སུབ་བྱེད་བེད་སྤྱོད་གཏོང་རྒྱུ་ནི། ཉེན་སྲུང་གི་ཐབས་ལམ་གལ་ཆེན་ཞིག་ཡིན།


འཇིགས་མེད་ནུབ་པ།

དེང་རབས་སྤྱི་ཚོགས་ཁྲོད་དུ། གློག་ཀླད་བེད་སྤྱོད་བྱེད་མཁན་མང་དུ་འགྲོ་གིན་ཡོད་པ་མ་ཟད་། མི་མང་པོ་ཞིག་གི་ཉིན་རེའི་ལས་དོན་མང་པོ་ཞིག་ཀྱང་གློག་ཀླད་བརྒྱུད་ནས་བྱེད་ཀྱི་ཡོད་ཅིང་། གློག་ཀླད་ནི་སྒེར་གྱི་གནས་ཚུལ་མང་པོ་སྤུང་འཇོག་དང་ཉར་ཚགས་བྱེད་ས་ལྟ་བུ་ཡང་ཆགས་ནསཡོད། དེར་བརྟེན། མི་མང་པོའི་སྒེར་གྱི་གནས་ཚུལ་དང་གསང་བ། ཡིག་ཆ་སོགས་གློག་ཀླད་བརྒྱུད་གཞན་གྱིས་ལྐོག་ལྟ་དང་བརྐུ་འཁྱེར་བྱེད་གི་ཡོད། མི་མང་པོའི་བསམ་ཚུལ་ལ། ཡིག་ཆ་གང་ཞིག་གློག་ཀླད་ཀྱི་གད་སྙིགས་བླུགས་སྣོད་(Recycle bin) ནས་གཙང་བཟོ་བྱས་ཚར་ན། གཙང་མ་བཟོས་ཚར་ཡིན་བསམ་གྱི་ཡོད་པ་རེད། དོན་དངོས་སུ་དེ་འདྲ་རེད་དམ། (more…)

ངས་རྩོམ་ཡིག་འབྲི་དོན་ཅི། (ཕྱི་མ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་འཇོར་རྗིས་ཨོ་བེལ།

མ་རྩོམ་ལ་གཟིགས་ན་འདི་རུ་བསྣུན།

ངར་ཤུགས་ཆེ་བའི་སྐུལ་འདེད་འདྲ་མིན་འདི་དག་ཕན་ཚུན་ནང་ཁུལ་ལ་ཇི་ལྟར་འཐབ་འཛིང་བྱེད་ཀྱི་ཡོད་པ་དང་ཁོང་ཚོས་དུས་ནས་དུས་དང་མི་དང་མི་བར་ཇི་ལྟར་འཕེལ་འགྲིབ་གཏོང་ངེས་པ་མཐོང་ཐུབ་པ་ཞིག་རེད། ང་རང་ཐེངས་དང་པོར་དར་མའི་ལོ་ཚད་ལ་ཐོན་པའི་སྐབས་སུ་ཐོབ་པའི་‘རང་གཤིས’་ཀྱི་ཐོག་ནས་བརྗོད་ན། ང་ནི་ཀུན་སློང་དང་པོ་གསུམ་ནི་བཞི་བ་ལས་བརྒལ་ཡོད་པའི་མི་བུ་ཞིག་ཡིན། ཞི་འཇམ་གྱི་དུས་སྐབས་ཤིག་ནང་ངས་གཟབ་མཆོར་སྤྲས་པའི་དཔེ་དེབ་བྲིས་ཡོད་ངེས། ཡང་ན་ཞིབ་འབྲི་ཁོ་ནའི་དཔེ་དེབ་བྲིས་ཡོད་ངེས། ང་རང་གིས་རང་ཉིད་ཀྱི་ཆབ་སྲིད་ཀྱི་ལར་ཞེན་དག་ཧ་ལམ་མ་གཏོགས་པར་ཀྱང་ལྷག་ཡོད་ངེས། གང་ཡིན་ཞེ་ན། ང་རང་དེའི་སྔོན་བཙན་ཤུགས་ཀྱིས་འགྲེམ་ཡིག་འབྲི་རྩོམ་པའི་རིགས་ཤིག་ལ་གྱུར་དགོས་བྱུང་བ་རེད། ཐོག་དང་པོར་ངས་ཆེད་ལས་མི་འཚམ་པ་ཞིག་སྟེ་འབར་མའི་ནང་དུ་རྒྱ་གར་གོང་མའི་སྐོར་སྲུང་པའི་ལས་ཀ་ལོ་ངོ་ལྔ་ལ་བྱས་པ་རེད། དེའི་རྗེས། ང་རང་གིས་དབུལ་འཕོངས་དང་ཕམ་ཁའི་བྲོ་བ་མྱངས་དགོས་བྱུང་སོང་། འདིས་ང་རང་དབང་འཛིན་པ་ཚོར་རང་བཞིན་གྱིས་སྡང་འཛིན་གྱི་བློ་ཇེ་ཆེར་བཏང་བ་རེད། མ་ཟད་འདིས་ང་རང་ལ་ཐོག་དང་པོར་ངལ་རྩོལ་གྲལ་རིམ་དག་གི་འཚོ་གནས་ཆ་ཚང་བར་རྟོགས་སུ་བཅུག་པ་རེད། འབར་མའི་ནང་གི་ལས་ཀ་དེས་ང་རང་ལ་བཙན་རྒྱལ་རིང་ལུགས་ཀྱི་རང་བཞིན་དེ་གོ་རྟོགས་སྤེལ་སོང་། ཡིན་ཡང་། ཉམས་མྱོང་འདི་ཚོས་ང་ལ་ཆབ་སྲིད་ཀྱི་སྦྱོང་བརྡར་ཡང་དག་པ་ཞིག་སྤྲོད་པའི་ནུས་པ་མ་འདང་པ་རེད། དེའི་འཕྲོར། ཧེ་ཐི་ལིར་དང་སི་པན་གྱི་མི་སེར་ནང་འཁྲུག་སོགས་བྱུང་བ་རེད། སྤྱི་ལོ་༡༩༣༥ལོའི་ལོ་མཇུག་ཏུ་ང་རང་གིས་ད་དུང་ཐག་གཅོད་བརྟན་པོ་ཞིག་བྱེད་མ་ཐུབ་པ་རེད། སྐབས་དེར་ངས་རང་ཉིད་ཀྱི་ཅི་བྱ་གཏོལ་མེད་ཀྱི་གནས་སྟངས་སྐོར་ལ་སྙན་ངག་ཐུང་ཐུང་ཞིག་བྲིས་པ་དྲན་པ་སོས་ཀྱི་འདུག (more…)

ངས་རྩོམ་ཡིག་འབྲི་དོན་ཅི། (སྔ་མ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་འཇོར་རྗིས་ཨོ་བེལ།

མ་རྩོམ་ལ་གཟིགས་ན་འདི་རུ་བསྣུན།

ཕལ་ཆེར་ང་ལོ་ལྔའམ་དྲུག་ཡིན་དུས་ནས་བཟུང་ངས་ང་རང་འཚར་ལོངས་བྱུང་ན་རྩོམ་པ་པོ་ཞིག་ཆགས་པར་ཤེས་ཡོད། ཧ་ལམ་ལོ་ན་བཅུ་བདུན་དང་ཉེར་བཞིའི་བར་ནས་ངས་བསམ་བློ་འདི་འདོར་བར་འབད་བརྩོན་བྱས་པ་ཡིན། ཡིན་ཡང་། ངས་དེ་ལྟར་བྱེད་སྐབས་རང་གི་རང་གཤིས་ངོ་མར་དྲང་བདེན་མིན་པའི་བྱ་སྤྱོད་འདིས་ཁོང་ཁྲོ་དྲག་པོ་ལངས་དུ་བཅུག་ན་སྔ་ཕྱི་མ་གཏོགས་ང་རང་ཉིད་གཞིར་བྱས་ཏེ་དཔེ་དེབ་མི་རྩོམ་ག་མེད་འབྱུང་གི་རེད་བསམ་པའི་འདུ་ཤེས་བཟུང་ཡོད།

ང་རང་ལ་སྤུན་གསུམ་ཡོད་པ་ལས་ང་ནི་འབྲིང་བ་དེ་ཡིན། ངའི་སྤུན་ཆེ་བ་ང་ལས་ལོ་ལྔ་ཡི་ཆེ་ཞིང་སྤུན་ཆུང་བའང་ང་ལས་ལོ་ལྔའི་ཆུང་བ་ཡོད་པ་རེད། ང་རང་ལོ་ན་བརྒྱད་ཀྱི་སྔོན་ལ་ཨ་ཕ་དེ་ཙམ་མཐོང་མྱོང་མེད། འདི་དང་རྒྱུ་མཚན་གཞན་དག་ལ་བརྟེན་ནས་ང་རང་དེ་སྔ་གང་ལ་གང་འཚམ་ཁེར་རྐྱང་དུ་ལྷག་ཅིང་། མི་རིང་བར་ང་རང་ལ་མི་གཞན་པ་དང་མི་མཐུན་པའི་ཀུན་སྤྱོད་བྱེ་བྲག་པ་ཞིག་འབྱོར་སོང་། དེས་ང་རང་སློབ་གྲྭའི་དུས་སྐབས་ཧྲིལ་བོར་མི་རྣམས་ཀྱིས་དགའ་མོས་མི་བྱེད་པ་ཞིག་ཏུ་བཟོས་པ་རེད། ང་རང་ལ་གྲོགས་མེད་ཁེར་རྐྱང་གི་བྱིས་པ་ཡི་སྒྲུང་བཟོ་བའི་གོམས་གཤིས་ཤིག་ཡོད་ཅིང་འཆར་སྣང་གིས་བསྐྲུན་པའི་མི་སྣ་དག་དང་ལྷན་དུ་ལབ་གླེང་བྱས་པ་ཡིན། ངས་བསམ་ན་ང་རང་གི་རྩོམ་ཡིག་འབྲི་བའི་ཕུགས་བསམ་དག་ལ་ཆེས་ཐོག་མ་འགོ་ཚུགས་པ་ནས་ཁེར་རྐྱང་གི་ཚོར་བ་དང་བརྙས་བཅོས་ཀྱི་སུན་གཙེར་བསྲེས་ཡོད་པ་རེད་བསམ་གྱི་འདུག ང་རང་ལ་དེ་སྔ་ནས་མིང་ཚིག་གི་ཆ་རྐྱེན་ཚང་ཞིང་ཡིད་ལ་མི་འཐད་པའི་དངོས་ཡོད་དག་ལ་གདོང་གཏོད་པའི་ནུས་པ་ཡོད་པ་ངས་ཤེས་ཡོད། འདིས་མི་སྒེར་གྱི་འཇིག་རྟེན་ལྟ་བུ་ཞིག་གསར་སྐྲུན་བྱས་པ་ངས་ཚོར་བྱུང་། དེའི་ནང་དུ་ངས་རང་གི་རྒྱུན་ལྡན་གྱི་འཚོ་བའི་ནང་གི་ཕམ་ཁ་ལ་སེམས་གསོ་བྱས། (more…)

སྒྲུབ་ཆེན་ཚེ་རིང་གི་སྐུ་ཕུང་ནི་བལ་ཡུལ་གཞུང་ལ་བཏང་བའི་ཚོད་རྒྱུགས་ཤིག་ཡིན།


སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་བསྟན་རྡོར།

མ་རྩོམ་ལ་གཟིགས་ན་འདི་རུ་བསྣུན།

ནང་པའི་གསུང་རབ་ཀྱི་ནང་དུ་སྐད་གྲགས་ཡོད་པའི་གཏམ་རྒྱུད་འདི་འདྲ་ཞིག་ཡོད། སྐྱེ་བ་སྔོན་མར། སྟོན་པ་བཅོམ་ལྡན་འདས་བལ་ཡུལ་གྱི་རྒྱལ་སྲས་སུ་སྐུ་བལྟམས་པའི་སྐབས་དེར། ཁོང་གིས་བཀྲེས་ལྟོགས་ཀྱི་མནར་བའི་སྟག་མོ་ཞིག་གིས་རང་གི་སྟག་ཕྲུག་ཟས་སུ་སྤྱོད་གྲབས་ཡོད་པ་མཐོང་བས། སྟོན་པ་མཆོག་སྟག་མོའི་མདུན་དུ་ཉལ་ནས་ཁོང་ཚོས་བཀྲེས་ལྟོགས་སེལ་བའི་ཁ་ཟས་ཀྱི་ལོངས་སྤྱོད་དུ་རང་གི་སྐུ་གཟུགས་ཆ་ཚང་ཕུལ་བས། བོད་པ་ཚོའི་ཁྲོད་དུ་གནས་ཆེན་འདིར་སྟག་མོ་ལུས་སྦྱིན་ཞེས་ཡོངས་སུ་གྲགས་ཡོད། གནས་ཆེན་འདི་ནི་གནས་སྐོར་བ་དང་ཡུལ་སྐོར་སྤྲོ་འཆམ་པ་ཚོས་གནས་འགངས་ཆེན་ཞིག་ཏུ་བརྩི་ཡི་ཡོད། (more…)

མེ་ཞལ་ཨོ་བྷ་མས་ཤེས་ཡོན་ལ་བཅིངས་བའི་རེ་སྐུལ།

ཆོས་རྒྱལ་སྐྱབས་ཀྱིས་བསྒྱུར།

མ་རྩོམ་ལ་གཟིགས་ན་འདི་རུ་བསྣུན།

འདི་ནི་ངའི་འགྲུལ་ཐུང་དང་པོ་རེད་ལ། སྲིད་འཛིན་གྱི་ལྕམ་གྱི་ངོ་བོས་ཐོག་ནས་ཕྱི་རྒྱལ་འགྲིམས་པ་དང་པོ་རེད། ཁྱེད་ཚོས་ཡིད་ཆེས་ཀྱི་འདུག་གམ། (ཐལ་མོ་རྡེབ་སྒྲ།) འདི་ནི་ང་དབྱིན་ཡུལ་དུ་ཡོང་ཐེངས་དང་པོ་མ་རེད་རུང་། ངས་བརྗོད་དགོས་པ་ཞིག་ལ་འདི་ནི་ངའི་ གཞུང་འབྲེལ་གྱི་གཟིགས་སྐོར་དང་པོ་ཡིན་པས་དགའ་བ་སྐྱེས་ཡོད། ཨ་རི་དང་དབྱིན་ཡུལ་གཉིས་ཀྱི་དམིགས་བསལ་འབྲེལ་བ་ནི་ གཞུང་ཕྱོགས་ཀྱི་འབྲེལ་བ་གཅིག་པུ་མིན་པར། ང་ཚོའི་དབར་གཅིག་མཐུན་གྱི་སྐད་ཡིག་དང་། གཅིག་མཚུངས་ཀྱི་རིན་ཐང་དག་རེད། ངས་ད་རེས་ཁྱེད་ཚོར་ལྟ་སྐབས་དེ་དག་དྲན་གསོས་སོང་། ངའི་གཟིགས་སྐོར་གྱི་སྐབས་སུ་དབྱིན་ཡུལ་གྱི་ ཁྱད་དུ་འཕགས་པའི་བུད་མེད་ཁག་གཅིག་ལ་མཇལ་རྒྱུ་བྱུང་པ་ལས་སྐལ་བཟང་བོ་རེད། བུད་མེད་འདི་དག་གིས་ཁྱེད་ཚོར་བགྲོད་ལམ་འདིང་གི་ཡོད། (more…)

མི་སྣང་བར་གྱུར་བ་དེ། (བཅུ་བ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

ལོ་དང་ཟླ་བ་ཡུན་གྱིས་འདས་དུས་ཉེན་རྟོག་པ་ཚོས་མཚམས་མཚམས་སུ་སྒྲིག་ལམ་བརྩི་སྲུང་མི་བྱེད་པར་ཁོང་ལ་རོགས་པ་བྱེད་ཐབས་བྱས་པ་རེད། ཉེན་རྟོག་པ་ཚོས་ཁོང་མི་མང་འདུ་སར་ཁྲིད་མི་ཆོག་པའི་སྐབས་སུ་གློག་བརྙན་བལྟ་བར་ཁྲིད་པ་དང་སྲང་ལམ་གྱི་གློག་འོད་ཤི་བའི་སྐབས་སུ་ཁོང་ཁྲིད་དེ་གློག་འོད་བསྐྱར་དུ་ཡོང་རག་བར་དུ་སྲང་ལམ་བརྒལ་གྱི་ཡོད། ཁོང་ཚོས་ཁོང་ཨ་ཕ་ཞིག་ཡིན་པའི་སྣང་བ་དེ་ཡོང་ཆེད་མཚམས་རེར་ཁོང་དང་ཁོང་གི་བུ་ཆུང་རྫ་སྤར་གཉིས་ཉེན་རྟོག་རུ་ཁག་གི་རྩེད་ཐང་དུ་ཁྲིད་དེ་འཆར་གཞི་མེད་པར་རྩེད་འགྲན་རུ་ཁག་བགོས་ནས་རྩེད་མོ་རྩེ་བ་དང་གུང་གསེང་སྐབས་སུ་ཁོང་ངོ་མཚར་ལྡན་པའི་སྐྱེད་མོས་ཚལ་དུའང་ཁྲིད་ཡོད། ཐེངས་ཤིག་ངོ་མཚར་ལྡན་པའི་སྐྱེད་མོས་ཚལ་ཞིག་དུ་རྫ་སྤར་གྱིས་རྩེད་ཆའི་མེ་མདའི་འགྲན་སྡུར་ཞིག་གི་སྟེང་དུ་བྱིས་པའི་རྩེད་ཆས་ཤིག་ཡོད་པ་ལེན་འདོད་སྐྱེས་བ་རེད།་མིང་ལ་རྗེ་ཁི་རྒྱག་པ་ཞེས་བའི་ཉེན་རྟོག་མི་སྣ་དེས་རྫ་སྤར་གྱི་སྐད་ཆ་གོ་སྐབས“ཁྱེད་ཀྱིས་རྩེད་ཆས་དེ་ལེན་འདོད་འདུག་གམ”རྫ་སྤར་ལ་དྲིས། དེ་ནས་ཁོང་སྟེགས་བུའི་སྟེང་དུ་སོང་ནས་སྒོར་མོ་བཞག་པ་དང་ཚོང་བདག་གིས་ཁོང་ལ་མེ་མདའ་འཁོར་མདའ་སྤྱིར་བཏང་བ་དེ་གཏད་ཞོར་དུ“ཡ་ཡ།འགྲིག་ག” ཁོང་གིས་བྷོམ་བྷོམ་བྷོམ་ཞེས་གཞུས་ཚེ་འབེན་དེ་ཚོ་གཅིག་གཅིག་གཉིས་གཉིས་བྱས་ནས་ཟགས་སོང་། ཚོང་བདག་གིས་ཁ་གདང་ཞིང་སོ་རྫུན་མ་དེ་ཕྱི་ལ་བསྟན་ནས་ཧད་དེ་ལུས་འདུག “འགྲིག་སོང་། ཡག་པོ་བྱུང་སོང་།”རྗེ་ཁི་རྒྱག་པའི་དེ་ལྟར་བཤད་ཞོར་མེ་མདའ་ས་ལ་བཞག་པ་དང་རྩེད་ཆས་འཇམ་པ་དེ་ལ་མཆུ་བཙུགས་ནས “ངེད་གཉིས་ལ་དེ་བདག་སོང་།བཀའ་དྲིན་ཆེ།”ཞེས་བཤད། (more…)

རྒྱ་ནག་བསྐྱར་ཞིབ།

(ས་ཆ་གཅིག་ལའང་རང་སྐྱོང་མེད་པར་དྭངས་གཙང་གི་མཁའ་རླུང་ཞིག་གང་ན་ཡོད།)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཤའོ་ཧྲོ།

མ་རྩོམ་ལ་གཟིགས་ན་འདི་རུ་བསྣུན།

ཧྲང་ཧེ་ཡུལ་མིས་བཙོག་རླུང་འགོག་པའི་ཆེས་རྩ་བའི་ཐབས་ལམ།

མིག་སྔར་རྒྱ་ནག་གི་ཆེས་སྒུལ་ཤུགས་ཆེ་བའི་གསར་འགྱུར་ཚང་མ་ཁོར་ཡུག་གསར་འགྱུར་རེད། ཐོག་མར་ཐལ་བའི་འབག་བཙོག་སྐོར་རེད། འབྲེལ་ཡོད་སྡེ་ཁག་གིས་བཤད་པ་ལྟར་ན། ལོ་སྔོན་མར་རྒྱ་ནག་གི་གྲོང་ཁྱེར་སྟེང་གི་མཁའ་དབྱིངས་ཀྱི་སྨུག་རྡུལ་གྱི་སྤྱི་བསྡོམས་རྒྱ་ཁྱོན་ནི་སྤྱི་ལེ་གྲུ་བཞི་མ་ཁྲི་༡༣༠ ལྷག་བརྒལ་ཡོད། དེ་ཡང་དབུས་དང་ཤར་ཕྱོགས་ཀྱིས་གྲོང་ཁྱེར་གྱི་ཕྱེད་ཀ་ཟིན་ཡོད་ལ། ཚང་མ་སྨུག་རྡུལ་གྱིས་གཡོགས་ཡོད། དེ་དང་མཐུད་ནས་ས་འོག་གི་བཙོག་ཆུ་སྟེ་གསར་འགོད་པས་ཁྱབ་བསྒྲགས་བྱས་པ་ལྟར་ན། ཁེ་ལས་མང་ཆེ་བས་ཉེས་ཆད་ལ་བྱོལ་ཕྱིར། ཚད་མཐོའི་ཆུ་འཐེན་འཕྲུལ་འཁོར་སྤྱད་ནས་བཙོག་ཆུ་རྒྱུན་ཆད་མེད་པར་ས་འོག་ཏུ་གཏོང་གི་ཡོད། དེར་བརྟེན། རྒྱ་ནག་གི་གྲོང་ཁྱེར་གྱི་ས་འོག་གི་བཙོག་ཆུ་ཕྱེད་ཀ་ཚབས་ཆེའི་འབག་བཙོག་ཏུ་གྱུར་ཡོད། གཙང་མས་རྩ་བའི་ཟིན་ཚད་ནི་བརྒྱ་ཆའི་༣% ལས་མེད།
རྒྱ་ནག་ལ་གཏམ་དཔེ་ཞིག་ཡོད། མགོ་ལ་ཐོར་འབུར་ཐོན།། རྐང་བར་རྣག་ཁྲག་འཛག། ཅེས་ཟེར། རྩ་བའི་གོ་དོན་ནི་མི་ཆེས་ངན་ཤོས་སུ་གྱུར་བ་མཚོན་ལ། སྐབས་འདིར་རྒྱ་ནག་གི་ཁོར་ཡུག་གི་གནས་སྟངས་མཚོན་གྱི་ཡོད། དེ་འུད་བརྗོད་ཅིག་ག་ལ་ཡིན། མགོ་ཐོག་ཏུ་སྨུག་རྡུལ་འཁོར་ཞིང་། རྐང་འོག་ཏུ་དུག་ཆུ་འཁྱིལ་ཡོད། དེས་ནི་ལོ་རྒྱུས་སྟེང་རྒྱ་ནག་ལ་ཆེས་ཛ་དྲག་གི་ཁོར་ཡུག་གི་ཆག་སྒོ་ཞིག་བྱུང་ཡོད་པ་ར་སྤྲོད་བྱེད་ཐུབ། རྒྱ་ནག་མི་འབོར་དུང་ཕྱུར་༡༣ གྱིས་འཛམ་གླིང་སྟེང་ཆེས་གཞི་རྒྱ་ཆེ་བའི་ཁོར་ཡུག་སྐྱབས་བཅོལ་བ་ཉུང་དུ་གཏོང་གི་ཡོད། (more…)

ཝང་ལི་ཞོན་ལ་ཕུལ་བའི་དྲི་བ་གསུམ།

ལྷ་སྡེ་གནམ་ལོ་ཡག་གིས་བསྒྱུར།
མ་རྩོམ་ལ་གཟིགས་ན་འདི་རུ་བསྣུན།

སྐུ་ཞབས་ཝང་ལི་ཞོན་ལགས།

ཉེ་ཆར་ཁྱོད་ཀྱིས་རྒྱ་ཡིག་གི་བདུན་རེའི་དུས་དེབ”ཉི་འོད་དུས་བབ”(འདོན་ཐེངས ༠༣༦)སྟེང་སྤེལ་བའི་རྩོམ་ཡིག“མེར་བསྲེག་ལས་ཅི་ཞིག་སྒྲུབ་བམ”(གཤམ་དུ“བམ”ཞེས་བསྡུ་རྒྱུ།)ཞེས་པ་དེ་ཀློག་རྒྱུ་བྱུང་ཞིང་། ཁྱོད་ཀྱིས་འདི་ལྟར་བློ་གཅིག་སེམས་གཅིག་གིས་བོད་ཀྱི་ཞི་བའི་རང་དབང་ལས་དོན་ཐད་རྩོམ་ཡིག་སྤེལ་བཞིན་པར་གདེངས་འཇོག་བྱེད་འོས་པ་ཞིག་རེད། ཡིན་ནའང་། དོན་དག་གསུམ་ཐད་སྐུ་ཉིད་ལ་དགོངས་བསྐོར་ཞུ་དགོས་བྱུང་སོང་། (more…)

བོད་མིས་ཅིའི་ཕྱིར་རང་ལུས་མེར་བསྲེགས་གཏོང་གི་ཡོད་དམ།

(རྒྱ་མིས་ཁྲག་གི་རྒྱ་མཚོ་འཁྱིལ་བའི་ཨ་མཆོག་དམར་གསོད་ཆེན་མོའི་གཏིང་ནད་ཤེས་ཀྱི་མེད།)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཚེ་རིང་འོད་ཟེར།

མ་རྩོམ་ལ་གཟིགས་ན་འདི་རུ་བསྣུན།

རང་ལུས་མེར་བསྲེགས་བཏང་བའི་ཨ་མཆོག་གི་འབྲོག་མི་བཀྲ་ཤིས་ཚེ་རིང་སྐོར་གྱི་ཟིན་ཐོ།

ཀྲུང་དབྱང་གི་འབྲེལ་ཡོད་གསལ་བཤད་ཁྲོད། དགའ་ལྷང་ལྷང་གི་ངང་ནས་ལོ་དེའི་དམག་འཐབ་སྟེ་༡༩༥༠ལོ་ནས་༡༩༥༨ལོའི་བར་གྱི་དམག་འཐབ་དེ་ལ་ནས་ངོ་ལོག་ཟིང་འཁྲུག་ཅེས་བཏགས་འདུག དཔེར་ན་ཨ་མཆོག་ངོ་ལོག་ཟིང་འཁྲུག ཨ་མཆོག་གི་དོན་རྐྱེན། ཞེས་བཏགས་པ་ལྟ་བུ་རེད། ཀྲུང་གུང་གིས་རྟ་ཞོན་གྲི་འཕྱར་རམ་ཡང་ན་མེ་མདའ་བཟུང་བའི་ངོ་རྒོལ་མཁན་འབྲོག་པ་མང་ཚོགས་ལ་རྐང་དམག་དང་རྟ་དམག ཐ་ན་གནམ་དམག་སྤྱད་ནས་ཟིང་འཁྲུག་ཞི་འཇགས་སུ་བཏང་། དྲ་ལམ་ནས་སྒྲ་ལེན་བྱས་པའི་ཁྲོད་ཀྱི་དམག་འཁྲུག་ཐེངས་གཅིག་གི་གསལ་བཤད་དུ། ༡༩༥༨ལོ་་་་་་ཀན་ལྷོ་དམག་ཁུལ་དུ་ཕྱི་ཟླ་༤བའི་ཚེས་༢ཉིན་རྟ་དམག་རུ་ཁག་དང་པོ་དང་གསུམ་པ་བསྐོངས་༼རུ་གཅིག་ཏུ་བསྒྲིལ་ནས་༽ཤིང་། རྐང་དམག་རུ་ཁག་གཅིག་དང་མཉམ་རུབ་ཐོག་ཨ་མཆོག་གི་ངོ་ལོག་ཟིང་འཁྲུག་སློང་མཁན་ནི་ཐུན་མོང་གིས་ཕར་རྒོལ་བྱེད་སའི་དམིགས་འབེན་དུ་བཟུང་ཡོད་་་་་དམག་རྒྱག་ཐེངས་གཅིག་གིས་དགྲ་བོ་༡༥༠༠ བསྡེབས་གསོད་བྱས་པ་རེད་ལ། ༡༩༥༨ལོ་་་་་ཕྱི་ཟླ་༤བའི་ཚེས་༢ཉིན་་་་་་་མཁའ་དམག་རང་བཙན་རུ་ཁ་༤བས་མཚོན་ཆ་ཅན་གྱི་འཕུར་གྲུ་བཞི་མངག་གཏོང་གིས་་་་ཨ་མཆོག་ཕྱོགས་སུ་འཕུར་ཏེ། སྐམ་དམག་དང་མཉམ་རུབ་ཀྱིས་དཔུང་འཇུག་བྱས་པ་རེད། (more…)

མི་སྣང་བར་གྱུར་བ་དེ། (དགུ་བ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

ཉེན་རྟོག་དམིགས་བསལ་རུ་ཁག་གི་བཀོད་འདོམས་པ་ཇོན་ཧོ་ལེ་ས་གནས་བེལ་དུ་ཁོང་ལ་བལྟ་བར་སླེབས་སོང་། ཉེན་རྟོག་བཀོད་འདོམས་པས་ཁོང་ལ་བཤད་རྒྱུར“གནས་ཚུལ་འདི་དག་ལ་བརྟག་ན་ཁྱེད་རང་དུས་ཡུན་ངེས་ཅན་ཞིག་ལ་ཉེན་ཁའི་ནང་དུ་ཚུད་རྒྱུ་ཡིན་པ་དེ་དམིགས་བསལ་ཉེན་རྟོག་རུ་ཁག་གིས་དེ་སྔོན་སེམས་པར་ཤར་པ་དང་ལྡོག་ཕྱོགས་ཆགས་སོང་།” ཉིན་ཁ་ཤས་ཤིག་ལ་ཡིབས་ནས་བསྡད་དེ་ཆབ་སྲིད་པ་ཚོར་དཀའ་རྙོག་དེ་སེལ་འཇུག་རྒྱུ་ཞིག་མ་རེད། ཁོང་གི་སྤྱིར་བཏང་གི་འཚོ་བ་ཞིག་སྔར་བཞིན་རོལ་ཐུབ་རྒྱུའི་རེ་བ་ཧ་ཅང་ཕྲ་མོ་རེད། ཁོང་ནང་ལ་ལོག་དེ་རང་གི་གོ་སྐབས་དམ་འཛིན་བྱེད་རྒྱུའི་ཐག་གཅོད་བྱེད་ཐབས་མེད་པ་ཞིག་རེད། (more…)

མི་སྣང་བར་གྱུར་བ་དེ། (བརྒྱད་པ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

གནད་འགག་ཅི་ཞིག་ཡིན་མིན་མ་ལྟོས་པར་ཅིག་བྲིས་ཏེ་ཞི་བདེ་ཡོང་ཐབས་བྱེད་པ་ནི་དཔེ་མི་སྲིད་པའི་ལས་འགན་ཞིག་རེད། ཁོང་གིས་བཤད་པའི་སྐད་ཆ་ནི་ཁོ་རང་ཆེས་ཞེན་པ་ལོག་ས་དེ་ཡིན།
“འདྲེའི་ཚིགས་སུ་བཅད་པ”ཡི་རྩོམ་པ་པོས་དཔེ་དེབ་འདི་དཔར་བའི་རྐྱེན་བྱས་ཏེ་འཛམ་གླིང་གི་ས་ཕྱོགས་མང་པོར་ཡོད་པའི་ཁ་ཆེ་བ་ཚོ་དངོས་སུ་བློ་ཕམ་བྱུང་འདུག ཁ་ཆེའི་ལྷག་བསམ་རྣམ་དག་གི་རྗེས་འཇུག་པ་ཚོར་བརྩམས་ཆོས་འདིས་བློ་ཕམ་བཟོས་བར་ངས་སེམས་གཏིང་ནས་དགོངས་དག་ཞུ་བཞིན་ཡོད། ཉམས་མྱོང་འདིས་ཆོས་ལུགས་ཀྱི་གྲུབ་མཐའ་འདྲ་མིན་ཡོད་པའི་འཛམ་གླིང་འདིའི་ནང་དུ་འཚོ་བའི་ང་ཚོར་གཞན་གྱི་ཚོར་ཤུགས་རྣོན་པོར་བསམ་ཤེས་བྱེད་དགོས་པའི་དྲན་གསོ་བྱས་པ་རེད། (more…)

ངས་ཁྱིམ་རྒྱུད་འདིའི་ལོ་རྒྱུས་ཡིག་ཐོག་ཏུ་ཕབ་ནས་ཅིས་ཀྱང་ཉར་དགོས་འདུག་བསམ་སོང་།

བཅར་འདྲི་ཞུ་ཡུལ། གཡང་འཛོམས་རྦི་རོན།
བཅར་འདྲི་ཞུ་མཁན། སྐར་ཁུང་དྲ་བ།

གཅིག
དྲི་བ། ཁྱེད་ཀྱི་སེམས་སུ་ “རི་ཚོགས་བརྒལ་བ་” ཟེར་བའི་དེབ་དེ་རྩོམ་བློ་ཇི་ལྟར་འཁྲུངས་བ་ཡིན་ནམ།

དྲིས་ལན། ངེད་ཚང་གི་ནང་མིའི་ཁྲོད་དུ། ང་ཚོས་དུས་རྒྱུན་དུ་ང་ཚོའི་རྨོ་རྨོ་དང་ཨ་མས་དེ་སྔ་བོད་ནང་དུ་ཇི་ལྟར་འཚོ་བ་སྐྱེལ་མིན་དང་རྒྱ་ནག་གིས་བོད་བཙན་བཟུང་བྱས་རྗེས་ཇི་ལྟར་བྲོས་བྱོལ་བྱས་མིན། ཨ་མ་ལགས་ངའི་པཱ་ལགས་དང་མ་འཕྲད་གོང་གི་རྒྱ་གར་ནང་གི་ཁོང་ཚོའི་བཙན་བྱོལ་གྱི་འཚོ་བ་བཅས་ཀྱི་སྐོར་ལབ་གླེང་བྱེད་དགོས་ཐུག་གིན་ཡོད་ལ། དེ་ནི་དུས་རྟག་ཏུ་ཡིད་དབང་འཕྲོག་པ་ཞིག་ཀྱང་ཡིན་པས། ངས་ཁྱིམ་རྒྱུད་འདིའི་ལོ་རྒྱུས་ཡིག་ཐོག་ཏུ་ཕབ་ནས་ཅིས་ཀྱང་ཉར་དགོས་འདུག་བསམ་སོང་། དེ་ལྟ་བུའི་ལོ་རྒྱུས་དེ་ངེད་ཚང་གི་སྐོར་གཅིག་པུ་ཙམ་མ་ཡིན་པར་བོད་མིའི་དུད་ཚང་གཞན་པ་མང་པོ་ཞིག་ལ་རྒྱ་ནག་གིས་བོད་བཙན་བཟུང་བྱེད་པའི་སྐབས་ལ་དེ་ལྟ་བུའི་མྱོང་བ་ཡོད་ཡོད་རེད། སྤྱི་ལོ་༢༠༠༨ལོའི་སྤྱི་ཟླ་༣པའི་བོད་ནང་གི་ཞི་བའི་ཡར་ལངས་ཀྱི་རྗེས་དང་པེ་ཅིན་དུ་རྒྱལ་སྤྱིའི་དབྱར་ཁའི་ཨོ་ལིམ་ཕིག་རྩེད་འགྲན་འགོ་མ་ཚུགས་གོང་དེ། ངས་མི་ཚང་གཅིག་གི་མི་རབས་གསུམ་གྱི་གཏམ་རྒྱུད་གཞི་ལ་བཞག་ནས་བོད་ཀྱི་སྐོར་ལ་དེབ་ཞིག་འབྲི་རྒྱུའི་དུས་ཚོད་ཡག་ཤོས་ལྟ་བུ་ཞིག་རེད་བསམ་སོང་ལ། འཇར་མན་གྱི་དཔེ་བསྐྲུན་ཁང་འགའ་ཡིས་ཀྱང་དེ་ལ་སྤྲོ་སྣང་ཆེན་པོ་བྱས་སོང་། དེར་བརྟེན། ངས་ང་ཚོའི་ཁྱིམ་ཚང་གི་ལོ་རྒྱུས་འབྲི་འགོ་བསླངས་བ་ཡིན། (more…)

མི་སྣང་བར་གྱུར་བ་དེ། (བདུན་པ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

ཕྱི་ཟླ་༢་བའིཚེས་༡༥་ཉིན་གྱི་ཞོགས་པར་ཁོང་ལ་ལྟ་རུ་ཡོང་མཁན་གྱི་དམིགས་བསལ་ཉེན་རྟོག་ཡན་ལག་སྡེ་ཁག་གི་ཉེན་རྟོག་པ་ནི་བེལ་སོན་དང་། གསང་བའི་ལས་ཁུངས་ཀྱི་ལས་བྱེད་ནི་བེལ་ཌོན་རེད། ཉིན་དེར་དགོད་བྲོ་བ་དང་སྤྲོ་སྣང་ཅན་ཞིག་མེད་ཀྱང་། ཁོང་གཉིས་ཆའི་མིང་དང་པོ་དེ་བེལ་གྱིས་འགོ་བཙུགས་ཡོད། བེལ་སོན་དང་བེལ་ཌོན་ནི་དབྱངས་ཀྱི་དགོད་གཏམ་ཞིག་དང་འདྲ། ཁོང་ལ་འཇིགས་སྐུལ་བྱས་བའི་གནད་དོན་ནི་ཧ་ཅང་ཛ་དྲག་ཡིན་པས་ཛ་དྲག་རིམ་པ་གཉིས་བ་རེད། དེས་ཅི་ཞིག་མཚོན་གྱི་ཡོད་ཅེ་ན། དབྱིན་ཇིའི་རྒྱལ་མོ་ཕུད་པའི་དབྱིན་ལན་རྒྱལ་ཡོངས་ཀྱི་ནང་དུ་ཁོང་ལས་ལྷག་པའི་ཛ་དྲག་གི་ཉེན་ཁའི་ནང་དུ་ལྷུང་བའི་མི་གཅིག་ཀྱང་མེད་པ་དེ་རེད། ཁོང་ལ་ཕྱི་ཕྱོགས་ཀྱི་དབང་ཆ་ཞིག་གིས་སྡིགས་ར་བསྐུལ་བ་ཡིན་པས། དབྱིན་ཇིའི་གཞུང་གིས་ཁོང་སྲུང་སྐྱོབ་བྱེད་རྒྱུ་ནི་འོས་འགན་ལྟ་བུ་ཆགས་ཡོད། གཞུང་ཕྱོགས་ནས་སྲུང་སྐྱོབ་བྱེད་རྒྱུའི་ངོས་ལེན་ཞུས་ཡོད། ཁོང་ལ་སྲུང་སྐྱོབ་བྱེད་མཁན་བདེ་སྲུང་ལས་བྱེད་གཉིས་དང་ཁ་ལོ་བ་གཉིས། རླངས་འཁོར་གཉིས་བཅས་བཀོད་སྒྲིག་བྱས་བ་རེད། རླངས་འཁོར་གཉིས་པ་ནི་རླངས་འཁོར་དང་པོ་དེ་སྐྱོན་ཤོར་བའི་སྐབས་སུ་བེད་སྤྱོད་བྱེད་ཆེད་རེད། ལས་འགན་གྱི་རང་བཞིན་གཞན་དང་མི་འདྲ་བ་མ་ཟད། ཚོད་དཔག་བྱེད་ཐབས་བྲལ་བའི་ཉེན་ཁ་ཡོད་པས། ཁོང་སྲུང་སྐྱོབ་བྱེད་མཁན་ཚང་མ་དང་བླངས་བ་རྐྱང་རྐྱང་རེད། (more…)

མི་སྣང་བར་གྱུར་བ་དེ། (དྲུག་པ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སལ་མན་ར་ཞིས་རྡེས།

མ་རྩོམ་ལ་གཟིགས་ན་འདི་རུ་བསྣུན།

ཕྱི་ལོ་༡༩༨༨ལོ།

དབྱིན་ལན་ནས་རྩོམ་སྒྲིག་བྱས་པའི་“འདྲེའི་ཚིགས་སུ་བཅད་པ”ཞེས་པའི་དེབ་དེ། ཕྱི་ལོ་༡༩༨༨ ལོའི་ཟླ་༩ བའི་ཚེས་༢༦ ཉིན་དངོས་སུ་ཀློག་པ་བོའི་མིག་མདུན་དུ་བཤམས་ཐུབ་པ་བྱུང་བ་རེད། ལོ་དེའི་སྟོན་ཀའི་དུས་ཡུན་ཐུང་ཐུང་ཞིག་གི་རིང་ལ་འདྲེའི་ཚིགས་སུ་བཅད་པ་དེས་རྩོམ་རིག་གི་བགྲོ་གླེང་ཁྲོད་དུ་གྲགས་འགུལ་མི་དམན་པ་ཞིག་བཟོས་སོང་། དེབ་དེ་དངོས་གནས་ཚད་ལྡན་ཞིག་རེད་དམ་ཞེས་པའི་བརྗོད་གཞིའི་སྐོར་ལ་བིས་ཁི་ཁྲོ་རས་ཡ་གྷི་ལན་ཌེན་ནེན་གྱིས་ལོན་ཌོན་དུས་བབ་སྟེང་གླེང་སློང་བྱུང་དོན་ལྟར་ན། (more…)

ཁོ་རིག་གནས་སྦྱོང་རྒྱུ་ཡིན་ཟེར་མཁན་ཞིག་ཡིན།

(མི་ལོ་བཅུ་གསུམ་གྱི་ཁྲིམས་ཆད་ཕོག་པའི་བདག་གི་སློབ་བུ་ཞིག་གི་དངོས་སྒྲུང་།)

རྩོམ་པ་པོ་སྐལ་བཟང་ཉི་མ།

སྤྱི་ལོ་༢༠༠༩་ནས་བོད་ཕྱི་ནང་གཉིས་ནས་བོད་མི་བརྒྱ་ལྷག་གིས་རང་ལུས་མེར་བསྲེགས་བྱས་ཏེ་རྒྱ་ནག་གཞུང་ལ་ངོ་རྒོལ་གྱིས་བོད་ཀྱི་གནས་བབ་ཧ་ཅང་ཛ་དྲག་ཏུ་གྱུར་ཡོད་ལ། རྒྱ་ནག་གཞུང་གིས་དམ་དྲག་དང་དྲག་གནོན་བྱས་མིན་ལ་མ་ལྟོས་པར། བོད་མི་ཚོས་ད་དུང་གནས་སྟངས་དང་བྱེད་ཐབས་འདྲ་མིན་གྱི་སྒོ་ནས་རྒྱ་ནག་གཞུང་ལ་ངོ་རྒོལ་བྱེད་ཀྱིན་ཡོད་པ་ལྟར། དེའི་ཁྲོད་དུ་ངའི་སློབ་བུ་གསུམ་ཡང་ཚུད་ཡོད། དེ་ཡང་། ངའི་སློབ་བུ་བསམ་གྲུབ་རྒྱ་མཚོ་ཡིས་སྤྱི་ལོ་༢༠༠༩ལོའི་ཟླ་༨པའི་ཚེས་ཉིན་ལྷ་ས་པོ་ཏ་ལའི་མདུན་ཐང་ནས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་ཏེ་འཛིན་བཟུང་བྱས་པ་དང་། འཇམ་དཔལ་ཡི་ཤེས་ཀྱིས་སྤྱི་ལོ་༢༠༡༢ལོའི་སྤྱི་ཟླ་༣པའི་ཚེས་༢༧ཉིན་རྒྱ་ནག་གི་སྲིད་འཛིན་ཧུའུ་ཅིན་ཐའོ་རྒྱ་གར་དུ་ཡོང་རྒྱུ་ཡིན་པའི་སྐབས་དང་སྟབས་བསྟུན་ཏེ་རྒྱལ་ས་དྷི་ལི་རུ་རང་ལུས་ལུས་མེར་བསྲེགས་ཀྱིས་འདས་གྲོངས་སུ་ཕྱིན་པ་རེད། ངའི་སློབ་བུ་གྲགས་པ་དར་རྒྱས་ལ་ཉེ་ཆར་རྒྱ་གཞུང་གིས་ལོ་བཅུ་གསུམ་གྱི་བཙོན་འཇུག་ཁྲིམས་ཐག་བཅད་འདུག ཁོང་གསུམ་ག་འཛིན་ཁང་གཅིག་གི་ངའི་སློབ་མ་ཡིན། (more…)