བོད་མི་སྐྱབས་བཅོལ་བ་ཚོ་རྒྱ་གར་གྱི་མི་སེར་ཆགས་པའི་དུས་ལ་བབས་ཡོད།

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ། མོའོ་ར་མོ་ནིའི་ཧེན


མ་རྩོམ་ལ་གཟིགས་ན་འདི་རུ་བསྣུན།

བོད་པའི་ལོ་གསར་གྱི་ཟླ་བ་འདིའི་ནང་། ང་ཚོས་མཐོང་རྒྱུ་བྱུང་བ་ནི་ཡིད་སྐྱོ་བའི་གནས་སྟངས་ཤིག་རེད། མི་གྲངས་བརྒྱ་ལྷག་བརྒལ་བའི་བོད་པ་ཚོས་༧གོང་ས་ཏཱ་ལའི་བླ་མ་མཆོག་བོད་ཡུལ་དུ་ཕྱིར་གདན་འདྲེན་ཞུ་བར་རང་ཉིད་ཀྱི་ཚེ་སྲོག་མཆོད་མེར་བསྒྲོན་ནས་རྒྱ་ནག་ལ་ངོ་རྒོལ་བྱས་པ་དང་། གཟའ་འཁོར་སྔོན་མར། ཉེ་ཆར་རང་བོད་ནས་བཙན་བྱོལ་དུ་ཡོང་བའི་བོད་པའི་གྲྭ་པ་ཞིག་གིས། ཀཱ་ཐི་མེན་ཀྲུ་རུ་རང་ལུས་མེར་བསྲེགས་བཏང་པ་དང་། དེ་ནས་ས་གནས་སྨན་ཁང་དུ་འདས་གྲོངས་སུ་ཕྱིན་ཡོད། ཁོང་གིས་རང་ལུས་མེ་བསྲེགས་བཏང་བའི་སྣང་བརྙན་དེའང་འཛམ་གླིང་ས་ཕྱོགས་གང་སར་མཐོང་རྒྱུ་བྱུང་ཡོད་ལ། འདིས་མི་ལོ་༦༠རིང་རྒྱ་ནག་གིས་བོད་པར་བཙན་ཤེད་བྱས་པའི་གསང་བ་དེ་ཉིད་བརྟོལ་རྒྱུ་བྱུང་པ་རེད། (more…)

མི་སྣང་བར་གྱུར་བ་དེ། (ལྔ་པ)

(ཧྥ་ཏི་བ་ཞེས་པའི་ཐ་སྙད་དེ་ནི་ཁ་ཆེའི་ཆོས་ཁྲིམས་རིགས་ཤིག་གི་མིང་སྟེ། ཁྲིམས་ལུགས་དེས་རྩོམ་པ་བོ་ཞིག་གི་མི་ཚེ་ལ་འགྱུར་བ་བཏང་ཚུལ།)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

འདི་ལྟར་ཚིགས་བཅད་སྐྱོར་འདོན་བྱེད་པ་དེས་བདུད་ཀྱི་ངན་ཇུས་དག་གཞོམ་པར་བྱེད་པ་རེད། ཡིན་ནའང་གནད་དོན་ཞིག་ལྷག་པ་ནི། མོ་ཧ་མི་ཏིས་རྒྱུ་མཚན་ཅིའི་ཕྱིར་དང་ཐོག་མ་འོངས་ལུང་བསྟན་རྫུན་མ་དེ་དངོས་གནས་ཡིན་པའི་ཁས་ལེན་བྱས་པ་རེད། ད་དུང་མ་འོངས་ལུང་བསྟན་ཁྲོམ་བསྒྲགས་ཀྱི་སྐབས་སུ་འདྲེ་དང་མཁའ་འགྲོའི་ཚོགས་ལ་ཅི་ཞིག་བྱུང་པ་རེད། ཨེས་བྷིན་ཨེས་ཤ་ཁི་ཡིས་བྲིས་དོན་ལྟར་ན། མོ་ཧ་མ་ཏི་ཁོང་གིས་མི་སེམས་འགུག་ཐབས་ལ་ཕྱོགས་པ་དང་མེ་ཁའ་གྲོང་ཁྱེར་གྱི་མི་མང་གིས་ཁོང་གི་དབང་ཐོབ་ལ་ངོས་ལེན་ཐོབ་དགོས་པ་རེད། མེ་ཁ་མི་མང་གིས་ཁོང་གིས་ལྷ་རྣམ་གསུམ་གྱི་དབང་ཐོབ་ལ་ངོས་ལེན་ཐོབ་པ་གོ་རྗེས་དགའ་སྤྲོ་ཚད་མེད་སྐྱེས་པ་རེད། འོ་ན། ཅིའི་ཕི་རོ་ཧྥེ་ཐིས་ཡང་བསྐྱར་ངོས་ལེན་དེ་ཕྱིར་བསྡུ་བྱས་པ་རེད། ནུབ་ཕྱོགས་ཀྱི་ལོ་རྒྱུས་སྨྲ་བ་ཚོས(སི་ཁོ་ཌི་ཡི་ཁ་ཆེའི་ཆོས་ཀྱི་མཁས་དབང་ལྡ་བྷིལ་མོན་ཌི་གྷོ་མིར་རིས་བ་ཌི་དང་། ཧྥ་རན་སིའི་མར་ཁེ་སི་རིང་ལུགས་པ་མེ་ཁི་སི་མིས་རོ་ཏེན་སོན།)གོང་ཞུས་ཀྱི་དོན་རྐྱེན་དེ་ནི་སྲིད་དོན་གྱི་དམིགས་ཡུལ་ངེས་ཅན་ཞིག་ཡོད་པའི་སྡོམ་ཚིག་བཀོད་འདུག (more…)

“བོད་ཀྱི་གསང་བ” ་ལ་གསང་བ་ཅི་ཞིག་ཡོད་དམ།


སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་འོད་ཟེར།


མ་རྩོམ་ལ་གཟིགས་ན་འདི་རུ་བསྣུན།

ཟླ་སྔོན་མའི་ནང་དུ། བོད་ཀྱི་འབྲེལ་ཡོད་དཔོན་རིགས་ཚོ་བློ་འདྲི་ས་བྱས་ནས་འཁྲབ་པའི་ལེའུ་༤༦ཅན་གྱི་མུ་འབྲེལ་བརྙན་འཕྲིན་ཟློས་གར་ “བོད་ཀྱི་གསང་བ་” ཞེས་པ་དེ་cctv8པའི་ཐོག་ཏུ་དབུགས་ཐེངས་གཅིག་གིས་བསྟན་པ་དང་། གློག་བརྙན་དེ་ཕྱིར་གཏོང་བྱེད་མཁན་ལྕང་ལོ་ཅན་ཚེ་དབང་ཡོན་ཏན་གྱིས་ཧ་ཅང་གདེང་ཚོད་ཡོད་པའི་སྒོ་ནས་གློག་བརྙན་འདིས་ཀྲུང་གོའི་གཞུང་འབྲེལ་གྱི་ཆེས་མཐོའི་གཟེངས་རྟགས་“མཁའ་སྐྱོད་རྟགས་མ”ལེན་པར་ཡིད་ཆེས་བྱེད་ཀྱིན་ཡོད་པ་མ་ཟད། ད་དུང་དེ་ནི་བོད་མི་རང་གིས་བོད་ཀྱི་སྐོར་གླེང་བ་ཡིན་པས་ཕྱི་རྒྱལ་ལའང་ཕྱིར་འཚོང་བྱེད་དགོས་རབས་ཟེར། ཡིན་ནའང་། བརྙན་འཕྲིན་ཟློས་གར་དེ་ཉིན་ལྟར་ལེའུ་བཞི་རེ་བསྟུད་མར་བསྟན་པ་དང་བསྟུན་ནས་ཞིན་ལང་བེ་པོ་(新浪微博)ཐོག་ཏུ་བོད་མི་ཚོས་མ་འཐད་པའི་རྣམ་འགྱུར་ཤུགས་ཆེན་བསྟན་ཡོད། (more…)

བོད་ཀྱི་གནད་དོན། ཐབས་ཤེས་མང་པོའི་གདོང་ཐུག་ཅིག


སྐར་ཁུང་རྩོམ་སྒྱུར་ཚོགས་ཆུང་གིས།

མ་རྩོམ་ལ་གཟིགས་ན་འདི་རུ་བསྣུན།

ཏཱ་ལའི་བླ་མ་ཁོང་གི་རྗེས་འབྲངས་པ་རྣམས་དང་ལྷན་དུ་བོད་ནས་རྒྱ་གར་ལ་བྲོས་བྱོིལ་ལ་ཕེབས་རྗེས་ཀྱི་མི་ལོ་ལྔ་བཅུ་ཙམ་གྱི་རིང་ཁོང་གི་གཅེན་པོ་རྒྱ་གར་ཀ་ལིམ་སྦུག་(Kalimpong)གི་ཁུ་སིམ་སིམ་གྱི་རི་རྩེ་རུ་ཁོང་གི་རི་བོ་ཧི་མ་ལ་ཡའི་ཁྱིམ་གྱི་རྒྱབ་ཕྱོགས་ཏག་ཏག་འདིར་སྐྱབས་བཅོལ་བའི་ཁྲོད་སྐྱབས་བཅོལ་བ་ཞིག་ལྟར་གནས་སྡོད་བྱེད་པ་རེད། སྒལ་བ་སྒུར་ཞིང་པུས་མོ་ཡང་ཡག་པོ་མེད་པའི་དགུང་ལོ་བརྒྱད་ཅུ་ཅན་གྱི་རྒྱལ་ལོ་དོན་གྲུབ་མཆོིག་ནི་བོད་ཀྱི་པེ་ཅིན་དང་མཉམ་དུ་འདུམ་འགྲིག་ཡག་པོ་ཡོང་བར་རྒྱབ་སྐྱོར་ཤུགས་ཆེ་ཤོས་བྱེད་དག་གི་ཁྲོད་མུ་མཐུད་དེ་བྱེད་མཁན་གཅིག་ཡིན་ལ། དེ་ནི་འཕེལ་རིམ་གྱི་ཁྲོད་ནས་སྐྱབས་བཅོལ་བ་ན་གཞོན་ཚོའི་ཁྲོད་མ་གྲགས་པའི་འདུ་ཤེས་ཤིག་ཏུ་སོང་ཞིང་། ཁོང་ཚོའི་སེམས་ནང་གི་རྒྱ་ནག་ལ་བཅངས་པའི་འཁོན་སེམས་དེའང་ལོ་ངོ་མང་པོའི་རིང་གི་གྲུབ་འབྲས་མེད་པའི་འབྲེལ་མོལ་དང་དྲག་གནོན་ལས་བྱུང་བ་རེད། (more…)

མི་སྣང་བར་གྱུར་བ་དེ། (བཞི་པ)

(ཧྥ་ཏི་བ་ཞེས་པའི་ཐ་སྙད་དེ་ནི་ཁ་ཆེའི་ཆོས་ཁྲིམས་རིགས་ཤིག་གི་མིང་སྟེ། ཁྲིམས་ལུགས་དེས་རྩོམ་པ་བོ་ཞིག་གི་མི་ཚེ་ལ་འགྱུར་བ་བཏང་ཚུལ།)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

ཕྱི་ལོ ༡༩༩༦ ལོ།

ཁོང་གིས་“འདྲེའི་ཚིགས་སུ་བཅད་པ་”ཞེས་པ་ཐོག་མར་ཀློག་དུས་ནི་ཁོང་ཁམ་བྷི་རེས་ཇེས་གཙུག་ལག་སློབ་གྲྭའི་སློབ་ལོ་རིམ་གཉིས་པའི་ནང་དུ་ལོ་རྒྱུས་སྦྱོང་བཞིན་པའི་སྐབས་རེད། ཁོང་གིས་ལོ་རྒྱུས་ཀྱི་སློབ་གཞིའི་ཆ་ཤས་གཉིས་པའི་སློབ་ཚན་གསུམ་གྱི་གདམ་ག་མང་པོའི་ནང་ནས་སློབ་ཚན་དམིགས་བསལ་བ་གསུམ་སྦྱོང་དགོས་སྙམ་པ་རེད། ཁོང་གིས་རྒྱ་གར་གྱིས་དབྱིན་ཇིའི་ལག་ནས་རང་བཙན་འཐབ་རྩོད་བྱས་བའི་བརྒྱུད་རིམ་སྟེ་ཕྱི་ལོ་ ༡༨༥༧་ལོའི་ཡར་ལངས་ནས་༡༩༤༧་ལོའི་ཕྱི་ཟླ་༨་པའི་བར་གྱི་ལོ་རྒྱུས་དང་། ཨ་རིའི་ལོ་རྒྱུས་ཀྱི་ཐུན་མོང་མ་ཡིན་པའི་ལོ་ཟླ་སྟེ་རང་བཙན་བསྒྲགས་གཏམ་ནས་རྩ་ཁྲིམས་བསྐྱར་བཟོའི་ལོ་ཟླའི་དབར་བཅས་གཉིས་དང་། སློབ་ཚན་གསུམ་པར་ལོ་དེར་ཐོག་དང་པོར་སློབ་ཚན་གྱི་ནང་དུ་བཅུག་པའི་“མོ་ཧ་མ་ཏི། ཁ་ཆེའི་མངའ་ཐང་དང་ཀྲིས་ཀིར་ཡུལ་གྱི་རྒྱལ་པོའི་ལོ་རྒྱུས་ཀྱི་སྟོད་ཆ་”བཅས་རེད། ཁོང་གི་སློབ་སྦྱོང་ལ་ལྟ་རྟོག་དང་ལམ་སྟོན་བྱེད་མཁན་ནི་དུས་རབས་བར་མའི་ལོ་རྒྱུས་ཀྱི་མཁས་དབང་ཨར་ཐིར་ཧིས་བྷིར་ཌི་རེད། སློབ་གླིང་གི་བཤད་རྒྱུན་ཞིག་ལ་མཁས་དབང་དེའི་ཞིབ་འཇུག་ཡིག་རྒྱུགས་མཐའ་མ་སྤྲོད་སྐབས་ཁོང་ལ་རྒྱུས་མངའ་ཅུང་མེད་པའི་དྲི་བ་དག་ལ་ལན་འདེབས་སྔོན་ལ་བྱས་བ་དེས་དུས་ཚོད་ཚད་བཀག་གི་ནང་དུ་ལན་ཆ་ཚང་འདེབས་ཐུབ་ཡོད་པ་རེད། (more…)

མི་སྣང་བར་གྱུར་བ་དེ། (གསུམ་པ)

(ཧྥ་ཏི་བ་ཞེས་པའི་ཐ་སྙད་དེ་ནི་ཁ་ཆེའི་ཆོས་ཁྲིམས་རིགས་ཤིག་གི་མིང་སྟེ། ཁྲིམས་ལུགས་དེས་རྩོམ་པ་བོ་ཞིག་གི་མི་ཚེ་ལ་འགྱུར་བ་བཏང་ཚུལ།)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

དེའི་རྗེས་ནས་གནས་ཚུལ་ཅང་མ་བྱུང་བ་རེད། ཁོང་ཕྱིར་མོ་སི་སྲང་ལམ་གཞུང་དུ་ཐོན་སྐབས། གསར་འགོད་པ་རྣམས་ནི་ཕོ་སྦྲང་ཚོས་མོ་སྦྲང་འདེད་པའི་ངང་ཚུལ་དང་གཅིག་མཚུངས་རེད་ལ། པར་བ་ཁག་ཅིག་གིས་གཅིག་རྒྱབ་གཅིག་གིས་མནན་ནས་པར་ལེན་པའི་འཚང་ཁའི་གོམ་སྟབས་འཁྱར་འཁྱོར་བྱེད་པ་དེ་ནི་རི་ཆུང་ཆུང་ཞིག་གི་གྲུབ་གཟུགས་དང་གཉིས་སུ་མ་མཆིས་ལ། པར་བླངས་བའི་ཚག་སྒྲ་དང་གློག་འོད་ཁྲ་ལམ་ལམ་བྱེད་པའི་གནས་སྐབས་དེར་ཁོང་གིས་མིག་རྡེབ་ཙམ་ལའང་ཁ་ཕྱོགས་བརླག་འགྲོ། དེར་བརྟེན། རྨིད་གང་མང་གིས་རྒྱང་ཐག་ཡོད་པའི་མོ་ཌའི་ཕྱོགས་སུ་སླེབས་རྒྱུ་ནི་ཧ་ཅང་ཁག་ཆགས་འདུག། གང་ཡིན་ཟེར་ན་ཁོང་གཞུང་གི་སློབ་གྲྭ་འགྲིམས་མྱོང་མཁན་དང་གསར་ཁང་ཚོས་ཆེད་དུ་མངགས་པའི་གསར་འགོད་པ་ཁྱུ་གཅིག་གིས་རྗེས་འདེད་གཏོང་གིན་ཡོད་པས་རེད། འོན་ཀྱང་། སྐབས་དེར་ཏག་ཏག་ཁོང་གི་གྲོགས་པོ་གློག་བརྙན་ཕབ་སྐྲུན་མཁན་དང་། བྷེས་བྷེས་སེས་གསར་ཁང་གི་གསར་འགོད་པ་རྒན་པ་ཨ་ལན་ཡན་ཏོབ་ཀྱིས་ཁོང་གསར་འགོད་པ་ཚོའི་ལག་ནས་བསྐྱབས་བྱུང་། ཨ་ལན་ཡན་ཏོབ་ཀྱིས་བྷེས་བྷེས་སེས་གསར་ཁང་གི་མོ་ཌ་ལྷ་ཁང་སྒོ་འགྲམ་ལ་གཏད་དེ་ཁོང་ནང་དུ་ཁྱེར་ནས་བུད་སོང་། ཁོང་གཉིས་ལྷ་ཁང་སྒོ་འགྲམ་གྱི་གསར་འགོད་པ་དག་རང་རང་སར་ལོག་རག་བར་དུ་ནོ་ཌིན་རི་ཆུང་ལ་སྐོར་བ་ཐེངས་མང་རྒྱག་བཞིན་བསྡད། (more…)

རྒྱ་གར་ཇི་ལྟར་རྒྱ་ནག་ལ་འགྱུར་གྱིན་འདུག་གམ།(ཕྱི་མ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཕན་ཁཱ་ཅི མེ་ཤི་རཱ།

མ་རྩོམ་ལ་གཟིགས་ན་འདི་རུ་བསྣུན།

དགོད་བྲོ་བ་ཞིག་ལ་མའོ་ཙེ་ཏུང་གི་རྗེས་ཏེ་༡༩༧༠ལོའི་ལོ་མཇུག་ཏུ་རྒྱ་ནག་གིས་སིངྒ་པོར་གྱི་མ་དཔེ་དང་ལེན་བྱས་ཡོད་པ་རེད། དེ་ནི་རྒྱལ་ཁབ་ཀྱི་ཡར་རྒྱས་དེ་ཆེད་ལས་གཞུང་འཛིན་མི་སྣས་དབང་སྒྱུར་བའི་ཚོགས་པ་ཞིག་གི་སྲིད་གཞུང་ངོ་།། རྒྱལ་ཁབ་དེར་འཛམ་གླིང་གི་གནས་རིམ་ཅན་གྱི་འཛུགས་སྐྲུན་དག་སྟེ་གནམ་ཐང་དང་གཞུང་ལམ། མྱུར་ཚད་མགྱོགས་པོ་ཅན་གྱི་མེ་འཁོར་ལྕགས་ལམ་དག་ཡོད་པ་རེད། ཕན་ནུས་ལྡན་པའི་སྲིད་གཞུང་ཞིག་གིས་ཡ་ང་སྙིང་རྗེ་མེད་པར་ཞིང་པ་དག་གི་ལག་ནས་ས་ཆ་བདག་ཏུ་བཟུང་བ་དང་ཆབས་ཅིག་ཁོང་ཚོར་དཔལ་འབྱོར་གྱི་རོགས་རམ་དང་ཚན་རིག་དང་འཕྲུལ་ལས་རིག་པའི་ལག་རྩལ་ཡག་ཤོས་དག་མཁོ་སྤྲོད་བྱས་མེད་ན་འཛུགས་སྐྲུན་དེ་དག་བློ་ངོར་འཆར་མི་ཐུབ་པ་ཞིག་རེད། སྤྱི་ལོ་༡༩༨༠ནང་དུ་མི་དམངས་ཁྲོད་དུ་བསམ་བློའི་འདུ་ཤེས་ཀྱི་ལས་འགུལ་དག་སྤེལ་ཞོར། རྒྱ་ནག་དམར་ཤོག་རིང་ལུགས་པས་དེ་ནས་བཟུང་མ་རྩ་རིང་ལུགས་༼རྒྱ་ནག་གི་ཁྱད་ཆོས་ལྡན་པའི༽བརྒྱུད་མི་དམངས་ཀྱི་གནས་བབ་ཡར་རྒྱས་གོང་འཕེལ་གཏོང་བའི་དམ་བཅའ་བཞག་ཡོད་པ་རེད། དེ་དང་ལྷན་ཅིག་དུས་མཚམས་ངེས་ཅན་ནང་རང་ཉིད་ཀྱི་འཁྲབ་ཚན་བྱེད་སྒོ་སྲུང་སྐྱོབ་དང་སྲིད་གཞུང་ནི་དོ་མི་མཉམ་པ་ཞི་བྱེད་དང་བདེ་སྐྱིད་སྦྱིན་མཁན་ཞིག་ཡིན་པའི་ལས་འགན་མཐོར་འདེགས་བྱེད་ཀྱི་ཡོད་པ་རེད། (more…)

རྒྱ་གར་ཇི་ལྟར་རྒྱ་ནག་ལ་འགྱུར་གྱིན་འདུག་གམ།(སྔ་མ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཕན་ཁཱ་ཅི མེ་ཤི་རཱ།

མ་རྩོམ་ལ་གཟིགས་ན་འདི་རུ་བསྣུན།

རྒྱ་ནག་ནི་གཡོ་འགུལ་ཅན་གྱི་དབང་ཆ་གཅིག་སྡུད་ལམ་ལུགས་པ་ཞིག་རེད། རྒྱ་གར་ནི་སྲ་བརྟན་གྱི་དམངས་གཙོ་རིང་ལུགས་ཅན་ཞིག་དང་འཛམ་གླིང་གི་དམངས་གཙོ་རྒྱལ་ཁབ་ཆེས་ཆེ་ཤོས་དེ་རེད། གོང་གསལ་རྒྱལ་ཁབ་གཉིས་དང་འབྲེལ་བའི་བསྐྱར་ཟློས་ཡང་ཟློས་ཀྱི་སྐད་ཆ་དེ་བཞིན་དུ་ཡོད་པ་རེད། དེ་ནི་ཚད་ངེས་ཅན་ཞིག་གི་བར་དུ་བདེན་པ་རེད། ཡིན་ཡང་། རྒྱལ་ཁབ་འདི་གཉིས་ཀའི་དབར་ལ་འདྲ་མཚུངས་ཀྱི་ཆ་ཇེ་མང་དུ་འགྲོ་བཞིན་འདུག ལོ་ངོ་བཅུ་ཕྲག་གཅིག་གི་རྗེས་སུ་ང་ཚོ་ལ་རྒྱ་དཀར་ནག་གཉིས་ཀས་ནུབ་ཕྱོགས་ནས་ཤར་ཕྱོགས་ལ་ལོ་རྒྱུས་ལྟར་གཡོལ་ཐབས་མེད་པའི་ནུས་སྟོབས་བརྗེ་ལེན་དེ་ཉིད་ཇེ་མགྱོགས་སུ་བཏང་ནས་འཛམ་བུ་གླིང་འདི་“ལེབ་ལེབ”་བཟོ་གི་རེད་བརྗོད་ཡོད་པ་རེད། ཁོང་ཚོའི་ཆབ་སྲིད་ཀྱི་བསྟི་གནས་དག་དང་ཐོག་མའི་རྒྱལ་ཁབ་འཛུགས་སྐྲུན་གྱི་བསམ་བློའི་འདུ་ཤེས་དག་ལ་ཁྲིམས་མཐུན་གྱི་དཀའ་ཉེན་ཤིན་ཏུ་ཆེན་པོ་ཞིག་འཕྲད་ཀྱིན་ཡོད་པ་རེད། རྒྱལ་ཁབ་གཉིས་ཀས་སོ་སོའི་ཕུལ་བྱུང་གི་རྒྱལ་རྒྱུད་པ་དག་དང་མཆེད་གྲོགས་མ་རྩ་རིང་ལུགས་པ་དག་གི་གནོན་ཤུགས་དཀའ་ངལ་འོག་ནས་ཁོང་ཚོས་མི་དམངས་ལ་བཞག་པའི་གཞི་རྩའི་ཁས་ལེན་དམ་བཅའ་དག་བསྐྱར་དུ་ནན་ནན་ཏན་ཏན་གྱིས་གཏན་འབེབ་བྱེད་པར་འབད་རྩོལ་གནང་གིན་ཡོད། ཡིན་ནའང་། ཁོང་ཚོའི་དཔལ་འབྱོར་དག་ཟློས་གར་གྱི་རྣམ་པ་ལྟར་ཇེ་དལ་ལ་འགྲོ་བཞིན་ཡོད་པ་རེད། (more…)

བོད་ཀྱི་ཕོ་ཉ། འཇོར་རྗིས་པེ་ཊིར་སོན།(ཕྱི་མ)

སྐར་ཁུང་རྩོམ་སྒྱུར་ཚོགས་ཆུང་གིས།

མ་རྩོམ་ལ་གཟིགས་ན་འདི་རུ་བསྣུན།

༡༩༦༡ལོར་པེ་ཊིར་སོན་ཕྱིར་དབྱིན་ཡུལ་དུ་ལོག་ནས་བྷི་བྷི་སི་གསར་ཁང་གི་རླུང་འཕྲིན་ལེ་ཚན་ “ཨེ་ཤ་ཡའི་གནད་དོན”ཞེས་བ་ཞིག་གཙོ་སྐྱོང་བྱས་བ་དང་། གནད་དོན་གླེང་མོལ་བྱེད་མཁན། དེ་མིན་དཔེ་དེབ་བསྐྱར་ཞིབ་བྱེད་མཁན་བཅས་ཀྱི་འགན་ཁུར། སྐབས་དེར་ཁོང་(Edinburgh)ཨས་ཏེན་བྷིར་གི་ནུབ་མའི་འོས་ཐོབ་ས་ཁུངས་ཀྱི་གུ་ཡངས་ཚོགས་པའི་འོས་མི་ཆགས་ཀྱང་། འོས་བསྡུར་འགྲན་ཞུགས་མ་བྱས་པར་རྩ་དགོངས་ཞུས་ཡོད། དབྱིན་ཇིའི་དུས་དེབ་“ལྟ་ཞིབ་”ཀྱི་རྩོམ་སྒྲིག་པ་(David Astor)ཊེ་བས་ཊི་ཨེ་སི་ཊོར་དང་མི་གཞན་ཁག་ཅིག་དང་མཉམ་དུ་རྒྱལ་སྤྱིའི་ཚོགས་སྡེའི་ཐོབ་ཐང་ལྷན་ཚོགས་གསར་འཛུགས་དང་དེའི་འགན་འཛིན་དང་པོའི་འགན་ཁུར། ད་ལྟ་ཚོགས་པ་དེའི་མིང་“རྒྱལ་སྤྱིའི་གྲངས་ཉུང་མི་རིགས་ཀྱི་ཐོབ་ཐང་ལྷན་ཚོགས་”ཞེས་བསྒྱུར་ཡོད་པ་དང་། ལྷན་ཚོགས་ཀྱི་ལས་དོན་གཙོ་བོ་ནི་མི་རིགས་དང་། ཆོས་ལུགས། སྐད་ཡིག་གཅིག་སྤྱོད་མཁན་གྱི་གྲངས་ཉུང་མི་རིགས། ས་སྐྱེས་རྡོ་སྐྱེས་ཀྱི་མི་ཪིགས་ཚོའི་ཐོབ་ཐང་སྲུང་སྐྱོབ་ཆེད་དུ་ཕྱག་ལས་གནང་བཞིན་ཡོད། (more…)

བོད་ཀྱི་ཕོ་ཉ། འཇོར་རྗིས་པེ་ཊིར་སོན།(སྔ་མ)


སྐར་ཁུང་རྩོམ་སྒྱུར་ཚོགས་ཆུང་གིས།

མ་རྩོམ་ལ་གཟིགས་ན་འདི་རུ་བསྣུན།

(Scotland)སི་ཁོ་ལན་་ཌི་ནས་ཡིན་པའི་ཡེ་ཤུའི་ཆོས་ལུགས་ཁྱབ་སྤེལ་རུ་ཁག་ཞིག་གི་ནང་དུ་སྨན་པའི་ཕྱག་ལས་གནང་མཁན་(George patterson)ཇོར་ཇིས་པེ་ཊིལ་སོན་ལ་བོད་ཀྱི་པེ་ཊིར་སོན་ཡང་ཟེར་གྱི་ཡོད་ལ། ཁོང་དགུང་ལོ་༩༢་ཐོག་སྐུ་གཤེགས་ཡོད། ཁོང་ལྟ་བུ་ཞིག་མི་སུ་གཅིག་གིས་ཀྱང་༡༩༥༠་ལོ་ནས་བཟུང་བོད་ས་རྒྱ་ནག་གི་བཙན་བཟུང་བྱས་པའི་དཀའ་སྡུག་ཁག་ཕྱིའི་འཛམ་གླིང་ལ་ངོ་སྤྲོད་བྱས་མྱོང་མེད། ཁོང་གི་མི་ཚེའི་སྨད་དུ་སེམས་སུ་གདོན་འདྲེ་གཉིས་ཞུགས་པ་དང་རྣམ་ཤེས་གདོན་འདྲེ་གཉིས་ཀྱིས་འཁྱེར་བའི་“སུ་་རེད”ཞེས་བའི་རོལ་ཚོགས་ཀྱི་རྔ་རྡུང་མཁན་སྐད་གྲགས་ཅན་(Kheith Moon) ཁེ་ཐི་མོན་ལ་ཆོས་ཀྱིས་སེམས་ཁ་གསོ་བའི་རོགས་རམ་གནང་མྱོང་ཡོད། (more…)

རྒྱལ་ལོ་དོན་གྲུབ། (བཅར་འདྲི་ལས་ཟུར་འདོན་བྱས།)


སྐར་ཁུང་རྩོམ་སྒྱུར་ཚོགས་ཆུང་།

མ་རྩོམ་ལ་གཟིགས་ན་འདི་རུ་བསྣུན།

(ངས་ཁོང་ཚོ་གཉིད་སད་པར་རེ་བ་རྒྱག་གིན་ཡོད་ལ། དུས་ཚོད་ཅིག་ཏན་ཏན་སླེབས་ངེས་རེད།)

རྒྱལ་ལོ་དོན་གྲུབ་མཆོག་གིས་ཁོང་གི་བོད་དེང་རབས་ཅན་གྱི་འགན་འཁྲིའི་དུས་རབས་གསར་ཚེས་ཀྱི་སྐོར་དང་པེ་ཅིན་དང་ཁོང་གི་གཅུང་པོ་ཏཱ་ལའི་བླ་མ་གཉིས་དབར་གྱི་སེར་ཁ་ཆེན་པོ་དེ་བསུབ་ཐབས་ལ་ལོ་ངོ་མང་པོའི་རིང་འབད་འབུངས་གནང་པའི་སྐོར་བཅས་ལ་དམིགས་བསལ་གྱི་བཅར་འདྲི་རབ་དང་རིམ་པར་དང་ལེན་གནང་ཡོད། ལྕགས་རིའི་ཁྲོམ་ལམ་དུས་དེབ་(The Wall Street Journal) ནང་བོད་པ་ཚོས་གོ་མཚོན་ཐོགས་ཏེ་རྒྱ་ནག་གི་སྲིད་ཇུས་འགོག་རྒོལ་གོ་སྒྲིག་ཐད་ཀྱི་ཁོང་གི་གནས་བབ་རྩོམ་སྒྲིག་གིས་ཤོག་ལྷེ་གཅིག་ཅན་གྱི་རྩོམ་ཡིག་གཅིག་སྤེལ་བའི་བདུན་ཕྲག་མང་པོའི་རྗེས་སུ། དགུང་ལོ་བརྒྱད་ཅུ་ལ་སོན་པའི་སྐུ་ཞབས་དོན་གྲུབ་ཀྱིས་སྐད་ཆ་བཤད་རྒྱུར་མོས་མཐུན་གནང་པ་རེད། ཁོང་གིས་གསར་འགོད་པ་ཞིག་ལོ་ངོ་མང་པོའི་སྔོན་ལ་སན་ ཧྥི་རན་སི་སུ་གོ་(San Francisco)རུ་ཕེབས་ཐེངས་ཤིག་ལ་ཨ་སྒོར་༢༠༠འཁྱེར་ཡོང་ནས་བཟོ་ལས་བཀོད་སྒྲིག་བྱས་པའི་རྒྱ་གར་ཧི་མ་ལ་ཡའི་རི་འདབས་ཀྱི་གྲོང་གསེབ་ཅིག་གི་ཁོང་གི་ཁྱིམ་དུ་གདན་དྲངས་ཏེ་ཁོང་གི་རྒྱ་ནག་དང་མཉམ་འབྲེལ་གྱི་དྲན་ཐོ་ཁག་གླེང་འགོ་བཙུགས་པ་རེད། (more…)

བོད་ཀྱི་ངོ་གདོང་གསར་པ།

རིག་འབྱུང་དོན་གྲུབ་བཀྲ་ཤིས།

དེང་རབས་བོད་ཀྱི་རི་མོ་ཉིད་འགོ་འབུས་ནས་དུས་རབས་ཕྱེད་ཙམ་མ་གཏོགས་འགྲོ་གི་མེད་རུང་། དེ་ཡི་ཁྱབ་རྒྱ་ནི་ཧ་ཅང་མགྱོགས་པ་དང་མྱུར་བ། ཡར་རྒྱས་ལྡན་པ་བཅས་ཀྱི་ཚད་དུ་སླེབས་ཡོད་པ་མ་ཟད་། དེ་ལ་འཛམ་གླིང་གང་སར་དོ་སྣང་དམིགས་བསལ་བ་ཞིག་ཡོང་གི་ཡོད་ལ་། དོ་སྣང་དམིགས་བསལ་བ་ཞིག་ཡོང་བ་ནང་བཞིན། བོད་ཀྱི་དེང་རབས་རི་མོ་བ་ཚོས་ཀྱང་བོད་ཀྱི་སྣང་བརྙན་གསར་བ་ཞིག་གཞན་གྱི་མིག་གི་ལོངས་སྤྱོད་ལ་བསྐྲུན་གྱི་ཡོད་ཅིང་བསྟན་འཛིན་རིག་གྲོལ་ནི་དེའི་གྲས་ཀྱི་གཅིག་ཡིན། ཁོང་གིས་ཕྱིར་དྲན་བྱས་བ་ལྟར་ན། ཁོ་རང་ལོ་ན་བཅུ་ལ་སོན་ཙམ་གྱི་སྐབས་སུ། གུང་གསེང་ནས་ཕྱིར་སློབ་གྲར་ལོགས་ཐེངས་རེར། ཁོང་གི་ཡབ་ཆེན་གྱིས་ཁོང་གི་ལག་ཏུ་ཡིག་སྐོགས་དང་སྦྲགས་ཐམ་ཕོན་ཆེ་འཇོག་གི་ཡོད་ཅིང་། ཁོང་གིས་ཀྱང་སློབ་གསེང་གི་དུས་ཚོད་སྟོང་པ་དེ་འདྲ་སྤྱད་ནས་གདན་གྱི་རི་མོ་སྙིང་རྗེ་བོ་རེ་བྲིས་ནས་ཕྱིར་སྦྲགས་ཁང་བརྒྱུད་བལ་ཡུལ་ལ་བསྐུར་གྱི་ཡོད་ཟེར། (more…)

དེང་དུས་བོད་ཀྱི་རི་མོའི་སྒྱུ་རྩལ་སྐོར་ལ་བསམ་གཞིགས་ཐན་ཐུན།

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་གཡང་སྒྲོན་དོན་གྲུབ།

མ་རྩོམ་ལ་གཟིགས་ན་འདི་རུ་བསྣུན།

སྤྱི་ལོ་༡༩༩༤ལོའི་ཟླ་༡༠པའི་གྲང་ངར་ཆེ་བའི་ཉིན་ཞིག་ལ་ང་རང་ཐེངས་དང་པོར་དགའ་བདེ་ལ་ཐུག་པ་ཡིན། བོད་ལྗོངས་སློབ་ཆེན་དུ་མཐོ་རིམ་སློབ་དཔོན་བྱེད་བཞིན་པའི་ཁོང་གིས་ང་རང་དེ་གའི་སྒྱུ་རྩལ་སྡེ་ཚན་ལ་ལྟ་སྐོར་ཁྲིད་རྗེས་ངེད་གཉིས་ཀྱིས་ཁོང་རང་ཉིད་ཀྱི་སྒྱུ་རྩལ་བརྩམས་ཆོས་ཁ་ཤས་ཤིག་ལ་བལྟས་པ་ཡིན། ཁོང་གི་ཚོན་བྲིས་རི་མོ་དག་ནི་ཡིད་དབང་འཕྲོག་པ་ཞིག་རེད། བརྗིད་ཆགས་པའི་འབྲི་བཞེངས་བྱས་ཡོད་པའི་འདྲ་རིས་ཁ་ཤས་ལ་བརྩེ་སེམས་ཀྱི་ཚོན་མདོག་གིས་བྱུགས་འདུག་ཅིང་། འཇམ་ཞིང་མཉེན་པའི་རི་མོ་གཞན་དག་སྟོན་པའི་སྐུ་འདྲ་ཞིག་གི་གྲིབ་གཟུགས་ནང་ལ་འཆར་འགོད་བྱས་འདུག དགའ་བདེ་ཡིས་གཏེར་རྫས་དག་བསྲེས་སྦྱོར་གྱི་ཚོན་རྩི་གཏོང་བའི་ཐབས་བཀོལ་ཞིག་བེད་སྤྱོད་གཏོང་གིན་འདུག་ཅིང་། མཚམས་རེར་དེར་འོད་ལྷམ་ལྷམ་གྱི་ཚོན་མདངས་ཆེ་བ་ཡོད་པ་རེད། དེར་བརྟེན། ཁོང་གི་ཚོན་བྲིས་རི་མོ་དག་ལ་སའི་གྲིབ་མདངས་ཤིག་མངོན་ཡོད་པ་རེད། ནང་པའི་མཚོན་རྟགས་དག་གིས་བརྒྱན་པའི་ཁོང་གི་སྒྱུ་རྩལ་བརྩམས་ཆོས་ཀྱིས་གསང་བ་ལྐོག་གྱུར་དང་ཞི་འཇམ་བག་ཕེབས་ཀྱི་མཛེས་སྡུག་གིས་ཁེངས་བའི་ཚོར་ཤེས་ཤིག་ང་ཚོ་ལ་སྦྱིན་འོང་གི་རེད། (more…)

ཚིག་ཁ་ཕྲལ་ནས་བོད་ཀྱི་སྐད་ཡིག་སྐྱོབ་ཐུབ་བམ།


བསྟན་འཛིན་བདེ་སྐྱིད།
པད་མ་ཚེ་དབང་ཤཱསྟྲིས་བསྒྱུར།

མ་རྩོམ་ལ་གཟིགས་ན་འདི་རུ་བསྣུན།


བོད་སྐད་ནི་ཐལ་འཚུབ་དཀྱིལ་གྱི་དབུགས་བསག་གི་ནད་པ་ཞིག་བཞིན་དུ་དབུགས་ཧལ་བཞིན་གནས་ཡོད། ས་བབ་ཀྱི་ཆ་ནས་ཐ་དད་ཡིན་པའི་ལྷ་ས་དང༌། དྷ་རམ་ས་ལཱ། ནིའུ་ཡོག་བཅས་ཀྱི་ནང་སྐྱེས་པ་དང་འཚར་ལོང་བྱས་པའི་བོད་ཕྲུག་རྣམས་ཀྱིས་བོད་སྐད་དེ་ཁ་སྐད་དང་པོའི་ཚུལ་དུ་བེད་སྤྱོད་ཀྱིས་འཚར་ལོང་བྱེད་སྲིད་ཀྱང༌། ཁོང་ཚོས་བོད་ཡིག་དེ་སྐད་ཡིག་གཉིས་པའི་ཚུལ་དུ་སྤྱོད་རྒྱུ་དེ་ཧ་ལམ་ངེས་པ་རེད། ད་ལྟའི་ཆར་བོད་ནང་གི་བོད་ཕྲུག་སློབ་གཉེར་བ་ཚོའི་ཆེད་ལས་ལམ་ལྷོངས་ཀྱི་སྐད་ཡིག་དེ་རྒྱ་སྐད་ཡིན། ཕྱི་ལ་གནས་པའི་བོད་ཕྲུག་སློབ་གཉེར་བ་ཚོའི་སྐད་ཡིག་དེ་དབྱིན་སྐད་ཡིན། ལམ་སྲོལ་གྱི་གྱོང་གུན་གྱིས་རྐྱེན་པས་བོད་སྐད་དེ་ངེས་པར་དུ་སྣང་ཆུང་དུ་ལུས་ཡོད།
 (more…)

གནད་དོན་འདི་མེ་རུ་སྦར་དགོས།

(རྩོམ་ཡིག་འདི་འབྲི་སྐབས་བོད་ནང་དུ་བོད་མི་ ༧༠ རང་ལུས་མེར་བསྲེགས་བཏང་པའི་སྐབས་སུ་འཁེལ་ཡོད་སྟབས། འོག་གི་རྩོམ་ཡིག་ནང་བོད་མི་བདུན་ཅུས་རང་ལུས་མེར་བསྲེགས་ཞེས་གསལ་ཡོད་པ་རེད།)

སྐར་ཁུང་རྩོམ་སྒྱུར་ཚོགས་ཆུང་།
རྩོམ་པ་པོ་འཇམ་དབྱངས་ནོར་བུ།

མ་རྩོམ་ལ་གཟིགས་ན་འདི་རུ་བསྣུན།

བོད་མི་བདུན་བཅུས་ཞིམ་པ་མེད་པར་ཕུགས་བསམ་ལྡན་པའི་ངང་གཅིག་རྗེས་གཉིས་མཐུད་ཀྱིས་སོ་སོའི་མི་རིགས་ཀྱི་རང་དབང་རྩ་དོན་ཆེད་རང་ལུས་མེ་རུ་སྒྲོན་ཡོད། གལ་སྲིད་འདི་ལྟ་བུའི་དཔའ་ངར་ཅན་དང་རང་དོན་བློས་གཏོང་། རང་འགུལ་བ། སྒེར་ལངས། འཚེ་མེད་ཞི་བ་* སོགས་ཀྱི་ལས་འགུལ་ཞིག་འཛམ་གླིང་ཡུལ་གྲུ་གཞན་གང་ཞིག་ཏུ་བྱུང་ཡོད་པ་དང་། ལྷག་པར་དུ་ནུབ་ཕྱོགས་པའི་ནང་དང་ཡང་ན་ནུབ་ཕྱོགས་པར་སྤྲོ་བ་ཡོད་པའི་ས་ཁུལ་དཀྱིལ་ཤར་ཡུལ་ལམ་བྱང་ཨ་ཧྥི་རི་ཀ་ལྟ་བུ་ཞིག་གི་ནང་རང་ལུས་མེར་བསྲེགས་ཀྱི་ལས་འགུལ་འདི་བྱུང་ཡོད་པའི་དབང་དུ་བཏང་ན། དེ་ནི་གསར་འགྱུར་བརྒྱུད་ལམ་ཁག་ཏུ་ཚ་ཚ་འུར་འུར་གྱིས་ཐོན་པ་ཙམ་མ་ཡིན་པར་བརྙན་འཕྲིན་དང་དྲ་ལམ། ཚགས་ཤོག་གི་དཔྱད་བརྗོད་དང་རྩོམ་སྒྲིག་པའི་གཏམ། ཟིན་བྲིས། མཁའ་པའི་གླེང་སྟེགས་སོགས་གང་ས་གང་དུ་གླེང་སློང་ཤུགས་ཆེར་འབྱུང་ངེས་པ་དང་། མཐའ་ན་ཨ་རིའི་སྲིད་འཛིན་འོས་བསྡུའི་འགྲན་རྩོད་ཁྲོད་ཕྱི་འབྲེལ་སྲིད་ཇུས་དང་འབྲེལ་གླེང་སློང་གིས། མེ་ཊི་རོམ་ནའེ་ཡིས་ཨོ་བྷ་མར་བོད་ནང་གི་རང་ལུས་མེར་བསྲེགས་ལ་སྣང་མེད་དང་རྒྱ་ནག་ལ་སྤྲེའུ་ལད་འཁྲབ་པའི་ཁ་རྡུང་གཏོང་པའམ་དེ་མཚུངས་ཀྱི་གླེང་གཞི་དངོས་ཡོད་གནད་དོན་དེའི་ཐད་འབྱུང་ངེས་ཡིན། (more…)