བསམ་བློ་བདག་བཟུང་བྱེད་ཐུབ་ཀྱི་མ་རེད། (ཕྱི་མ)

(ཀཱ་ཤིར་མིར་གྱི་གཞོན་སྐྱེས་ཕོ་མོ་ཚོས་སྡུག་བསྔལ་དང་དྲང་བདེན་ལ་རྡོག་རོལ་གཏོང་བའི་ཁོར་ཡུག་ཅིག་གི་ནང་ནས་མཛེས་ཉམས་ལྡན་པའི་གསར་སྐྲུན་གྱི་སྒོ་ཐེམ་གསར་པ་ཞིག་གི་སྒོ་རྡུང་གིན་ཡོད།)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སོའུ་ཛིས་ན་ མོའུ་ཞིས་བཀྲ་ཁུ།

མ་རྩོམ་ལ་གཟིགས་ན་འདི་རུ་བསྣུན།

ལོ་ཉེར་གསུམ་ཡིན་པའི་གཞོན་སྐྱེས་སྒྱུ་རྩལ་པ་སེད་སྒྲི མུའུ་ཇི་ཐཱ་བྷ་རི་ཟི་ཝེ་ཡིས་“ཀཱ་ཤི་མིར་ནང་དུ་གསར་སྐྲུན་རང་བཞིན་གྱི་ཐོལ་བྱུང་ཞིག་ཧ་ཅང་དགོས་གལ་ཆེན་པོ་འདུག་་་་་་་དེར་སྲིད་གཞུང་གིས་སྨྲ་བརྗོད་ཀྱི་རང་དབང་བཀག་འགོག་བྱེད་པར་འབད་རྩོལ་བྱེད་ཀྱི་ཡོད་པ་རེད། དེར་གསར་འགོད་པ་ཚོར་རྡུང་རྡེག་གཏོང་གི་ཡོད་པ་རེད། དེར་མི་དམངས་ཀྱི་བདེ་སྡུག་ཐད་ལ་གཏམ་བཤད་གནང་མཁན་ཚོ་ཁྲིམས་ལུགས་ཀྱི་མིང་དུ་གྲགས་པ་དག་གི་འོག་ལ་བཀག་གཉེར་གནང་གི་ཡོད་པ་རེད། གསར་སྐྲུན་རང་བཞིན་གྱི་མཚོན་བྱེད་ཅིག་ཤིན་ཏུ་གལ་ཆེན་པོ་རེད།” ཅེས་འགྲེལ་བརྗོད་བྱེད་ཀྱི་འདུག ལོ་གཉིས་སྔོན་ལ་སི་རཱའི་ནཱ་གྷ་ནས་ཡོང་བའི་མོའུ་རྗི་ཐཱ་བྷ་ཁོང་ལན་ཊིན་སློབ་ཆེན་དུ་འཛུལ་ཞུགས་བྱས་ཡོད་པ་རེད། (more…)

བསམ་བློ་བདག་བཟུང་བྱེད་ཐུབ་ཀྱི་མ་རེད། (སྔ་མ)

(ཀཱ་ཤིར་མིར་གྱི་གཞོན་སྐྱེས་ཕོ་མོ་ཚོས་སྡུག་བསྔལ་དང་དྲང་བདེན་ལ་རྡོག་རོལ་གཏོང་བའི་ཁོར་ཡུག་ཅིག་གི་ནང་ནས་མཛེས་ཉམས་ལྡན་པའི་གསར་སྐྲུན་གྱི་སྒོ་ཐེམ་གསར་པ་ཞིག་གི་སྒོ་རྡུང་གིན་ཡོད།)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སོའུ་ཛིས་ན་ མོའུ་ཞིས་བཀྲ་ཁུ།

མ་རྩོམ་ལ་གཟིགས་ན་འདི་རུ་བསྣུན།

༢༠༡༣ལོའི་ཕྱི་ཟླ་༢པའི་ཚེས་༩ཉིན་སཱ་རཱ་གཉིད་ལས་སད་པ་དང་ཨ་ཧྥུ་རྫལ་གུ་རུ་ཡི་སྐེ་ལ་དཔྱང་ཐག་བསྐོན་ཏེ་བསད་ཡོད་པའི་གསར་འགྱུར་ཐོས། འོད་ལྷམ་ལྷམ་གྱི་གཟའ་སྤེན་པའི་ཞོགས་པ་ནི་ལྡི་ལིའི་དཀྱིལ་སྙིང་དུ་དགའ་དགའ་སྤྲོ་སྤྲོའི་གཟའ་མཇུག་ཅིག་ཡིན་པའི་ཆ་འཇོག་གནང་གིན་ཡོད་ནའང་། དེ་ནི་གློ་བུར་དུ་མུན་འཐིབ་འཐིབ་ཞིག་ལ་གྱུར། མོ་རང་གི་ཨ་མས་ཁོ་མོ་ལ་ཁ་པར་ལས་གསར་འགྱུར་དེ་བཤད་དེ་སེམས་པ་ལྷོད་ལ་འབབ་དགོས་པའི་སྐུལ་མ་གནང་། སཱ་རཱ་ཚ་གི་ཚི་གི་ཞིག་ཏུ་གྱུར་ཏེ་མོ་རང་གི་ཨ་མ་ལ་ཀཱ་ཤིར་མིེར་གྱིས་ག་རེ་བྱེད་དགོས་པ་ཅེས་དྲི་བ་ཞིག་དབང་མེད་དུ་ཤོར། (more…)

གཏེར་ཁ་སྔོག་འདོན་གྱིས་བོད་ལ་ཅི་ཞིག་བསྐྲུན་ཡོད་དམ།

(གངས་རིའི་ཐོན་ཁུངས་ཀྱི་དཀའ་ངལ། གཏེར་ཁ་སྔོག་འདོན་གྱིས་བོད་ལ་ཅི་ཞིག་བསྐྲུན་ཡོད་དམ།)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཧོང་ཨན་བཱེ།

མ་རྩོམ་ལ་གཟིགས་ན་འདི་རུ་བསྣུན།

གཟའ་སྤེན་པར་མྱུར་སྐྱོབ་མི་སྣ་ཆག་སྒོ་བྱུང་སར་བསྐྱོད་དེ་འདམ་རྡོ་བསྔོགས་ནས་མྱུར་སྐྱོབ་བྱས་པ་རེད། གཟའ་པ་སངས་ཉིན། བོད་རྒྱ་མ་རི་ཁུག་གི་ལྕགས་རིགས་གཏེར་ཁུངས་ཀྱི་རི་བོ་ཉིལ་ཏེ་ལས་བཟོ་བ་མི་༨༣་ས་འོག་ཏུ་མནན་པ་རེད། པེ་ཅིན། ཕུང་བོ་རེ་རེ་བཞིན་ཕྱིར་བཏོན་པ་རེད། གཟའ་མིག་དམར་བར་དུ་མྱུར་སྐྱོབ་མི་སྣས་འདམ་རྡོས་བཀབ་པའི་འོག་ནས་གཏེར་ལས་པ་༥༩ ཡི་ཕུང་བོ་ཕྱིར་བཏོན་པ་རེད། ཁོང་ཚོས་ད་དུང་དེ་ལས་མང་བའི་ཕུང་བོ་རྙེད་པར་ཚོད་དཔག་བྱེད་ཀྱི་ཡོད། (more…)

བླ་མེད་ཀྱི་བློས་གཏོང་། (གསུམ་པ)

(རང་ཉིད་མེ་རུ་སྲེག་མཁན་དང་འགད་རྫས་བཀད་དེ་རང་སྲོག་འདོར་མཁན་གཉིས་ལ་ཁྱད་པར་ཅི་ཞིག་ཡོད་དམ།)
རྩོམ་པ་པོ་མི་ཁུལ་བྷིག་ས།
སྐར་ཁུང་རྩོམ་སྒྱུར་ཚོགས་ཆུང་གིས་བསྒྱུར།

མ་རྩོམ་ལ་གཟིགས་ན་འདི་རུ་བསྣུན།

བོད་མི་ཚོས་རང་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་བྱས་པའི་གནས་ཚུལ་ཡང་ཡི་གེར་འཁོད་པ་དང་སྒྲ་བླངས་པ་རྣམས་རིམ་བཞིན་གསང་སྟབས་ཀྱིས་ཧི་མ་ལ་ཡ་བརྒལ་ནས་ཁྱེར་ཡོང་བའམ་དྲ་ལམ་བརྒྱུད་སྤེལ་བ་སོགས་ཐབས་སྣ་ཚོགས་ལ་བརྟེན་ནས་ཕྱི་ཕྱོགས་སུ་འབྱོར་གྱི་ཡོད། ཁོང་ཚོའི་ཁ་ཆེམས་སམ་བདེན་པའི་དཔང་པོར་བཞག་པའི་སྐད་ཆ་དང་ཡིག་འབྲུ་དག་གིས་བོད་མི་ཚོས་རང་གི་ངོ་བོ་མ་བརླག་པ་བྱ་རྒྱུ་དང་ཆིག་སྒྲིལ་ཡོང་བར་སྐུལ་མ་ཐེབས་ཀྱི་ཡོད། ཕྱི་ལོ་༢༠༡༢ ཟླ་༤ ཚེས་༡༩ ཉིན་རྒྱ་ནག་གིས་ཟི་ཁྲོན་ཞིང་ཆེན་དུ་ཆ་བགོ་བྱས་པའི་ས་ཁོངས་སུ་ཆོས་འཕགས་སྐྱབས་དང་བསོད་ནམས་གཉིས་ཀྱིས་རང་ལུས་མེ་རུ་བསྲེགས་ཏེ་རྒྱ་གཞུང་ལ་ངོ་རྒོལ་བྱས་ཡོད་པ་དང་། ཁོང་གཉིས་ཀྱིས་ ‘ བོད་མི་ཚོས་རང་ཉིད་ཀྱིས་རང་ཉིད་ལ་སློབ་གསོ་སྤྲོད་དགོས། (more…)

བོད་དམར་ཤོག་དང་ལྔ་ལམ་དུ་ཕྱིན་པའི་རེ་ལྟོས།

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་མོའོ་ར་མོ་ནས་ཧན།

མ་རྩོམ་ལ་གཟིགས་ན་འདི་རུ་བསྣུན།

ཉེ་ཆར་རྒྱ་ནག་དམག་དཔུང་གིས་ལ་དྭགས་ཁུལ་དུ་གློ་བུར་བཙན་འཛུལ་བྱས་པ་ནི་བོད་ས་ཤོར་བའི་གྱོང་གུད་ཀྱི་དྲན་གསོ་སྐྱུར་མོ་ཞིག་རེད། གཟའ་འཁོར་འདིའི་ནང་དུ་རྒྱ་གཞུང་གིས་བོད་ཀྱི་གནའ་བོའི་རྒྱལ་ས་ལྷ་སའི་ཤུལ་དངོས་དག་གཏོར་བཤིག་གཏོང་བའི་གསལ་བསྒྲགས་གནང་སོང་། ལྷ་ས་ནི་བོད་ཀྱི་མི་རིགས་རིང་ལུགས་ཀྱི་མཚོན་རྟགས་ཏེ། མཉམ་སྦྲེལ་ལྷན་ཚོགས་ཀྱི་ཤུལ་དངོས་སྲུང་སྐྱོབ་ཐོ་གཞུང་དུ་ཡོད་མིན་ལ་མ་ལྟོས་བར་རྒྱ་གཞུང་གིས་བརྟན་བརླིང་ཡོང་ཆེད་བོད་ཀྱི་རིག་གཞུང་དང་། ཆོས་ལུགས། ངོ་བོ་བཅས་ངེས་བར་དུ་རྩ་མེད་བཟོ་དགོས་བའི་སེམས་ཐག་བཅད་འདུག (more…)

བླ་མེད་ཀྱི་བློས་བཏང་།(གཉིས་པ)

(རང་ཉིད་མེ་རུ་སྲེག་མཁན་དང་འགད་རྫས་བཀད་དེ་རང་སྲོག་འདོར་མཁན་གཉིས་ལ་ཁྱད་པར་ཅི་ཞིག་ཡོད་དམ།)

རྩོམ་པ་པོ་མི་ཁུལ་བྷིག་ས།
སྐར་ཁུང་རྩོམ་སྒྱུར་ཚོགས་ཆུང་གིས་བསྒྱུར།

མ་རྩོམ་ལ་གཟིགས་ན་འདི་རུ་བསྣུན།

སྤྱིར་ངོ་རྒོལ་གྱིས་རང་ཉིད་གཅིག་པུའི་རང་སྲོག་འདོར་བའམ་འགད་རྫས་བཀད་དེ་རང་སྲོག་འདོར་བ་དང་གཞན་སྲོག་གཅོད་པའི་རིགས་གང་ཡིན་ཡང་དར་ཁྱབ་ཆེ་རུ་སོང་ཡོད་མོད། འདི་གཉིས་ཟུང་དུ་འབྲེལ་བ་ཞིག་རེད་དམ་ཞེ་ན། མ་རེད། དེ་གཉིས་ལ་གནད་དོན་གཅིག་གི་ཆེད་འཐབ་ཇུས་མཉམ་སྤྱོད་མི་བྱེད་པའི་ཁྱད་པར་ཆེན་པོ་ཡོད། བཙོན་དུ་བཅུག་པའི་ཀར་ཌི་ས་ཊན་ངལ་རྩོལ་ཚོགས་པའི་(Kurdistan Workers’ Party= PKK)ཚོགས་མི་རྣམས་ཀྱིས་བཙོན་ཁང་ནང་ཟས་བཅད་ངོ་རྒོལ་བྱས་མཐར་རང་ཉིད་མེ་རུ་བསྲེགས་ཏེ་རང་སྲོག་འདོར་བའི་སྦྱོར་བ་བརྩམས་ཤིང་། ཕྱི་ལོ་༡༩༩༠ ལོའི་ལོ་མཇུག་ཏུ་ཀར་ཌི་ས་ཊན་ངལ་རྩོལ་ཚོགས་པས་ཏུར་ཀི་སྤྱི་མཐུན་རྒྱལ་ཁབ་ནང་རང་སྲོག་འདོར་བའི་དྲག་རྒོལ་གྱི་དོན་རྐྱེན་བསྟུད་མར་སྤེལ་ཡོད། འོན་ཀྱང་བཙོན་ཁང་ནང་དུ་རང་སྲོག་འདོར་བ་དང་བཙོན་ཁང་ཕྱི་རུ་རང་སྲོག་དོར་ཏེ་ངོ་རྒོལ་ལས་འགུལ་སྤེལ་བ་གཉིས་མི་འདྲ། བཙོན་ཁང་ནང་དུ་རང་སྲོག་འདོར་བའི་ལས་བརྩམས་ཀྱང་སྲོག་ཤོར་བའི་ཚད་བཙོན་ཁང་ཕྱིའི་གནས་ཚུལ་ལས་ཉུང་བ་ཡོད། ཕྱི་ལོ་༡༩༩༩ ལོར་PKK ཚོགས་པའི་འགོ་ཁྲིད་འཛིན་བཟུང་བྱས་པ་དང་། ཁོང་འཛིན་བཟུང་བྱ་བའི་ཐད་གྷི་རིག་སྲིད་གཞུང་གིས་བྱ་སྤྱོད་སྤེལ་སྟངས་ལ་དགག་རྒྱག་གིས་ཡོ་རོབ་ཁུལ་དུ་ཡོད་པའི་རྒྱབ་སྐྱོར་བ་ཁ་ཤས་ཀྱིས་རང་ལུས་མེར་སྲེག་གིས་ངོ་རྒོལ་བྱས་ཡོད། འོན་ཀྱང་དེ་ལྟའི་གནས་བབ་ཁྲོད་PKK ཚོགས་པས་ཏུར་ཀི་སྤྱི་མཐུན་རྒྱལ་ཁབ་ཀྱི་སྲིད་གཞུང་མཉམ་དུ་ཞི་འགྲིག་ཡོང་ཐབས་བྱེད་ཀྱིན་ཡོད། (more…)

བླ་མེད་ཀྱི་བློས་བཏང་།(དང་པོ)

(རང་ཉིད་མེ་རུ་སྲེག་མཁན་དང་འགད་རྫས་བཀད་དེ་རང་སྲོག་འདོར་མཁན་གཉིས་ལ་ཁྱད་པར་ཅི་ཞིག་ཡོད་དམ།)

རྩོམ་པ་པོ་མི་ཁུལ་བྷིག་ས་
སྐར་ཁུང་རྩོམ་སྒྱུར་ཚོགས་ཆུང་གིས་བསྒྱུར།

མ་རྩོམ་ལ་གཟིགས་ན་འདི་རུ་བསྣུན།

ཆོས་ལུགས་ཀྱི་ཆེད་དུ་གཡུལ་བསླང་བར་རང་སྲོག་བློས་བཏང་སྟེ་འགད་རྫས་འགད་མཁན་ཚོའི་བྱ་བྱེད་ཀྱིས། ཟུངས་ཁྲག་གིས་བཏུམས་པའི་བྱིས་པ་དང་དུ་བ་ལང་ལོང་འཕྱུར་བའི་མེ་ཕུང་ཁྲོད་འགད་འཐོར་བྱུང་བའི་རླངས་འཁོར་སོགས་ཀྱི་སྣང་བརྙན་ནི་མི་ཚང་མར་ཧ་ཅང་རྒྱུས་མངའ་ཆེ་བའི་ངང་ཚུལ་ཞིག་ཡིན་ལ། དེས་ནུབ་ཕྱོགས་ཀྱི་མི་རྣམས་ལ་རི་མོའི་གཟུགས་སུ་ཧད་ཧད་པོར་ལུས་དགོས་པའི་སྣང་ཚུལ་བསྐྲུན་ཡོད་སྲིད། འོན་ཀྱང་ཉེ་བའི་ལོ་ཤས་ནང་འདས་བའི་གནད་དོན་བསྐྱར་དུ་བསླང་བར་ཚབས་ཆེ་བའི་ངོ་རྒོལ་གྱི་རྣམ་པ་གཞན་ཞིག་བྱུང་དང་འབྱུང་བཞིན་ཡོད། དེ་ནི་བྱང་ཨ་ཧྥེ་རི་ཁ་གླིང་ཆེན་གྱི་ཁོངས་གཏོགས་ཊུ་ནི་ཤི་ཡ་(Tunisia)རྒྱལ་ཁབ་ཀྱི་ལམ་འགྲམ་ཟོང་འཚོང་བ་བྷོ་ཛི་ཛི་(Bouazizi)ཡིས་རང་ཉིད་བསྲེགས་ཏེ་རང་སྲོག་བཅད་པའི་ངོ་རྒོལ་བྱ་སྤྱོད་དེས་ཊུ་ནི་ཤི་ཡའི་མངའ་ཁུལ་ཟང་ཟིང་དུ་བཏང་བ་དང་། དེ་རྗེས་བསྟུད་མར་ཨལ་རྗི་རི་ཡ་(Algeria)དང་། ཨི་ཅིབ།(Egypt) མོ་རོ་ཁོ་(Morocco)སོགས་སུ་རང་བསྲེགས་ཀྱིས་ངོ་རྒོལ་ལས་འགུལ་སྤེལ་བར་སྐུལ་འདེད་ཐེབས་པ་ཙམ་མིན་པར། བོད་མི་ཚོས་རང་ཉིད་མེ་རུ་བསྲེགས་ཏེ་རྒྱ་ནག་གི་དབང་བསྒྱུར་ལ་ངོ་རྒོལ་བྱེད་པའི་གྲངས་འབོར་ཡང་ཇེ་ཆེར་འགྲོ་བཞིན་ཡོད། འདས་པའི་ཟླ་ངོ་གཅིག་གི་ནང་བོད་མི་ཉི་ཤུ་རྩ་བརྒྱད་ཀྱིས་རང་ཉིད་མེ་རུ་བསྲེགས་ཏེ་རྒྱ་གཞུང་ལ་ངོ་རྒོལ་བྱས་ཡོད་པ་དང་། ཕྱི་ལོ་༢༠༠༩ ནས་ད་ལྟའི་བར་ཁྱོན་བསྡོམས་རང་བསྲེགས་ཀྱིས་ངོ་རྒོལ་ལས་འགུལ་སྤེལ་མཁན་བོད་མི་གྲངས་དགུ་བཅུར་སོན་ཡོད། རང་སྲོག་འདོར་བའི་ངོ་རྒོལ་གྱི་བྱ་སྤྱོད་འདི་ཡུལ་ལུང་ས་ཁུལ་གང་ཞིག་ཏུ་བྱུང་ཡང་། དེས་མི་རྣམས་ཀྱི་བློ་ངོར་ཁོ་ཚོས་ཐུན་མོང་ལ་འཕྲད་པའི་ཆབ་སྲིད་ཀྱི་དཀའ་ཉོག་ཞིག་གི་ཆེད་གཞན་ལ་མི་འཚེ་བར་རང་ཉིད་ཀྱི་གཅེས་སྲོག་འདོར་དགོས་པའི་རྒྱུ་མཚན་ཅི་ཡིན་ནམ་སྙམ་པའི་དྲི་བ་ཞིག་ངང་གིས་སྐྱེད་ཀྱིན་ཡོད། (more…)

དྲན་སྣང་ཐར་ཐོར་གྱི་ནང་གི་མགོན་ཚེ།

(དྲན་སྣང་ཐར་ཐོར་གྱི་ནང་གི་མགོན་ཚེ། -གྲོགས་པོ་མགོན་པོ་ཚེ་རིང་རྗེས་སུ་དྲན་པ།)

པད་མ་འབུམ།

དང་པོ།
༢༠༡༡ ལོའི་སྟོན་ཁ་ནས་མགོན་པོ་ཚེ་རིང་ལགས་ལ་སྐུ་ཚེ་རིང་པོ་ལྷག་མེད་པ་ཁོང་དང་ང་ཚོ་ཚང་མའི་སེམས་ན་གསལ་པོ་ཡིན། ཡིན་ན་ཡང་ཁ་རྩང་ཁོང་གི་གྲོངས་གཏམ་ཐོས་དུས་བསམ་ཡུལ་ལས་འདས་པའི་གཏམ་ཞིག་ཐོས་པ་ནང་བཞིན་རེ་ཞིག་ལ་མགོན་ཚེ་ཡི་སྐོར་ལ་ཅི་ཡང་བསམ་རྒྱུ་མེད་པ་ལྟ་བུ་ཞིག་ཏུ་གྱུར། ཡུད་ཙམ་འགོར་རྗེས་ཁོང་དང་འབྲེལ་བའི་འདས་དོན་མག་མོག་དང་མག་མོག་མ་ཡིན་པ་སྐོར་ཞིག་སེམས་ལ་འཁོར་ཡོང་བ་རྣམས་འདི་ལྟར། (more…)

ལམ་འགྲོ་བའི་གཏམ་འདི་ཡིད་ལ་ཞོག


འཇིགས་མེད་ནུབ་པ།

ལོ་རྒྱུས་ལྟར་ན། ང་ཚོ་ཚང་མ་ཁྱིམ་ཚང་གཅིག་ནས་ཡིན་རུང་། དུས་ཚོད་དང་གནས་སྟངས་ཀྱི་དབང་གིས་ང་ཚོ་འཛམ་གླིང་གང་སར་ཁ་འཐོར་ནས་ཡོད། ཁ་འཐོར་བའི་གནས་སྟངས་འོག་ཏུ་ཡང་ང་ཚོས་ཕན་ཚུན་བརྗེད་མེད། བརྗེད་མེད་པའི་བརྩེ་དུང་དེའི་དབང་གིས་ང་ཚོས་ཕན་ཚུན་ལ་འབྲེལ་བ་དུས་ནས་དུས་སུ་བྱེད་བཞིན་ཡོད། འབྲེལ་བ་བྱེད་སྟངས་དེ་ཡང་སྔོན་ཆད་སྦྲགས་ཁང་བརྒྱུད་ནས་ཡིན། འོན་ཀྱང་། འཕྲུལ་རིག་ཡར་རྒྱས་ཕྱིན་པ་ལ་བརྟེན་ནས། དེང་སང་ང་ཚོས་ལག་འཁྱེར་ཁ་པར་བརྒྱུད་ནས་ཕན་ཚུན་ལ་འབྲེལ་བ་བྱེད་ཀྱི་ཡོད། འབྲེལ་བ་བྱེད་སྟངས་དེ་ནི་ང་ཚོ་ཚང་མར་དུས་ཚོད་མྱུར་བ་དང་སྟབས་བདེ་བ་བཅས་ཡོད། དེར་བརྟེན། དུས་ཡུན་ཐུང་ངུ་ཞིག་གི་ནང་ལ། ང་ཚོས་ཕན་ཚུན་ལ་འཕྲིན་ཐུང་བསྐུར་བ་དང་འདྲ་པར་བསྐུར་བ། ཐ་ན་བརྙན་ཐུང་སོགས་ཀྱང་བསྐུར་ཐུབ་གི་ཡོད། (more…)

ལང་ཚོའི་རྦབ་ཆུ་དང་དྲི་ཞིམ་མེ་ཏོག་ཚོམ་བུ། (ལྔ་བ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཚེ་རིང་ཤཱཀྱ།

མ་རྩོམ་ལ་གཟིགས་ན་འདི་རུ་བསྣུན།

བགྲོ་གླེང་དེ་ཡིས་སྲོལ་རྒྱུན་པ་དང་དེང་རབས་པ་བཅས་ཀྱི་དབར་ལ་འགོག་ཏུ་མེད་པའི་ཐད་རྒོལ་ཞིག་བསླངས་པ་དང་། སྐབས་དེར་དེང་རབས་པ་ཚོས་སྲོལ་རྒྱུན་རྙིང་པ་ནི་བཅོས་བསྒྱུར་གྱི་གེགས་ལྟར་ལྟ་བ་དང་གཞན་དག་གིས་སྲོལ་རྒྱུན་ནི་བོད་མི་སེར་སྤེལ་མཁན་ལས་ལོགས་སུ་དབྱེ་བྱེད་ཁྱད་དུ་འཕགས་པ་ཞིག་ཡིན་པར་བསྙད་ཅིང་། ཏང་གིས་བཀག་འགོག་བྱེད་པ་ལ་བརྟེན་ནས་སྲོལ་རྒྱུན་པ་ཚོས་མངོན་སུམ་གྱིས་རྒོལ་ལན་སློག་མ་བཏུབ། གང་ལྟར་ཡང་དངོས་ཡོད་བྱ་བའི་རྒྱུད་རིམ་དང་ལག་ལེན་གྱི་ནུས་ཤུགས་འདོན་པའི་སྐབས་སུ་མང་ཚོགས་ཀྱི་ཆ་ཤས་མང་དག་གིས་སྲོལ་རྒྱུན་རྒྱུད་འཛིན་ནི་བོད་ཀྱི་བདག་ཉིད་བརྒྱུད་འཛིན་གྱི་ལམ་ལྟ་བུ་དང་རྒྱ་ནག་ལས་ལོགས་སུ་དབྱེ་བྱེད་དུ་འགྲེལ་བརྗོད་ཀྱིས་དངོས་ཡོད་ར་སྤྲོད་བྱས་ཡོད། (more…)

ལང་ཚོའི་རྦབ་ཆུ་དང་དྲི་ཞིམ་མེ་ཏོག་ཚོམ་བུ། (བཞི་བ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཚེ་རིང་ཤཱཀྱ།

མ་རྩོམ་ལ་གཟིགས་ན་འདི་རུ་བསྣུན།

དཔལ་འབྱོར་གྱི་མེ་ཏོག་ལྡུམ་རའི་ནང་གི་ཀླན་ཀ་ནི་བོད་ཡིག་ཏུ་བརྩམས་པའི་ལྷུག་རྩོམ་གྱི་བརྩམས་ཆོས་ཡག་ཤོས་ཤིག་ཏུ་ངོས་འཛིན་པ་དང་། སྒྲུང་གི་སྐད་ཆ་དང་རྣམ་པ་ནི་བརྩམས་ཆོས་གཞན་དང་བསྡུར་ན་དོན་དམ་པར་ཧ་ཅང་རྒྱས་སྤྲོས་ཆེ་ལ། རྩོམ་པ་པོས་སྒྲུང་གི་སྐད་ཆ་མི་དམངས་དང་ཉེ་སར་བཅར་བའི་དགོས་འདུན་དང་མཐུན་པར་སྦྱོར་བར་ཤུགས་སྣོན་བྱས་པ་དང་། སྲོལ་རྒྱུན་གྱི་ཁ་བརྡ་བཤད་སྟངས་ལྟར་ལྡུམ་ར་ཞིག་གི་ནང་གི་མེ་ཏོག་དག་གིས་ཁོང་ཚོའི་ཁྲོད་ཀྱི་གང་ཞིག་མཛེས་ཤོས་ཡིན་མིན་ལ་རྩོད་པ་བྱེད་པའི་བྱུང་རིམ་ཁྲོད་རྩོད་གཞི་ཅན་གྱི་ཁ་བྱང་གི་གོ་དོན་ལྟར་སྲོག་ཆགས་རེ་རེའི་གཤིས་ཀ་རང་དོན་ཅན་དང་ཡ་ང་སྙིང་རྗེ་མེད་པར་འབྲི་བཞེངས་བྱས་ཡོད། (more…)

ང་ཚོ་སྐྱབས་བཅོལ་བ་ཚོ།(བཞི་པ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཧན་ནཱ- ཨ་རེན་རྡུ་ཁྲི།

གལ་སྲིད་འཚོ་གནས་ཀྱི་ཆེད་དུ་ཡོད་ཚད་བློས་གཏོང་མཁན་ཞིག་ལ་མཚོན་ན་རང་ཉིད་ཀྱི་འཚོ་གནས་ཀྱི་གོ་སྐབས་དེ་ཧ་ཅང་ཆེན་པོ་རེད། འོན་ཀྱང་། འཚོ་གནས་ཀྱི་ཆེད་དུ་རང་ཉིད་ཀྱི་ངོ་བོ་སྒྱུར་མཁན་ཞིག་ལ་མཚོན་ན་དེ་ནི་ཆེས་དཀའ་ངལ་ཆེ་བའི་གནད་དོན་ཞིག་ཡིན་པ་སྨོས་མ་དགོས་པ་རེད་ལ་དེ་ནི་ཐབས་ཟད་ཨུ་ཐུག་གི་སྣང་ཚུལ་ཞིག་ཀྱང་ཡིན་པ་རེད། དེར་བརྟེན། ང་ཚོས་བྱ་བ་གང་ཞིག་བྱས་ན་ཡང་སྐད་ཆ་གང་ཞིག་བཤད་ན་ཡང་འདྲ་ང་ཚོས་གནད་དོན་གལ་ཆེན་གང་ཡང་མི་སྟོན་པར་གཙོ་བོ་ང་ཚོ་རང་ཉིད་ཀྱི་ངོ་བོ་བསྒྱུར་འདོད་པ་དེ་ཕྱིར་བསྟན་པ་ཙམ་རེད། ང་ཚོས་ལུས་ངག་ཡིད་གསུམ་གྱིས་བྱ་བ་གང་ཞིག་བྱས་ན་ཡང་དམིགས་ཡུལ་གཙོ་བོ་དེ་རང་ཉིད་ཇོས་ཤུ་མི་རིགས་མ་ཡིན་པ་ཞིག་ཏུ་བསྒྱུར་ཐབས་བྱེད་རྒྱུ་དེ་རེད། གང་ཡིན་ཟེར་ན། (more…)

ལང་ཚོའི་རྦབ་ཆུ་དང་དྲི་ཞིམ་མེ་ཏོག་ཚོམ་བུ། (གསུམ་པ)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ཚེ་རིང་ཤཱཀྱ།

མ་རྩོམ་ལ་གཟིགས་ན་འདི་རུ་བསྣུན།

དེའི་རྗེས་ནས་ཟླ་ཟེར་དང་བོད་ཀྱི་མང་ཚོགས་སྒྱུ་རྩལ། ཉི་གཞོན། ལྷོ་ཁའི་རྩོམ་རིག་སྒྱུ་རྩལ། ལྷ་སའི་སྐྱིད་ཆུ། གངས་དཀར་རི་བོ་བཅས་ཀྱིས་མཚོན་པའི་དུས་དེབ་མང་པོ་ཐོན་པ་དང་། བོད་ཡིག་སྙན་ངག་ཅིག་གི་ཚིག་ཟིན་དུའང་དཔྱིད་ཀྱི་མེ་ཏོག་ལྟར་བཞད་པའི་དུས་དེབ་དེ་དག་ཅེས་བཀོད་འདུག དུས་དེབ་འདི་དག་དོན་ངོ་མར་རང་དབང་གིས་བཏོན་པ་མིན་པར་ཚོགས་པ་ཆེན་པོ་ཁག་གི་སྟངས་འཛིན་འོག་མཇུག་བསྐྱངས་དང་སྐྱོང་བཞིན་ཡོད་པ་དང་། བོད་ཀྱི་རྩོམ་རིག་སྒྱུ་རྩལ་ནི་བོད་རང་སྐྱོང་ལྗོངས་རྩོམ་པ་པོའི་མཐུན་ཚོགས་ཀྱིས་བཏོན་པ་དང་། སྦྲང་ཆར་མཚོ་སྔོན་རྩོམ་པ་པོའི་མཐུན་ཚོགས་ཀྱིས་འགོ་བཙུགས་པ་དང་། དེ་བཞིན་དུས་དེབ་གངས་དཀར་རི་བོ་ལྟ་བུ་ཚོང་ལས་མཐུན་ཚོགས་ཀྱིས་བཏོན་པ་བཅས་ནི་ད་ལྟའི་དཔེ་མཚོན་ཙམ་རེད། (more…)

གྲང་ཐུག

སྐར་ཁུང་རྩོམ་སྒྱུར་ཚོགས་ཆུང་གིས།
བསྟན་ཆོས་རྒྱ་མཚོའི་ཟིན་བྲིས་ལས་བསྒྱུར།
མ་རྩོམ་ལ་གཟིགས་ན་འདི་རུ་བསྣུན།

ཨ་མདོ་བ་ཚོ་ཐུག་པ་ལ་དགའ། དགུན་ཁ་ཁུ་བ་ཅན་གྱི་ཐུག་པ་དང་དབྱར་ཁ་གྲང་ཐུག་འཐུང་། ངའི་ཁྱོ་ཀ་ང་རང་ཐུག་པ་ལ་ཧ་ཅང་དགའ་བར་དགོད་ཀྱིན་འདུག ངས་བསམ་ཚོད་ལ་དེ་ནི་ངའི་རིགས་རྒྱུན་ཕྱེད་ཨ་མདོ་ཡིན་པས་རེད་འདོད། གང་ལགས་ཤེ་ན་ང་སྔོན་ཆད་ཁྱིམ་ནས་བཟོས་པའི་ཐུག་པ་འཐུང་བའི་ཡི་ག་ཚིམ་མི་བཏུབ་པ་ཞིག་ཡོད། དེ་བས་ཚ་དྲོད་ཆེ་བའི་ཉི་མ་རེ་རེར་གྲང་ཐུག་ཡིད་ལ་དྲན་ཞིང་འོང་།
གྲང་ཐུག་གྲ་སྒྲིག་བྱེད་པར་ཆེས་གལ་ཆེ་བའི་རྒྱུ་ཆ་ནི་སྡོར་གྱི་རིགས་ཡིན་ལ་ཁྱིམ་ཚང་ཕལ་ཆེ་བར་རང་རང་གི་སྡོར་གྲ་སྒྲིག་བྱེད་སྟངས་མི་འདྲ་བ་རེ་ཡོད། ངེད་ཚང་གི་ཁྱིམ་དུ་མཚམས་རེར་སྒོག་པ་དང་ཙོང་བརྔོས་མ་གྲ་སྒྲིག་བྱེད་ལ། ངས་དེའི་སྟེང་དུ་ཀེའུ་དང་སྤོད་རྫས་ཚ་བོའི་རིགས་དང་བྲོ་སྐྱུར་བཅས་ཀྱང་གྲ་སྒྲིག་བྱེད་ཀྱིན་ཡོད། སྡོར་རྣམས་མགྲོན་པོ་དག་གི་ཉེ་འཁྲིས་སུ་བཞག་སྟེ་རང་རང་གི་དགའ་ཕྱོགས་དང་བསྟུན་ནས་ཐུག་པའི་ནང་ལ་ལྡུག་པ་དང་། གྲང་ཐུག་དང་མཉམ་དུ་ང་ཚོས་ཆེ་ཤ་བརྔོས་མའམ་ཕག་ཤ་བཙོས་མ་ཚལ་དང་ལྷན་དུ་བརྔོས་པ། སྲན་དཀག་དང་སྔོ་ཚལ་གྱི་གྲང་ཚལ་བཅས་ཀྱང་འདྲེན་གྱིན་ཡོད། (more…)