བརྒྱབ་པ་རེད།(སྔ་མ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་རྫོ་རཱ་ཝར་ ཊོལ་ལེས་ཊི སིང་།

མ་རྩོམ་ལ་གཟིགས་ན་འདི་རུ་བསྣུན།

རྒྱ་གར་གྱི་ལོ་རྒྱུས་སྨྲ་བ་རྗོན་ལཱ་ལཱི་ཡིས་ཐེངས་ཤིག་“རང་བྱུང་ཁམས་རང་ཉིད་ཀྱིས་ནོར་འཁྲུལ་མེད་པའི་ཐོག་ནས་དཔེ་རིས་ཤིག་བྲིས་ཡོད། དེ་འདྲའི་ས་མཚམས་རིང་པོ་ཞིག་ཕལ་ཆེར་འཛམ་གླིང་གི་ས་ཆ་གང་དུ་ཡང་ཡོད་པ་མ་རེད།”ཅེས་བརྟག་དཔྱད་གནང་ཡོད། དེས་ན། རྒྱ་དཀར་ནག་གཉིས་༼ཆ་མི་སྙོམས་པའི་ས་ཁམས་ཆགས་དབྱིབས་ལ་བརྩི་འཇོག་མ་གནང་བར་༽ཇི་ལྟར་འུ་ཐུག་ཐབས་ཟད་ཀྱི་གནས་སུ་ལྷུང་སྟེ་མཐར་གཡུལ་ས་རུ་འཁྲུག་འཛིང་བྱེད་དགོས་བྱུང་བ་རེད་དམ།

འདས་ཟིན་པར་ཕྱིར་མིག་ཅིག་བལྟས་ན་༡༩༥༠་ནང་རྒྱ་དཀར་ནག་གཉིས་ཀྱི་དབར་ལ་བྱུང་བའི་སྐབས་དོན་གྱི་འབྲེལ་བ་དེ་དག་གི་གཞི་རྩའི་རྒྱུ་རྐྱེན་གང་དག་ཡིན་པ་ངོས་འཛིན་བྱེད་ཐུབ་པ་ཞིག་ཡིན། ༡༩༤༧ནང་ཁྲག་གིས་ཚོས་པའི་རང་བཙན་ཞིག་ཐོབ་ཡོད་པ་ལ་མ་ལྟོས་པར་རྩེ་མོ་གཅོད་འབྲེག་བྱས་ཡོད་པའི་རྒྱ་གར་གྱིས་རང་ཉིད་ནི་དབྱིན་ཇིའི་རྒྱ་གར་གྱི་ནོར་སྐལ་གྱི་ཤུལ་འཛིན་བྱེད་མཁན་ཞིག་ཡིན་པའི་མཐོང་ཚུལ་བཟུང་ཡོད། སྐབས་དེར། ནེ་རུའུ་སྲིད་གཞུང་གིས་འགྱུར་བ་ཐེབས་ཟིན་པའི་སྐབས་དོན་གྱི་ཡུལ་བབ་སྲིད་བྱུས་དེ་ཚོར་བ་རྣོ་པོའི་ཐོག་ནས་ཤེས་ཀྱི་ཡོད་ནའང་། དེ་ཡི་བྱང་ཕྱོགས་ཀྱི་ས་མཚམས་དག་གི་སྣང་ཚོར་དེ་དབྱིན་ཇིའི་འཐབ་ཇུས་མཁས་པ་དག་གིས་བཟོས་པའི་ལོ་བརྒྱ་ཕྲག་གཅིག་གི་ས་མཚམས་ཀྱི་ཚོགས་སྡེའི་དྲན་པའི་སྒང་ལ་བཞག་ཡོད་པ་རེད། (more…)

ང་ཕོད་འཇིགས་མེད་ཅིའི་ཕྱིར་ལས་ཁུངས་ནས་གློ་བུར་དུ་ཕྱིར་ཕུད་བཏང་བ་རེད།

(ཨ་ཤེ་ཡ་རང་དབང་རླུང་འཕྲིན་ཁང་གི་འགན་འཛིན་ང་ཕོད་འཇིགས་མེད་ལགས་ཅིའི་ཕྱིར་ལས་ཁུངས་ནས་གློ་བུར་དུ་ཕྱིར་ཕུད་བཏང་བ་རེད།)

སྐར་ཁུང་རྩོམ་སྒྱུར་ཚོགས་ཆུང་གིས་བསྒྱུར།
འོད་ཟེར་གྱིས་བརྩམས།

མ་རྩོམ་ལ་གཟིགས་ན་འདི་རུ་བསྣུན།

ཨེ་ཤེ་ཡ་རང་དབང་རླུང་འཕྲིན་ཁང་གི་འགན་འཛིན་ང་ཕོད་འཇིགས་མེད་ལགས་སྤྱི་ཟླ་༡༡པའི་ཚེས་༡ཉིན་གློ་བུར་དུ་ལས་ཁུངས་ནས་ཕྱིར་ཕུད་བཏང་བའི་གནས་ཚུལ་དེ་ཐོས་རྗེས་ང་རང་ཧ་ལས་སོང་། ངས་ངོ་ཤེས་པའི་བོད་ཕྱི་ལོགས་ཀྱི་ཤེས་ཡོན་པ་དང་གསར་འགོད་པ། ད་དུང་རྒྱ་རིགས་བོད་དོན་ཉམས་ཞིབ་པ་དང་རྒྱལ་སྤྱིའི་བོད་རིག་པ་བ་ཚང་མ་འདིའི་ཐད་ལ་དངངས་འཚབ་སྐྱེས་ཤིང་ཅི་ཡིན་འདི་ཡིན་མ་ཤེས་པར་མགོ་འཐོམ་ནས་བསྡད་འདུག

ང་ཕོད་འཇིགས་མེད་ནི་༡༩༨༥ལོར་བོད་ནས་ཕྱི་ལ་ཡོང་ཞིང་། སྔོན་ཆད་༧གོང་ས་ཏཱ་ལའི་བླ་མ་མཆོག་དང་བཙན་བྱོལ་བོད་ཀྱི་ལས་འགུལ་ཐད་དུ་ལས་ཀ་བསྒྲུབས་མྱོང་ལ། ཨ་རིའི་བར་རྗི་ནི་ཡ་སློབ་ཆེན་(弗吉尼亚)དུ་གཞུང་དང་ཕྱི་འབྲེལ་སྡེ་ཚན་གྱི་སློབ་སྦྱོང་བྱས་མྱོང་། ཁོ་བོད་རྒྱ་དབྱིན་གསུམ་གྱི་སྐད་རིགས་ལ་བྱང་ཆུབ་ཅིང་རང་རྐྱ་འཕེར་བའི་ཤེས་ཡོན་པ་གཞན་དང་མ་འདྲ་བ་ཞིག་ཡིན། ༡༩༩༦ལོར་ཨ་རིའི་རྒྱལ་ཚོགས་ཀྱིས་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གསར་འཛུགས་བྱེད་པར་ཆོག་མཆན་ཐོབ་པ་དང་། ཁོ་ནི་བོད་སྐད་སྡེ་ཚན་དེའི་འགན་འཛིན་གྱི་འོས་མི་ཉག་གཅིག་ཆགས་ནས་ལས་ཁུངས་གསར་འཛུགས་ཐད་ལ་འགན་གཙོ་བོ་བཞེས། དེ་ནས་ད་བར་དུ་ལོ་ངོ་༡༦རིང་ལ་ཁོང་གིས་རང་ནུས་ཡོད་རྒུ་བཏོན་ནས་གསར་འགོད་པ་དང་རྩོམ་སྒྲིག་པ་༣༠ལྷག་ལས་གྲུབ་པའི་ཨེ་ཤེ་ཡ་རང་དབང་རང་འཕྲིན་ཁང་གི་བོད་སྐད་སྡེ་ཚན་འདི་ཉིད་འཛམ་བུ་གླིང་གི་ཆེས་གལ་ཆེན་དང་མིག་དཔེར་འོས་བའི་བོད་སྐད་གསར་ལམ་ཞིག་ཏུ་བསྒྱུར་བ་རེད། ཡིན་ནའང་དེ་རིང་གནས་ལུགས་རྒྱུ་མཚན་ཅི་ཡང་མེད་པར་ཁོང་ཉིད་ལས་ཁུངས་དེ་ནས་གློ་བུར་དུ་ཕྱིར་ཕུད་བཏང་ཡོད་པ་རེད། (more…)

སྙན་ངག་པ་ཨ་འཇམ་དབྱངས་ཚུལ་ཁྲིམས་ལ་བཅར་འདྲི།

བཅར་འདྲི་ཞུ་མཁན། སྐར་ཁུང་དྲ་བ།
བཅར་འདྲི་ཞུ་ཡུལ། ཨ་འཇམ་དབྱངས་ཚུལ་ཁྲིམས།

སྐར་ཁུང་།
ཐོག་མར་ཁྱེད་རང་སྙན་ངག་འབྲི་བའི་ལམ་དུ་ཞུགས་པར་དམིགས་བསལ་གྱི་རྒྱུ་རྐྱེན་ཅི་ཡོད་དང་ད་བར་གྱི་གྲུབ་འབྲས་ལ་ངོས་འཛིན་ཇི་ལྟར་གནང་གི་ཡོད་དམ།

ཨ་འཇམ།
སློབ་ཆུང་གི་ཅོག་ཙེ་རྙིང་བའི་སྟེང་གི་ཀ་ཕྲེང་གི་ལས་བྱའམ་ནང་ལས་འཁྱར་འཁྱོར་བཀོད་པ་དེ་ནི་ཐོག་མའི་དབྱངས་གསལ་མཛེས་ཉམས་སུ་མངོན་པའི་ས་བོན་རེད། སྐབས་དེའི་སྙན་ངག་ལ་དགེ་རྒན་གྱི་བསྔགས་བརྗོད་སྐམ་པོ་ཞིག་གིས་བརྒྱན་པས་དེ་བས་ཀྱང་བྱིས་པའི་འཕྲུལ་སྣང་གི་གཤོག་པ་དེས་ཚད་མེད་པའི་གཤོག་པ་ཐོགས་པར་བྱས། དེ་ནས་བྱིས་པའི་དགའ་སྣང་དེ་རྫི་གླུ་དང་གཏམ་དཔེར་འདྲེས་ཤིང་། སྟོན་བཤད་དང་ས་བསྟོད་སོགས་འདྲེས་ནས་ཡུན་གྱིས་དུས་དེབ་རྙིང་བའི་ཟུར་གའི་ཚིག་ རྒྱན་ཁ་ཤས་ཀློག་པའི་འཇུ་སྟོབས་རན་ཙམ་བྱུང་། ག་ལེར་མི་སུས་ཀྱང་ཚོར་ཐབས་མེད་པའི་ཁྲོད་དུ་སྙན་ངག་གི་རྐང་ཁ་ཡོར་བོ་ཡང་ཅུང་ ཟད་ཚུགས་པར་གྱུར་བའི་ཉམས་སྣང་ཞིག་མཆིས་ཀྱང་། དེ་ནི་བྱིས་པའི་ལོ་ཟླ་དང་རྦད་དེ་འདྲེས་པས་སྙན་ངག་ཅིག་ལྕི་ཚད་ཀྱི་ཆ་ནས་ཧ་ཅང་ རྒྱང་ཐག་རིང་བའི་གྲ་སྒྲིག་གི་གོ་རིམ་ཙམ་ལས་ཅི་ཡང་མིན། (more…)

བོར་ཟིན་པའི་དམག་མི། (ཨ་མདོའི་ཟིན་བྲིས་དང་པོ)


སྐར་ཁུང་རྩོམ་སྒྱུར་ཚོགས་ཆུང་གིས་བསྒྱུར།
རྩོམ་པ་པོ་སམ་ཝན་ཤེག

མ་རྩོམ་ལ་གཟིགས་ན་འདི་རུ་བསྣུན།

ཐེངས་དང་པོར་ཞྭ་སྒབ་པའི་སྲིད་དོན་རྒྱལ་རབས་ཀློག་སྐབས། ཁོང་གིས་ས་ཐག་རིང་བའི་བོད་རྒྱལ་ཁབ་ཀྱི་བྱང་ཤར་༼ད་ལྟའི་ཨ་མདོ་༽དུ་མངགས་པའི་བོད་དམག་རུ་ཁག་བཀའ་མ་ལོག་ལ་ཁུངས་གཏུགས་འདུག་པ་དེས་ང་རང་ཡ་མཚན་དུ་བཅུག་སོང་། དོན་དངོས་སུ། བོད་རྒྱལ་ཁབ་སིལ་བུར་འཐོར་སྐབས། དམག་མི་འདི་དག་གིས་ཕྱིར་ལོག་ཆོག་པའི་བཀའ་ལ་སྒུག་ནས་བསྡད་མོད། འོན་ཀྱང་བཀའ་དེ་ནམ་ཡང་མ་འབྱོར། དེའི་སྟབས་ཀྱིས་ཁོང་ཚོ་ས་དེར་གཞིས་ཆགས་ཤིང་། གཉེན་སྒྲིག་པ་དང་བུ་ཕྲུག་སྐྱེས་ནས་ཨ་མདོ་བ་ཆགས་པ་རེད། འོན་ཀྱང་། ཁོང་ཚོ་དང་ཁོང་ཚོའི་རིགས་རྒྱུད་ཀྱིས་དུས་རྟག་ཏུ་བོད་དབུས་ཀྱི་ཕ་གཞིས་དེ་དྲན་གྱིན་ཡོད། (more…)

བོད་ལ་རེ་བ་བཅང་ཆོག་པའི་རྒྱུ་མཚན་ལྔ།

སྐར་ཁུང་རྩོམ་སྒྱུར་ཚོགས་ཆུང་གིས་བསྒྱུར།
རྩོམ་པ་པོ་བསྟན་རྡོར།

མ་རྩོམ་ལ་གཟིགས་ན་འདི་རུ་བསྣུན།

བདུན་ཕྲག་སྔོན་མར་ཕེ་རུའུ་ས་ཆ་ནས་མང་གཙོའི་ཚོགས་འདུ་ཞིག་ལ་ཞུགས་སྐབས་ང་རང་འཛམ་གླིང་གི་ཡུལ་གྲུ་འདྲ་མིན་ནས་ཕེབས་པའི་ལས་འགུལ་བ་དང་གསར་འགོད་པ། གྲོས་ཚོགས་ཀྱི་འཐུས་མི། ཆབ་སྲིད་བཙོན་པ་བཅས་ལ་ཐུག་པ་ཡིན། ངས་སྐད་ཆ་བཤད་སའི་ཁྲོད་ཀྱི་ཁོ་ཚོ་མང་ཆེ་ཤོས་ཀྱིས་བོད་ཀྱི་སྐོར་ལ་གནད་དོན་གཅིག་ཤེས་འདོད་འདུག དེ་ནི་ཐོན་ལ་ཉེ་བའི་རྒྱ་ནག་གི་འགོ་ཁྲིད་འཕོ་འགྱུར་གྱིས་བོད་ལ་འགྱུར་བ་གཏང་གི་རེད་དམ། ཧའོ་ཅིན་ཐོ་ཡིས་འགྱུར་བ་མ་བཏང་བ་ཞིག་ཞི་ཅིན་ཕིན་གྱིས་འགྱུར་བ་གཏོང་གི་རེད་དམ་ཞེས་པ་འདི་རེད། “སྲིད་དབང་སྒེར་འཛིན་པ་ཚོས་འགྱུར་བ་གཏོང་གི་མ་རེད།” ངས་ཁོང་ཚོ་ལ་འདི་ལྟར་དྲན་སྐུལ་བྱས་པ་ཡིན། “འགྱུར་བ་གཏོང་མཁན་ནི་མི་དམངས་རེད། ཁོང་ཚོས་སྲིད་དབང་སྒེར་འཛིན་པ་ཚོའི་ལག་པ་དག་བཙན་སྐུལ་བྱས་ཏེ་འགྱུར་བ་གཏོང་གི་ཡོད།” (more…)

བོད་བསྐྱོད་མཐོང་ཐོས། (ཕྱི་མ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཡུའུ་ཚུང་ཀྲིག

མ་རྩོམ་ལ་གཟིགས་ན་འདི་རུ་བསྣུན།

ཞིབ་བཤེར་ཁང་གི་ཆག་སྒོ།

ཡུལ་བསྐོར་གྱི་ལམ་བར་དུ་དྲག་ཆས་ཉེན་རྟོག་པས་ཐུགས་རྗེ་ཆེ་ཟེར་བ་དེ་ཡང་དང་ཡང་དུ་ཐོས་བྱུང་། ལྷ་སའི་ནུབ་ཕྱོགས་ཀྱི་སྟོད་ལུང་བདེ་ཆེན་རྫོང་གི་ཞིབ་བཤེར་ཁང་ཞིག་ཏུ། དེ་ནི་བྱིས་པའི་གདོང་དབྱིབས་དང་འདྲ་བའི་བོད་མི་དྲག་ཆས་ཉེན་རྟོག་པ་ཞིག་རེད། གུས་ཞབས་ཀྱི་ངང་ནས་ཐོབ་ཐང་ལག་འཁྱེར་ལ་ཞིབ་བཤེར་བྱེད་ཀྱི་ཡོད། མགོ་མཇུག་ཀུན་ཏུ་འཛུམ་མདངས་མི་གློད། འོན་ཀྱང་། ཁོང་གི་ལག་པ་གཞན་པར་གནོན་མཐུད་མེ་མདའ་མདེའུའི་ཤུབས་ནང་དུ་ཡོད་པ་ཞིག་ཉར་འདུག ཁོང་གི་རྒྱབ་ལོགས་ཀྱི་རྒྱ་མི་དྲག་ཆས་ཉེན་རྟོག་པ་དེ་དེ་བས་ཀྱང་ལོ་ན་ཆུང་། མཚོན་ཆ་ཅི་ཡང་ཉར་མེད། ལག་པ་ནས་འཆོར་ཐབས་མེད་པའི་རྣམ་པ་ཞིག་འདུག་པ་སྟེ་བལྟས་ནས་ཞིབ་བཤེར་བྱེད་ཀྱི་འདུག ཁ་ལོ་བ་གཅིག་གིས་སྐད་ཆ་མཚམས་མ་བཞག་གོང་ལ་སྣེ་བཤམས་པས་གླེང་རྒྱུར། ཞིབ་བཤེར་ཁང་དུ་དོན་དག་ཆེན་པོ་ཞིག་བྱུང་འདུག ཟླ་སྔོན་མར་འདམ་གཞུང་༼ལྷ་སའི་བྱང་ཕྱོགས།༽གི་འབྲོག་པ་ཞིག་གིས་རང་གི་ཨ་ཕ་ན་ནས་བྲེལ་འཚུབ་ཀྱིས་རླངས་འཁོར་བཏང་སྟེ་ལྷ་སའི་སྨན་ཁང་དུ་སྟོན་དགོས་བསམས། ཐོབ་ཐང་ལག་འཁྱེར་འཁྱེར་རྒྱུ་བརྗེད་ནས་ཞིབ་བཤེར་ཁང་དུ་དེ་ལ་ངོས་ལེན་མེད་པར་ཨ་ཕ་དབུགས་ཆད་ནས་དུས་ཚོད་གསུམ་ལྷག་འགོར་རྗེས་སྨན་ཁང་དུ་འཁྱེར་ཡང་།སྨན་བཅོས་བྱ་ཐབས་བྲལ། འབྲོག་མི་དེ་ཁོང་ཁྲོའི་དབང་གིས་དྲན་དབང་ཉམས་ནས་དོན་དག་དེའི་རྗེས་སུ་ཞིབ་བཤེར་ཁང་དུ་ལོག་ནས་དྲག་ཆས་ཉེན་རྟོག་པས་ངན་གསོད་བཏང་བ་རེད། འདི་འདྲའི་ཞིབ་བཤེར་ཁང་གིས་མི་ལ་ལམ་སང་ཞིབ་བཤེར་ཁང་ཞེས་པའི་ཨཱི་ཟཱི་རཱལ་གྱི་དངོས་མཚོན་གློག་བརྙན་དེ་ཡིད་ལ་འཁོར་དུ་བཅུག གཡུ་ལྡན་གཙང་བོའི་ནུབ་ངོས་ནས་བོད་བར་དུ། རིགས་འདྲ་བའི་མི་ཡུལ་གྱི་སྐྱོ་གར་ནི་བགྲང་གིས་མི་ལང་བ་ཞིག་རེད། (more…)

བོད་བསྐྱོད་མཐོང་ཐོས། (སྔ་མ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཡུའུ་ཚུང་ཀྲིག

མ་རྩོམ་ལ་གཟིགས་ན་འདི་རུ་བསྣུན།

བོད་བསྐྱོད་ལམ་བར་དུ་མཐོང་བའི་མཛེས་ལྗོངས།

ནང་འབར་འཕྲུལ་འཁོར་གཉིས་ཀྱིས་འདྲུད་འཐེན་ལ་བརྟེན་ཏེ་ཨ་མདོ་ནས་དབུས་གཙང་གི་མཐོ་སྒང་བརྒྱུད་ཉིན་ཧྲིལ་བོ་གཅིག་ཏག་ཏག་ལ་ཤར་རྒྱུག་བྱས་རྗེས་ཀྱི་ས་སྲོད་ལ་ད་གཟོད་ལྷ་སའི་མེ་འཁོར་ས་ཚིགས་སུ་འབྱོར། མེ་འཁོར་ས་ཚིགས་ནི་ཧ་ཅང་བརྗིད་ཉམས་ཆེ་བ་ཞིག་བཟོས་འདུག་ལ། བོད་ཀྱི་བཟོ་བཀོད་ལྡན་པའི་ངུར་སྨྲིག་གི་ཞིང་ཁམས་སུ་འབྱོར་བའི་ཚོར་སྣང་བྱུང་བ་སྟེ། ཏག་ཏག་སྨྱུག་འཛིན་པར་མགོ་སྐོར་ཐེབས་སུ་འཇུག འཕྲལ་དུ་ས་ཚིགས་ཀྱི་ཕྱི་ལོགས་སུ་ཐོན་ཏེ་ས་ཚིགས་མདུན་ཐང་དུ་ལྷན་པར་ཞིག་བསྒྲོན་དགོས་བསམ་དུས། རོགས་པ་ཚོས་ཕན་ཚུན་ལ་འཛིན་བྱང་ཞིབ་བཤེར་གྱི་དྲན་སྐུལ་བསླངས། བསམ་ཡུལ་ལས་འདས་པ་ཞིག་ལ། ཞིབ་བཤེར་བྱ་རྒྱུ་ནི་འཛིན་བྱང་མ་ཡིན་པར་ཐོབ་ཐང་ལག་འཁྱེར་རེད། ཞིབ་བཤེར་བྱེད་མཁན་ཡང་ལྕགས་ལམ་དོ་དམ་པ་མ་ཡིན་པར་དྲག་ཆས་ཉེན་རྟོག་པ་རེད། (more…)

བོད་མིའི་རྨི་ལམ་ནི་རང་བཙན་ཡིན། (ཕྱི་མ)


སྐར་ཁུང་རྩོམ་སྒྱུར་ཚོགས་ཆུང་གིས་བསྒྱུར།
རྩོམ་པ་པོ་ཚོའོ་ཁྲང་ཆིན་།

མ་རྩོམ་ལ་གཟིགས་ན་འདི་རུ་བསྣུན།

“འགྲུབ་དང་མི་འགྲུབ་”དང་“འོས་དང་མི་འོས་།”
ངས་ཏྰ་ལའི་བླ་མའི་སེམས་ཁྲལ་ལ་བསམ་ཤེས་བྱེད་ཐུབ་ཀྱིན་འདུག བོད་ཀྱི་ཆོས་དང་རིག་གཞུང་རྩ་མེད་དུ་འགྲོ་བཞིན་པའི་སྒང་ཡིན་ལ། རྒྱ་མི་འབོར་ཆེན་བོད་དུ་གནས་སྤོར་བྱས་ཏེ་རྒྱ་གཞུང་གིས་བོད་ལ་རྒྱ་འགྱུར་སྲིད་བྱུས་སྤེལ་བཞིན་ཡོད་པ་རེད། ཁོ་ཚོས་བོད་ཀྱི་གནད་དོན་དེའང་ནང་སོག་ནང་བཞིན་ཐག་གཅོད་བྱེད་པར་རེ་བ་བཅངས་འདུག (དེང་སྐབས་ནང་སོག་ལ་མི་འབོར་ཁྲི་༢༣༨༠ཡོད་པ་ལས་རྒྱ་མིས་80%ཟིན་པ་དང་། སོག་རིགས་གྲངས་ཉུང་ལ་མཚོན་ན་མི་བཞི་ལས་གསུམ་རྒྱ་འགྱུར་བྱས་ཚར་བར་བཤད།)དབུ་མའི་ལམ་ལ་རྒྱབ་སྐྱོར་བྱེད་པའི་བོད་མི་ཁ་ཤས་ཀྱིས་བཤད་ན་རྒྱ་གཞུང་སྟོབས་ཆེ་དྲགས་པས་རང་བཙན་ལ་རེ་བ་མེད་ཚུལ་ཟེར། འདིས་ཁོ་ཚོ་རང་ཉིད་ཀྱི་བསམ་བློ་གཏོང་སྟངས་རྒྱ་འགྱུར་བྱས་ཚར་བ་གསལ་བཤད་བྱས་པ་རེད། རྒྱ་མི་ལ་མཚོན་ན་དོན་དག་གང་ལ་ཐུག་ཀྱང་ཐོག་དང་པོ་ནས་སྔོན་རྩིས་བརྒྱབས་ནས་དོན་དག་གང་ཡིན་འགྲུབ་མིན་ལ་བསམ་བློ་གཏོང་བ་རེད། ཡིན་ཡང་ནུབ་ཕྱོགས་པར་མཚོན་ན་དོན་དག་གང་ཞིག་སྒྲུབ་དུས་ཐོག་དང་པོར་འོས་མིན་འཚམ་མིན་ལ་བསམ་བློ་གཏོང་བཞིན་ཡོད་པ་རེད། (more…)

བོད་མིའི་རྨི་ལམ་ནི་རང་བཙན་ཡིན། (སྔ་མ)

སྐར་ཁུང་རྩོམ་སྒྱུར་ཚོགས་ཆུང་གིས་བསྒྱུར།
རྩོམ་པ་པོ་ཚོའོ་ཁྲང་ཆིན་།

མ་རྩོམ་ལ་གཟིགས་ན་འདི་རུ་བསྣུན།

ལོ་བཅོ་ལྔའི་ཡར་སྔོན་(༡༩༩༤ལོར)དུ། ངས་ < པེ་ཅིན་གྱི་དཔྱིད་ཀ་>ཟེར་བའི་དུས་དེབ་དེའི་སྟེང་དུ་ < རང་བཙན། བོད་མིའི་ཁེ་དབང་རེད>་ཟེར་བའི་ཆེད་བརྗོད་རིང་མོ་ཞིག་སྤེལ་ཤིང་། དེའི་ནང་དུ་ལོ་རྒྱུས་ལ་བརྩི་འཇོག་དང་། དོན་དངོས་ལ་ཁ་གཏད་པ། རང་དབང་དང་རང་སྐྱོང་རྩོད་པའི་མིའི་ཁེ་དབང་སོགས་གཞིར་བཟུང་ནས་བོད་མི་རིགས་ཀྱིས་རང་བཙན་རྩོད་པ་ནི་ཁྲིམས་མཐུན་ལུགས་མཐུན་ཡིན་ཚུལ་ཞིབ་མོར་བརྗོད་ཡོད། ལོ་བཅོ་ལྔའི་ནང་ཚུན་དུ། བོད་ལ་དོ་སྣང་བྱེད་མཁན་གྱི་རྒྱ་ནག་གི་ཤེས་ཡོན་པ་ཇེ་མང་ནས་ཇེ་མང་དུ་སོང་ཏེ། ཁོང་ཚོས་བོད་ཀྱི་འགྲོ་བ་མིའི་ཐོབ་ཐང་ལ་འབོད་སྐུལ་ཞུ་བ་དང་། བོད་རང་བཙན་ལ་རྒྱབ་སྐྱོར་ཞུ་མཁན་ཡང་གང་འཚམ་བྱུང་བ་རེད། ཡིན་ཡང་ཉེ་བའི་ལོ་འདི་དག་གི་ནང་དུ་བོད་ཀྱི་བསམ་བློའི་དབུ་ཁྲིད་ཏྰ་ལའི་བླ་མ་མཆོག་དང་བཙན་བྱོལ་བོད་གཞུང་གིས་ག་དུས་ཡིན་ཡང་དབུ་མའི་ལམ་ཤུགས་ཆེར་བརྗོད་དེ། ཕྱོགས་གཉིས་སུ་མ་ལྷུང་བའི་སྒོ་ནས་རང་བཙན་བློས་གཏོང་བྱས་པ་དང་། རྒྱ་གཞུང་གིས་མི་སེར་སྤེལ་བའི་དབང་སྒྱུར་ལའང་ངོས་ལེན་མ་བྱས་པར་བོད་ནི་རྒྱ་ནག་གི་ཆ་ཤས་ཡིན་པ་ཁས་ལེན་བྱས་ཐོག་ཚད་མཐོའི་རང་སྐྱོང་ལ་རེ་བ་བརྒྱབས་པ་རེད། ( དམངས་གཙོའི་འདེམས་བསྐོ་ཡང་ནང་དུ་འདུས། ) (more…)

མཆོད་སྦྱིན་གྱི་འོད་སྣང་།

(ཨི་རན་རྒྱལ་ས་ཏེ་རན་གྱི་ཏཱཇ་རིཤ་ཐང་དཀྱིལ་དུ་རང་ལུས་ཞུགས་འབུལ་བྱས་པ)
སྐར་ཁུང་རྩོམ་སྒྱུར་ཚོགས་ཆུང་གིས་བསྒྱུར།
རྩོམ་པ་པོ། མཱར་ཐཱ། ཤེ་ལེ།

མ་རྩོམ་ལ་གཟིགས་ན་འདི་རུ་བསྣུན།

“ངའི་སྲིང་མོས་ཁ་ཆེའི་སྲིད་གཞུང་གིས་ཨི་རན་གྱི་བུད་མེད་སྤྱི་དང་ཁྱད་པར་དུ་བུད་མེད་ཤེས་ཡོན་ཅན་གྱི་ཐོག་འཛིན་པའི་ལྟ་སྟངས་ལ་ངོ་རྒོལ་གྱིས་རང་སྲོག་དོར་སོང་།” ཞེས་པཱར་ཝིན་དཱ་རཱ་བི་(Parvin Darabi)ཡིས་ངག་གཉོམ་པོའི་སྒོ་ནས་པེར་ཤི་ཡའི་སྐད་གདངས་ལས་ཨིན་སྐད་དག་ལ་མི་དག་གིས་བརྗོད་བྱུང་། འོན་ཀྱང་ཁོ་མོས་རང་གི་ཕ་ཡུལ་གྱི་གནས་སྟངས་སྐོར་གླེང་སྐབས་སྐད་གདངས་ལ་ངར་ཤུགས་ལྡན་འདུག “གནས་སྟངས་དེ་ཆེས་ངོ་གནོང་བ་དང་། སྡུག་བསྔལ་བ། འཇིགས་ཡེར་བ་ཞིག་ཡིན་པས། བུད་མེད་མང་པོ་ཞིག་ལ་ཐར་ལམ་ཞིག་ཡོད་པའི་སྣང་བ་ཡེ་ནས་སྐྱེ་ཡི་མེད། དེར་བརྟེན་ཨི་རན་བུད་མེད་ཚོས་བཟོད་ཐབས་བྲལ་བའི་ཚོར་ཤུགས་ཇེ་ཆེར་སོང་སྟེ། རང་སྲོག་འདོར་བའི་གྲངས་འབོར་གྱི་འཕར་ཚད་བློ་ཡིད་ལས་འདས་བ་ཞིག་ཏུ་གྱུར།”

པཱ་ཝིན་གྱི་སྲིང་མོ་ཧོ་མཱ་དཱ་རཱ་བི་ནི་སློབ་ཕྲུག་གི་དུས་ནས་སྲིད་དོན་ལས་རིགས་ནང་ཞུགས་རྒྱུར་སྤྲོ་སྣང་ཡོད་མཁན་ཞིག་ཡིན། ཕྱི་ལོ་༡༩༦༠ ལོར་ཤཱཧ་(Shah)ཡི་སྲིད་དབང་ལ་ངོ་རྒོལ་བྱས་སྟབས་རེ་ཞིག་ཁོ་མོ་བཙོན་ཁང་དུ་བཅུག་མྱོང་ཡོད། ཕྱི་ལོ་༡༩༦༣ ལོར་ཁོ་མོས་སློབ་གྲོགས་ཤིག་མཉམ་དུ་གཉེན་བསྒྲིགས་ཤིང་། ཏེ་རན་སྨན་པའི་གཙུག་ལག་སློབ་གྲྭ་ཆེན་མོ་(University of Tehran Medical School)མཐར་ཕྱིན་རྗེས་གྲོང་གསེབ་ཞིག་ཏུ་སྨན་བཅོས་ལག་ལེན་གྱི་གནད་ལ་གཞོལ་གྱིན་བསྡད། (more…)