“མི་རབས་གསར་པའི་སྙིང་ཁམས་ཀྱི་འཕར་ལྡིང་།”གི་ཁ་སྐོང་འགའ།(༣)

རྩོམ་པ་པོ་པད་མ་འབུམ།
ཡིག་སྒྱུར་བ། སྐལ་བཟང་ཉི་མ།

ཞུ་དག་པ། པད་མ་འབུམ།

ཕོ་མོའི་འདོད་སྲེད་བརྗོད་པ་ནི་གསར་དུ་བྱུང་བའི་སེར་མོ་པའི་སྙན་ངག་གི་སྡེ་ཡི་བརྗོད་བྱ་ཞིག་ཡིན་ན་ཡང་བརྗོད་བྱ་གཅིག་པོ་མིན། མཐའ་ན་བརྗོད་བྱ་མང་ཤོས་སུ་ཡང་འགྱུར་མི་ཐུབ། དོན་དངོས་སུ་སེར་མོ་བའི་སྙན་ངག་པ་ཉུང་ཤས་ཤིག་གི་བརྗོ་གཞི་ཡིན། སེར་མོ་བའི་སྡེ་ལ་ཚུད་ཚར་དུས་ཕོ་མོ་བར་གྱི་འདོད་སྲེད་ནི་བསྟེན་པ་དང་བརྗོད་པ་ཚང་མ་འཛེམ་བྱ་དང་པོ་ཡིན་དུས་དེ་རང་བཞིན་གྱིས་གྲངས་ཀ་མང་མི་ཐུབ། དེ་ལས་ཁོང་ཚོས་སྐྱ་བོའི་སྙན་ངག་པའི་སྡེ་དང་བསྡོངས་ནས་བོད་ཀྱི་སྤྱི་ཚོགས་ཀྱི་གནས་བབ་དང་། བོད་མི་རིགས་ཀྱི་ལས་དབང་སྐོར་བརྗོད་པའི་སྙན་སྙན་རྩོམ་ནི་མང་ཤོས་ཡིན་ལ། བརྗོད་གཞི་དེ་དག་ནི་གྲངས་ཀའི་ཆ་ནས་དགོན་སྡེ་ཞིག་གི་དུས་དེབ་ཅིག་དང་སེར་མོ་བའི་སྙན་ངག་ཕྱོགས་བསྒྲིགས་ཀྱི་དེབ་ཅིག་ལས་སེམས་ཁ་གང་བའི་བར་དུ་ཀློག་རྒྱུ་ཡོད། ཁོང་ཚོའི་སྔོན་རབས་པའི་སེར་མོ་བའི་སྙན་ངག་པ་རྣམས་ཀྱི་སྙན་རྩོམ་ནི་བླ་མ་དང་དགེ་རྒན་ལ་བསྟོད་པ་མིན་ན་བསླབ་བྱ་གཏོང་བ་དང་། དེ་མིན་ན་འཇིག་རྟེན་འཁོར་བ་ལ་སྐྱོ་གླུ་ལེན་པ་བཅས་བརྗོད་བྱ་གུ་དོག་པའི་རྣམ་པ་དེ་དེང་སང་གི་སེར་མོ་བའི་སྙན་ངག་གི་སྡེ་འདིས་གཏོར་འགོ་བཙུགས་ཡོད། (more…)

བླ་བྲང་གི་འབྲོག་ཕྱོགས་སུ་བསྐྱོད་པ།

ཕ་ཏེ། ཨོ་ཏུ་མེ་ལུ་ཡིས་བརྩམས།
བསོད་ནམས་རྒྱལ་གྱིས་བསྒྱུར།

མ་རྩོམ་ལ་གཟིགས་ན་འདི་རུ་བསྣུན།

ལོ་ན་གཞོན་པའི་སྤྱི་བདེ་ཉེན་རྟོག་པ་ཞིག་གིས་འཛེམ་ཟོན་དང་མཚར་སྣང་གི་སྒོ་ནས་ང་ལ་ “ང་རང་དངུལ་ཁང་དུ་འགྲོ་དགོས་ཀྱི་འདུག ཁྱོད་ཀྱིས་ང་ལ་འདི་ནས་ཅུང་ཙམ་སྒུག་ཐུབ་བམ།”་ཞེས་ཟེར། མིག་སྔར་ང་རང་རྒྱ་ནག་གི་ནུབ་ཕྱོགས་སུ་འགྲུལ་བསྐྱོད་བྱེད་པའི་སྐབས་སུ་ཁོ་ང་རང་གི་མཉམ་དུ་སླེབས་ཏེ་ང་ལ་རོགས་རམ་བྱས། དེ་དེ་འདྲའི་འདྲ་མཉམ་མ་ཡིན་པ་ཞིག་ཀྱང་མིན་ཏེ། སྔོན་མ་ང་རང་དངུལ་ཁང་དུ་འགྲོ་དུས། ཁོས་ང་རང་ལ་སྒུག་ནས་བསྡད་པ་རེད། ང་རང་ཁོའི་ཕ་ཡུལ་ཀན་སུའུ་བླ་བྲང་ལ་འབྱོར་ན་ཡང་། ཁོས་ད་དུང་ང་ལ་རྫ་དུག་མི་ཕོག་པའི་སྨན་སྟེར་ཡོང་། བསང་ཆུ་རྫོང་ནི་རི་གྲོང་ཞིག་སྟེ། ལྷ་ས་ཕུད་པའི་བོད་རྒྱུད་ནང་བསྟན་གྱི་ལྟེ་གནས་གཙོ་བོ་བླ་བྲང་བཀྲ་ཤིས་འཁྱིལ་ཞེས་པའི་དགོན་པ་དེ་ཡང་དེ་ན་གཞི་ཆགས་འདུག ཁོ་ནི་ལྟོས་ཚོད་ཀྱི་མི་ཡ་རབས་ཚུལ་ལྡན་ཞིག་ཡིན་པ་མ་ཟད། རང་ཉིད་ཀྱི་ལས་དོན་ཐད་ལ་ཡང་འགན་ཏག་ཏག་ཁུར་བཞིན་འདུག། ད་དུང་ཁོས་ང་རང་གི་གུང་གསེང་བར་ནས་ངས་བོད་མི་སུ་ཞིག་ལ་བཅར་འདྲི་དང་གནས་ཚུལ་རྒྱུས་ལོན་བྱེད་པར་རོགས་རམ་བྱེད་པའི་ཁག་ཐེག་ཀྱང་བྱས་སོང་། (more…)

རྗེ་མལ་(Gmail)པང་དུ་ལོངས།

Gmail

འཇིགས་མེད་ནུབ་པ།

ལོ་ངོ་ཉི་ཤུ་སུམ་ཅུའི་གོང་དུ་། ང་ཚོས་ཕན་ཚུན་ལ་ཡི་གེ་དང་འདྲ་པར་སོགས་སྦྲགས་ཁང་བརྒྱུད་ནས་བསྐུར་གི་ཡོད། ང་ཚོའི་ཁྲོད་ཀྱི་མི་ཁ་ཤས་ད་དུང་ཡང་འདི་ལ་གོམས་ནས་ཡོད། འོན་ཀྱང་། དེང་སང་དེ་ལྟར་མིན། སྦྲགས་ཁང་བརྒྱུད་ནས་གཞན་ལ་ཡི་གེ་དང་འདྲ་པར་སོགས་བསྐུར་བའི་གྲངས་ཀ་དེ་ཧ་ཅང་ཉུང་དུ་ཕྱིན་ཡོད། རྒྱུ་མཚན། ང་ཚོའི་མདུན་དུ་གློག་འཕྲིན་ཟེར་བའི་དྲ་ཐོག་བརྒྱུད་ཡི་གེ་དང་འདྲ་པར་སོགས་བསྐུར་ཆོག་པའི་བརྒྱུད་ལམ་ཞིག་སླེབས་པས་ཡིན། (more…)

“མི་རབས་གསར་པའི་སྙིང་ཁམས་ཀྱི་འཕར་ལྡིང་།”གི་ཁ་སྐོང་འགའ།(༢)

རྩོམ་པ་པོ་པད་མ་འབུམ།
ཡིག་སྒྱུར་བ། སྐལ་བཟང་ཉི་མ།

ཞུ་དག་པ། པད་མ་འབུམ།

རྒྱ་གར་གྱིས་གཙོས་པའི་ཕྱི་རྒྱལ་གྱི་བོད་པ་ཤེས་ཡོན་ཅན་གྱི་ངག་ཐོག་དང་ཡིག་ཐོག་གཉིས་ཀ་ནས་ “རང་མོས་” ཞེས་པ་ནི་མཐོང་ཐོས་ཧ་ཅང་དཀོན་པའི་མིང་ཞིག་ཡིན། རྒྱུ་མཚན་ནི་ཧ་ཅང་གསལ་པོ་ཡིན། ཁོང་ཚོས་མའོ་ཙེ་ཏུང་གི་ “རང་མོས་རིང་ལུགས་ལ་ངོ་རྒོལ་བྱེད་དགོས།”ཞེས་པ་དེ་སློབ་སྦྱོང་བྱེད་དགོས་པར་མ་གྱུར་པ་རེད། གལ་སྲིད་སྙན་ངག་རྩོམ་ལུགས་གསར་པ་འདི་བོད་ཡུལ་དུ་མ་དར་བའི་སྔོན་ལ་ཕྱི་རྒྱལ་གྱི་བོད་ཀྱི་སྤྱི་ཚོགས་སུ་དར་ཡོད་ན་”རང་མོས་”ཞེས་པ་འདི་དེའི་འབོད་མིང་གི་ཆ་ཤས་སུ་ཡོང་མི་སྲིད་པ་ཞིག་ཡི་རྒྱུ་རེད་སྙམ། (more…)

“མི་རབས་གསར་པའི་སྙིང་ཁམས་ཀྱི་འཕར་ལྡིང་།”གི་ཁ་སྐོང་འགའ།(༡)

རྩོམ་པ་པོ་པད་མ་འབུམ།
ཡིག་སྒྱུར་བ། སྐལ་བཟང་ཉི་མ།

ཞུ་དག་པ། པད་མ་འབུམ།

གཅིག སྙན་རྩོམ་རིགས་འདིའི་མིང་།

“མི་རབས་གསར་པའི་སྙིང་ཁམས་ཀྱི་འཕར་ལྡིང་།” གི་ནང་དུ། ངས་སྙན་ངག་གི་རྩོམ་ལུགས་འདི་ལ་སྐབས་དེར་ད་དུང་གཅིག་གྱུར་གྱི་མིང་ཞིག་ཀྱང་མེད་ཅེས་བརྗོད་ཡོད། ངས་རྩོམ་དེ་འབྲི་བཞིན་པའི་གནས་སྐབས་དེ་ལ་སེམས་ལ་དྲན་པའི་མིང་གསུམ་དྲ ས་ཡོད་པ་ནི། སྙན་རྩོམ་གསར་པ་དང་། རང་མོས་སྙན་ངག དེང་རབས་སྙན་ངག་ཅེས་པ་གསུམ་ཡིན། དེ་ནས་ད་བར་དུ་ཕལ་ཆེར་ལོ་བཅོ་ལྔ་ཙམ་འགྲོ་བཞིན་ཡོད་པའི་སྐབས་འདིར། གོང་གི་མིང་གི་རྣམ་གྲངས་དེ་དག་གི་ཐོག་ལ་ད་དུང་ ” གྲོལ་བའི་སྙན་ངག ” ་དང་། ” མ་བཅིངས་པའི་སྙན་ངག ” ” རྐང་བས་མ་བཅད་པའི་སྙན་ངག ” ཟེར་བ་ལྟ་བུའི་མིང་གི་རྣམ་གྲངས་སྔར་ལས་ཀྱང་ཇེ་མང་དུ་སོང་ཡོད་པ་མ་གཏོགས། མིང་གཅིག་གྱུར་ཡོང་ཐུབ་མེད། (more…)

ཁྲག་ཡིག 

1

སྒྱུར་མཁན། འབྲོང་བུ་ཟླ་བ་ཚེ་རིང་།

མ་རྩོམ་ལ་གཟིགས་ན་འདི་རུ་བསྣུན།

ཡི་གེ་ཁྲག་གིས་འབྲི་བའི་བསམ་བློ་འདི་ལ་ཡིད་འཕྲོག་པའི་ནུས་པ་ཞིག་འདུག  དུས་རབས་ཉི་ཤུ་བའི་རྒྱ་མི་རྩོམ་པ་པོ་ལུའུ་ཞུན་གྱིས་ “སྣག་ཚས་བྲིས་པའི་རྫུན་ཁྲག་བྲིས་དྲང་བདེན་དུ་རྫུས་མི་ཐུབ།”ཅེས་གསུངས།  སྐབས་འདིའི་ ‘ཁྲག་བྲིས་’ཞེས་པར་གཟུགས་རྒྱན་གྱི་ནུས་པ་ལྡན་པ་སྟེ་ལུའུ་ཞུན་གྱིས་སློབ་ཕྲུག་ངོ་རྒོལ་བ་དམར་གསོད་བྱས་པ་སྟོན་གྱིན་ཡོད་པ་རེད། འོན་ཀྱང་། འདི་ནི་རྒྱ་ནག་གི་ལོ་རྒྱུས་དང་མཐུན་པ་སྟེ་རྒྱ་ནག་ལ་དོན་དངོས་སུ་ཁྲག་བྲིས་ཀྱི་སྲོལ་རྒྱུན་ཡོད་པ་རེད། ལྷག་པར་དུ་ནང་ཆོས་སུ་སྲོལ་རྒྱུན་འདི་ཡོད་པ་དང་། ང་ཚོ་ལ་ཡོད་པའི་ཆེས་སྔ་ཤོས་ཀྱི་དཔེ་མཚོན་ནི་ཏུན་ཧོང་ཡིག་ཚགས་ན་ཡོད། དཔེར་ན། ཏུན་ཧོང་ཡིག་ཚགས་སུ་རྡོ་རྗེ་གཅོད་པ་ཡོད་པའི་དེབ་ཆུང་ཞིག་གི་མཇུག་བྱང་དུ་འདི་ལྟར་བྲིས་འདུག (more…)

ས་ཁྲ་གང་རུང་ཞིག་གི་སྟེང་དུའང་མེད་།

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་བསྟན་འཛིན་བསོད་ནམས།

མ་རྩོམ་ལ་གཟིགས་ན་འདི་རུ་བསྣུན།

ངས་ཅི་ཙམ་ཕྱིར་དྲན་བྱེད་ཐུབ་པ་དེ་ནས་ངས་ཕ་ཡུལ་ཞེས་བོས་པའི་ས་ཆ་དེ་དག་ཕ་ཡུལ་ངོ་མ་མིན་པ་ངས་ཤེས་ཤིང་། ང་སྐྱེས་ས་དང་ཆུང་དུས་ལོ་མང་རིང་བསྡད་ས་རྡར་རྗེ་གླིང་དུ་དུས་རྒྱུན་ང་ཚོའི་ཕ་ཡུལ་ངོ་མ་ནི་བོད་ནང་དུ་བཞག་ཡོད་པ་དང་མཐོ་ཞིང་བརྗིད་པའི་གངས་ཅན་ཇོན་གྷའི་རི་རྒྱུད་བརྒལ་མ་ཐག་གི་དེའི་གྲིབ་གཟུགས་ཕོག་ས་དེར་ང་ཚོ་འཚོ་སྡོད་བྱས་ཡོད་ཅེས་བརྗོད་པས་སྐབས་འཕྲལ་ཞིག་ཏུ་ཚོར་གྱིན་ཡོད་ལ། བོད་ནས་གསར་དུ་བྲོས་བྱོལ་བྱས་པའི་ཉེ་འབྲེལ་རྣམས་དང་ངོ་ཤེས་མང་པོ་ཞིག་ཕར་འགྲོ་ཚུར་ཡོང་བྱེད་པ་དེས་ང་ལ་ངའི་ཕ་མ་གཉིས་ཀས་ཀྱང་ཁོང་ཚོའི་ནང་མི་རྣམས་རྒྱབ་ཏུ་བཞག་ནས་འདི་ལྟར་ཧི་མ་ལ་ཡ་བརྒལ་ཏེ་འགྲུལ་བཞུད་བྱས་ཡོད་པ་རྟོགས་སུ་བཅུག་བྱུང་། རྒྱུ་མཚན་ཅི་ཞིག་གིས་ང་ཚོར་དང་ཐོག་གི་སྐྱབས་བཅོལ་གྱི་གོ་རིམ་འདི་བརྒྱུད་བཅུག་པ་ནི་། ད་ལོ་མིན་ཚེ་སང་ལོ་ང་ཚོ་ཕྱིར་བོད་དུ་ལོག་པར་དོགས་པ་ཙམ་ཡང་མེད་པའི་ཐག་གཅོད་དེས་རྐྱེན་པས་ཡིན་ལ། ལྷག་པར་དུ་ངའི་ཕ་རྒན་ནི་དོན་དག་དེའི་སྟེང་འགྱུར་བ་སྤུ་ཙམ་ཡང་མེད་པས། སྤྱི་ལོ་༡༩༩༩ལོར་དྷི་ལིའི་སྨན་ཁང་ཞིག་གི་ནང་ཁོང་འཆི་ཁ་བར་དུ་རེ་བ་དེ་བཅངས་ཡོད། (more…)

རྟོག་སྒྲུང་<<གསེར་བསྒྱུར་མཁན་ >>ཞེས་པ་བཀླགས་པ།

71SXCz3ckRL

སྐལ་བཟང་ཉི་མ།

མཚམས་སྦྱོར་མདོར་བསྡུས།
རྟོག་སྒྲུང་< <གསེར་བསྒྱུར་མཁན>>ཞེས་པ་ནི་སྒྲུང་བ་གྲགས་ཅན་པོ་ལོ་ ཁུ་ལོ་(Paulo Coelho)ཡིས་ཕོར་ཆོའི་གྷལ་སིའི་(Portuguese)ནང་བདུན་ཕྲག་གཅིག་གི་རིང་བརྩམས་གྲུབ་པར་བྱས་པ་དང་། ཐོག་མར་སྤྱི་ལོ་༡༩༨༨ལོར་པར་བསྐྲུན་བགྱིས། དེ་ནས་སྐད་ཡིག་ང་དྲུག་ཏུ་བསྒྲུར་གྲུབ། མཚོན་བྱེད་ཅན་གྱི་རྟོག་སྒྲུང་འདི་ཡིས་མིང་ལ་སན་ཤི་ཡ་གྷོ་(Santiago)རུ་འབོད་པའི་ཨན་ཌ་ལ་ཤི་ཡན་(Andalusian)པའི་ལུག་རྫི་བུ་ཆུང་ཞིག་གི་རྨི་ལམ་གྱིས་ཁོང་ལ་ཡང་དང་བསྐྱར་དུ་སྦས་ནོར་ཞིག་བརྙེད་དུ་ཡོད་པར་བསྟན་པ་ཇི་བཞིན་ཨེ་ཇིབ་ལ་འགྲུལ་བསྐྱོད་བྱས་པའི་བྱུང་རིམ་གྱི་སྣེ་ལ་འཇུས་ཏེ་མཐར་བསྐྱལ་ཡོད། (more…)

༼ཆོས་སྲིད་ཟུང་འབྲེལ༽ཞེས་པའི་ཐ་སྙད་ཀྱི་གཡའ་སེལ་སྐོར།

རྩོམ་པ་པོ། བན་ཤུལ་དཔལ་མཁར་རྒྱལ༼ལྷ་ས༽ མཁོ་སྤྲོད་པ། བདེ་ཆེན་སྒྲོལ་མ།

དེ་ལ་དཔྱད་ཐུང་འདི་མ་བྲིས་པའི་སྔོན་དུ་བོད་ཀྱི་རིག་གནས་སྐོར་ལ་མཁྱེན་དཔྱོད་རྣམ་པར་ཡངས་བའི་ཀྲུང་དབྱང་མི་རིགས་སློབ་ཆེན་གྱི་དགེ་རྒན་གཡང་མོ་མཚོ་ལགས་ལ་ཐུགས་རྗེ་ལེགས་འབུལ་ཞུ་དགོས་པ་ཡོད། གང་ཡིན་ཞེ་ན་རེབ་འདིའི་དཔྱད་ཡིག་ཤིན་ཏུ་གལ་ཆེ་བ་འདི་གཉིས་ཁོང་གིས་བདག་ལ་མཁོ་འདོན་བརྒྱུད་ནས་ཐོབ་པ་དང་ཁྱད་པར་དུ་ཆོས་སྲིད་ཟུང་འབྲེལ་བྱ་བའི་ཐ་སྙད་འདིའི་ལུང་ཁུངས་ཕྱི་མ་ཤོག་གྲངས་དང་བཅས་པའང་གསོལ་རས་སུ་བསྩལ་བྱུང་བས་རྩོམ་ཐུང་འདིར་དགེ་བ་ཅི་མཆིས་པ་ཁོང་གི་བགོ་སྐལ་དུའང་འབུལ་རྒྱུ་ཡིན། (more…)

བོད་གཞི་རྒྱ་ཆེ་བའི་སྣང་ཡུལ་དུ་འདྲེན་པ། (ཕྱི་མ)

Janet Gyatso

བཅར་འདྲི་ཞུ་ཡུལ། རྗེ་ནེ་ཁྲི་རྒྱ་མཚོ།
བཅར་འདྲི་ཞུ་མཁན། བན་ཌས་མེ་ཁུ་ཌོ་བིལ།

མ་རྩོམ་ལ་གཟིགས་ན་འདི་རུ་བསྣུན།

དྲི་བ།
ལོ་རྒྱས་ཀྱི་ཆ་ནས་བལྟས་ན་བོད་ཀྱི་བུད་མེད་ཚོར་དབང་ཐང་ཅི་ཞིག་འདུག

ལན། ཆོས་ཕྱོགས་ཀྱི་གོ་སར་བུད་མེད་ཁ་ཤས་སླེབས་འདུག ས་ཁུལ་གྱི་མགོ་དཔོན་དང་རྒྱལ་པོ། ས་བདག་དང་སྐུ་དྲག་ཚོའི་རྗེས་ཤུལ་འཛིན་པའི་ལམ་ལུགས་རྙིང་པ་བྱུང་ཡོད། བུད་མེད་ཚོས་མཚམས་མཚམས་གོ་ས་དེ་འདྲ་བཟུང་ནས་ཆོས་དང་ས་གནས་ཀྱི་ཆབ་སྲིད་ལམ་ལུགས་དབང་བསྒྱུར་བྱེད་ཐུབ་པ་བྱུང་འདུག ནང་པའི་དགོན་པ་དང་སྒྲིག་འཛུགས་ཁག་ནི་ཕལ་ཆེར་ཡོངས་རྗོགས་སྐྱེས་པ་ཚོས་དབང་བསྒྱུར་བས། བཙུན་དགོན་དང་ཆོས་ཀྱི་དབུ་ཁྲིད་ཁ་ཤས་བྱུང་ཡོད་ཀྱང་མང་པོ་མེད། སྤྱིར་བཏང་ནང་ཆོས་ཀྱི་དགོན་པའི་ལམ་ལུགས་ནི་གཙོ་བོ་སྐྱེས་པ་ཚོས་དབང་བསྒྱུར་བ་ཞིག་རེད། ལྷག་པར་བྱང་ཕྱོགས་ཀྱི་ནང་པའི་རྒྱལ་ཁབ་ཚོའི་ནང་དུ་དར་ཁྱབ་ཆེ། འོན་ཀྱང་། སྲིད་ཕྱོགས་ནས་རྒྱལ་མོ་ཁག་ཅིག་ཡོད། རྩོམ་ཡིག་ཅིག་གི་ནང་དུ་བསྟན་པ་ལྟར། བུད་མེད་ཚོར་ཆོས་ཀྱི་ནང་ལོགས་ལས་ཕྱི་ལོགས་སུ་དབང་ཆ་ཐོབ་པའི་ལམ་ཁ་མང་བ་འདུག ཁྱོ་ག་གྲོངས་བའི་རྗེས་ཤུལ་བཟུང་བ་ནི། དམིགས་བསལ་གྱིས་བུད་མེད་ཚོའི་སྤྱོད་ལམ་དང་ཡིད་དབང་འགུག་པའི་ཁྱད་ཆོས་ལྡན་པས་རེད་། (more…)

བོད་གཞི་རྒྱ་ཆེ་བའི་སྣང་ཡུལ་དུ་འདྲེན་པ། (སྔ་མ)

Janet Gyatso

བཅར་འདྲི་ཞུ་ཡུལ། རྗེ་ནེ་ཁྲི་རྒྱ་མཚོ།
བཅར་འདྲི་ཞུ་མཁན། བན་ཌས་མེ་ཁུ་ཌོ་བིལ།

མ་རྩོམ་ལ་གཟིགས་ན་འདི་རུ་བསྣུན།

དྲི་བ།
ག་རེ་བྱས་ནས་ཁྱེད་དང་ཁྱེད་ཀྱི་རྩོམ་སྒྲིག་ལས་རོགས་གཉིས་ཀྱིས་བོད་ནང་གི་བུད་མེད་ཚོའི་སྐོར་ལ་དཔེ་དེབ་ཅིག་འདོན་པའི་ཐག་གཅོད་བྱས་པ་ཡིན།

ལན། དེ་ནི་ངའི་ལས་རོགས་ཀྱི་ཐོག་མའི་བསམ་ཚུལ་རེད། ལས་འཆར་དེ་མགོ་བཙུགས་རྗེས་ང་ལ་རྩོམ་སྒྲིག་ལས་རོགས་བྱེད་པའི་རེ་སྐུལ་བྱས་བྱུང་། ཧན་ན་ཧེ་བུ་ནེ་བིག་(Hanna Havnevik)་ནི་ནོར་ཝེའི་ཨོ་སི་ལོ་གཙུག་ལག་སློབ་གྲྭའི་བོད་རིག་པ་བ་ཞིག་རེད། ཁོ་མོས་དེ་སྔོན་བོད་ཀྱི་བཙུན་མ་ཚོའི་སྐོར་ལ་དཔེ་དེབ་ཅིག་བརྩམས་ཡོད། ཁོ་མོས་ང་ལ་འབྲེལ་བ་བྱེད་སྐབས་སྔ་ས་ནས་ཧར་སི་ཌི་(Hurst)་དང་གོ་ལིམ་པུག་གཙུག་ལག་སློབ་གྲྭ་དང་མཉམ་དུ་གན་རྒྱ་བཞག་གྲུབ་པ་མ་ཟད། རྩོམ་ཡིག་འབྲི་མཁན་ཁག་ཅིག་ཀྱང་པང་བསྒྲིགས་འདུག དཔེ་དེབ་ཅིག་རྩོམ་སྒྲིག་བྱེད་རྒྱུ་དེ་སོ་སོ་རང་ཉིད་ཀྱིས་རྩོམ་ཡིག་ཅིག་འབྲི་རྒྱུ་ལས་ཁག་ཀྱང་། ལས་དོན་དེ་བསྒྲུབ་རྒྱུར་དགའ་བོ་བྱུང་། བརྗོད་བྱ་གཅིག་སྟོན་པའི་དཔེ་དེབ་ཅིག་རྩོམ་སྒྲིག་བྱེད་སྐབས་རང་གི་རྒྱུན་ལྡན་གྱི་རེ་འདུན་ཁར་རྩོམ་ཡིག་སྤྲོད་མཁན་རྣམས་ལ་འགན་ཁུར་དགོས། (more…)

༸གོང་ས་མཆོག་ནི་མི་གཙོ་བོ་དང་མིའི་བདེ་དོན་གཙོ་བོར་འཛིན་མཁན་ཞིག་རེད།

Kunchok

བཅར་འདྲི་ཞུ་ཡུལ། ཨ་འབྲུག་དཀོན་མཆོག།
བཅར་འདྲི་ཞུ་མཁན། སྐར་ཁུང་དྲ་བ།

དྲི་བ།
གལ་སྲིད་མི་རིགས་ཀྱི་ངོ་བོ་སྲུང་སྐྱོབ་དང་ནང་ཆོས་སྲུང་སྐྱོབ་གཉིས་གདམ་ཀ་ཞིག་ཡིན་པའི་དབང་དུ་བྱས་ན། ༧རྒྱལ་བ་རིན་པོ་ཆེས་གཙོ་བོ་གང་འདེམས་ཀྱི་རེད་དམ།

དྲི་ལན།
ང་རང་གིས་༸གོང་ས་མཆོག་གི་བཀའ་སློབ་དང་དགོངས་དོན་ལ་སློབ་སྦྱོང་དང་ཞིབ་འཇུག་བྱེད་ཐབས་ཀྱི་ཁ་ཕྱོགས་སམ་རྩ་འཛིན་ཞིག་ནི། ༸གོང་ས་མཆོག་གིས་གང་ཞིག་གསུངས་པའི་ནང་དོན་ཕྱོགས་བསྡོམས་དང་། ཅིའི་ཕྱིར་གསུངས་པའི་དགོངས་དོན་འཚོལ་ཞིབ་བྱེད་པ་དེ་གཉིས་ཡིན། གཞི་རྩ་འདིའི་ཐོག་ནས་བཤད་ན་སྤྱིའི་ཆ་ནས་༸་གོང་ས་མཆོག་གིས་བོད་མི་རིགས་དང་ནང་བསྟན་ཆོས་ལུགས་གཉིས་ལ་གདམ་ཀའི་རང་བཞིན་གྱི་དབྱེ་ཁྱད་ཅིག་ཕྱེས་ཡོད་པ་ཁོ་བོས་མ་མཐོང་། སྤྱིར་ན་༸གོང་་མཆོག་གིས་ནང་བའི་ཆོས་ལུགས་ལུགས་འདི་བོད་པའི་ངོས་ནས་བཤད་ན་འདི་བོད་པའི་བསམ་སྤྱོད་ལ་ཤན་ཤུགས་ཆེས་ཆེ་བའི་ཆོས་ལུགས་ཙམ་མ་ཡིན་པར། བོད་པ་དུས་རབས་ཉེར་གཅིག་པའི་འཛམ་གླིེང་གི་ཤེས་ཡོན་འཕེལ་རིམ་གྱི་ཁོར་ཡུག་ཏུ་འགྲེངས་བྱེད་ཀྱི་ཤེས་ཡོན་གྱི་ཕུང་བོ་ཁྱད་པར་བ་ཞིག་ཏུ་གཟིགས་བཞིན་པ་དང་། (more…)

ཤེས་ཡོན་ཆུང་ངུ་ཉེན་ཁ་ཆེ།

Ngawang Yongden

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་ངག་དབང་ཡོན་ཏན།

མ་རྩོམ་ལ་གཟིགས་ན་འདི་རུ་བསྣུན།

ང་ཚོས་མི་རྣམས་ཀྱི་བསམ་ཚུལ་ལམ་ཁོང་གི་གསུང་བཤད་ལ་ཉན་དུས་འདས་ཟིན་པའི་ལོ་ཟླ་དག་གི་ནང་གི་ཁོང་གི་ཡིད་རྟོན་དང་བློས་གཏོང་། གྲུབ་འབྲས་དག་ཇི་ལྟར་གལ་ཆེན་པོ་ཡིན་པ་རྟོགས་དགོས་པ་བརྗོད་ག་ལ་དགོས། དཔེར་ན། ང་ཚོས་༸གོང་ས་སྐུ་ཕྲེང་བཅུ་བཞི་པའི་གསུང་བཤད་ལ་ཉན་སྐབས་འདས་པའི་བགྲང་བྱ་དྲུག་ཅུའི་ནང་རྒྱ་ནག་སྲིད་གཞུང་དང་འཐབ་རྩོད་བྱས་པ།རྒྱལ་སྤྱིའི་སྡིངས་ཆ་ཐོག་བོད་དོན་མུ་མཐུད་དུ་གསོན་གནས་བྱེད་པར་རྒྱུན་མཐུད་པ། རྒྱ་གར་དང་བལ་ཡུལ།འབྲུག་རྒྱལ་ཁབ་ནང་གི་བོད་མི་ཚོ་ཁོ་ནའི་འཚོ་ཕན་ཡར་རྒྱས་བཏང་བ་ཙམ་མ་ཡིན་པར་ད་དུང་ཨ་རི་དང་ཡུ་རོབ་ཀྱི་རྒྱལ་ཁབ་མང་པོ་ཞིག་གི་ནང་གི་བོད་མི་ཚོའི་འཚོ་ཕན་གོང་འཕེལ་བཏང་ཡོད།༸སྐྱབས་མགོན་རིན་པོ་ཆེ་མཆོག་གིས་འཛམ་གླིང་སྤྱི་ཡོངས་ལ་ཆོས་ལུགས་འཆམ་མཐུན་དང་འགྲོ་བ་མིའི་རིགས་ཀྱི་རིན་ཐང་དག་གོང་སྤེལ་གཏོང་བར་འབད་རྩོལ་དང་མཛད་རྗེས་བཞག་ཡོད་པ་ཁོ་བོས་སྐབས་འདིར་གླེང་གི་མིན། (more…)

འཚེ་མེད་ཞི་བའི་དགེ་མཚན། ངས་དངོས་སུ་མཐོང་བའི་༧གོང་ས་ཏཱ་ལའི་བླ་མ།

秦先生与尊者合影1

ཀུན་དགའ་བཀྲ་ཤིས་ཀྱིས་བསྒྱུར།
རྩོམ་པ་པོ་ཇིན་ཝེ་ཕིང་།

མ་རྩོམ་ལ་གཟིགས་ན་འདི་རུ་བསྣུན།

༄༅། ཕྱི་ལོ་ ༢༠༡༣ ལོའི་ཟླ་ ༡༠ ཚེས་ ༢༣ གྱི་སྔ་དྲོ་ཚོུད་ ༦ པར། ཡིད་དབང་འཕྲོག་པའི་གྲོང་ཁྱེར་ནིའུ་ཡོག་ནང་གི་མི་རྣམས་ད་དུང་ཡང་གཉིད་བསད་མེད་པའི་དུས་ཚོད་ལ། གུས་པ་ནི་མཱན་ཧྭ་ཀྲིན་ Manhattan ས་ཁུལ་གྱི་སན་ཁྲཱར་པག་ Central park སྤྱི་གླིང་ཉེ་འདབས་སུ་ཆགས་པའི་སྦི་ཁཱིན་ Beaconགསོལ་མགྲོན་ཁང་དུ་འབྱོར།

དེ་རིང་ངས་འཛམ་གླིང་ཐོག་མཚན་སྙན་གྱིས་ཁྱབ་ཀྱང་། རྒྱ་ནག་ནང་མཚན་དམས་ཀྱིས་ཁེངས་པའི་གཏམ་བརྒྱུད་ཁྲོད་ཀྱི་གང་ཟག་ཅིག་མཇལ་གྱི་ཡོད་ཅིང་། དེ་ནི་བོད་ཀྱི་བསམ་པའི་གཙོ་འཛིན་༧གོང་ས་ཏཱ་ལའི་བླ་མ་སྐུ་ཕྲེང་ ༡༤ པ་ཡིན། ནོ་སྦེལ་ཞི་བདེའི་གཟེངས་རྟགས་བཞེས་མཁན་ཅིག་ཡིན་པའི་ཆ་ནས་༧གོང་ས་ཏཱ་ལའི་བླ་མ་མཆོག་ལ་འཛམ་གླིང་ཡོངས་དང་། ལྷག་པར་དུ་ནུབ་ཕྱོགས་མང་གཙོའི་རྒྱལ་ཁབ་ནང་དགའ་བསུ་ཆེན་པོ་དང་། བསྟོད་བསྔགས་ཆེན་པོ་ཐོབ་ཀྱི་ཡོད། ཡིན་ན་ཡང་རྒྱ་ནག་སྐམ་ས་ཆེན་པོར་གཞུང་ཕྱོགས་ནས་དྲིལ་བསྒྲགས་བྱས་པའི་གནས་ཚུལ་ནང་། ཏཱ་ལའི་བླ་མ་ནི་ག་དུས་ཡིན་རུང་བོད་རང་བཙན་གླེང་ནས་རྒྱལ་ཁབ་ཁ་བྲལ་གཏོང་མཁན་གྱི་དགྲར་འཛིན་མི་སྣ་ཞིག་དང་། ཡུན་རིང་བོད་རང་བཙན་གྱི་ལྐོག་ཇུས་བཤམས་རྐྱེན་གྱིས་ཕྱི་རྒྱལ་དུ་བཙན་བྱོལ་ལ་ཕེབས་པའི་ངོས་འཛིན་བྱེད་ཀྱི་ཡོད། རྒྱ་ནག་གཞུང་ཕྱོགས་ཀྱི་འགྲེལ་བརྗོད་བྱེད་སྟངས་ལ་གཞིགས་ན། རྒྱལ་ནང་གི་བོད་མི་ཚོས་རང་ལུས་རང་གིས་སྲེག་པ་དང་། ཐ་ན་རྙོག་ཁྲ་ཡོད་ཚད་ཏཱ་ལའི་རུ་ཚོགས་ཀྱིས་ངན་བྱུས་བཤམས་ནས་བྱུང་བ་ཞིག་ལ་འགྲེལ་བརྗོད་བྱེད་ཀྱི་ཡོད། རང་གི་བསམ་བློའི་ནང་༧གོང་ས་ཏཱ་ལའི་བླ་མར་འགྲེལ་བརྗོད་བྱས་པ་ནང་བཞིན་འགྲེལ་བརྗོད་བྱེད་ཡུལ་གྱི་མི་ཅིག་ཡོད་པ་ནི་སྐུ་ཞབས་ཅང་ཅེ་ཧྲེ་ཡིན། (more…)

མཱ་ཡོན་གྱི་བོད་ཀྱི་གཏམ་རྒྱུད་ཁག འཆར་སྣང་ཁྲོད་ཀྱི་ཆག་སྒོའི་མཇུག་འབྲས་བརྗོད་པ།(ཕྱི་མ)

(མ་གཞི་རྩོམ་ཡིག་འདི་ཨ་རིའི་ཧ་བེ་ནུབ་མིའི་གཙུག་ལག་སློབ་གྲྭ་ཆེན་མོར་བསྡུས་པའི “འབྲེལ་འདྲིས་ཁྲོད་ཀྱི་ཉམས་ཉེས་དང་ཆག་སྒོ། མི་སེར་སྤེལ་བའི་རྗེས་ཀྱི་འཛམ་གླིང་ཡུལ་གྲུ་ཁག་གི་གདོད་མིའི་མི་རིགས་རྣམས་ཀྱི་གསོན་གནས།” ཞེས་པའི་བགྲོ་གླེང་སྐབས་སུ་གཏམ་གཤད་དུ་བྲིས་ཡིན།)

སྐར་ཁུང་རྩོམ་སྒྱུར་ཚོགས་ཆུང་གིས།
རྩོམ་པ་པོ་སུ་ཀྲིས་བན་ཇེ་བན་ཆོས་རེས་ནོ།

མ་རྩོམ་ལ་གཟིགས་ན་འདི་རུ་བསྣུན།

མཱ་ཡོན་གྱི་བརྩམས་སྒྲུང་“རྣམ་ཤེས་འཁྱམས་པོ།”ཞེས་པའི་ནང་གི་མི་སྣ་ཁ་ཤས་དོང་ཙེའི་རང་བཞིན་ལྟ་བུའི་ལོ་རྒྱུས་ཀྱི་གནས་བབ་ལ་དོ་སྣང་སླེབས་པའི་སྐོར་བྲིས་ཡོད་ལ། སྐབས་དེར་ང་ཚོའི་སེམས་སུ་ལམ་སང་འཆར་བ་ནི་ལོ་རྒྱུས་ནི་གཅིག་ཡིན་ན་ཡང་དེ་ནི་དོང་ཙེ་ཞིག་དང་འདྲ་བར་ཕན་ཚུན་འགྲེལ་བཤད་རྒྱགས་སྟངས་ཀྱི་ཆ་ནས་ངོས་གཉིས་ཡོད་པ་རེད། དེ་བཞིན་དུ་ང་ཚོས་ངེས་པར་དུ་ཤེས་དགོས་པ་ཞིག་ལ་རྒྱ་བོད་གཉིས་ལ་མཚོན་ན་ཡང་རྒྱ་ནག་གི་གཏམ་རྒྱུད་ཁྲོད་ཀྱི་མི་སྣ་དག་ནི་དོང་ཙེ་དེའི་ངོས་གཅིག་དང་དེ་བཞིན་བོད་ཀྱི་སྐད་ཡིག་ཁྲོད་ཀྱི་ལོ་རྒྱུས་ནི་དོང་ཙེ་དེའི་ངོས་གཞན་ཞིག་ཡིན་པ་དེ་རེད། གནད་དོན་དེ་ནི་རིག་གཞུང་མཉམ་འདྲེས་ཀྱི་གནས་བབ་འོག་ཏུ་རིག་གཞུང་གཅིག་མེད་པར་གཞན་པ་དེ་ཡང་གནས་མི་ཐུབ་པ་ལྟ་བུ་རེད། འོན་ཀྱང་། ངག་རྒྱུན་གཏམ་རྒྱུད་དེའི་གནད་རྙོག་འཛིངས་ཅན་དུ་ཆགས་དོན་ནི་བརྩམས་སྒྲུང་དེས་གནད་དོན་དབྱེ་གསེས་མེད་པར་ལོ་རྒྱུས་ཀྱི་འགྲེལ་བཤད་གཉིས་པོ་མཉམ་དུ་བདེན་པར་བརྩིས་ནས་རྗེས་ཟློས་བྱས་པ་དེས་རེད། (more…)